Artikolu 75 Prinċipji ġenerali

l-istruttura tad-delega ma tippermettix lill-AIFM jaħrab ir-responsabbiltajiet jew obbligazzjoni;

l-obbligi tal-AIFM lejn tal-AIF u l-investituri tiegħu ma jiġux alterati bħala riżultat tad-delega;

il-kondizzjonijiet li l-AIFM għandu jikkonforma magħhom biex ikun awtorizzat u jwettaq attivitajiet skont id-Direttiva 2011/61/UE, ma jiġux mhedda;

l-arranġament tad-delega tieħu l-forma ta’ ftehim bil-miktub konkluż bejn l-AIFM u d-delegat;

l-AIFM jiżgura li d-delegat iwettaq il-funzjonijiet delegati effettivament u skont il-liġi applikabbli u r-rekwiżiti regolatorji u jrid jistabbilixxi metodi u proċeduri għal reviżjoni fuq bażi kontinwa tas-servizzi pprovduti mid-delegat. L-AIFM għandu jieħu azzjoni xierqa jekk jidher li d-delegat ma jistax iwettaq il-funzjonijiet effettivament jew f’konformità mal-liġijiet applikabbli u mar-rekwiżiti regolatorji;

l-AIFM jissuperviżjona effettivament il-funzjonijiet iddelegati u jimmaniġġja r-riskji assoċjati mad-delega. Għal dan il-għan, l-AIFM għandu jkollu l-għarfien espert u r-riżorsi meħtieġa l-ħin kollu biex jissuperviżjona l-funzjonijiet iddelegati. L-AIFM għandu jistabbilixxi fil-ftehim, id-dritt tiegħu għall-informazzjoni, l-ispezzjoni, l-ammissjoni u l-aċċess, u id-drittijiet tiegħu ta’ struzzjoni u monitoraġġ tad-delegat. L-AIFM għandu jiżgura wkoll li d-delegat jissuperviżjona sew it-twettiq tal-funzjonijiet iddelegati, u jimmaniġġja adegwatament ir-riskji assoċjati mad-delega;

l-AIFM jiżgura li jinżammu l-kontinwità u l-kwalità tal-funzjonijiet delegati jew tal-kompitu ddelagat tat-twettiq ta’ funzjonijiet, anki fil-każ tat-terminazzjoni tad-delega, jew permezz tat-trasferiment tal-funzjonijiet iddelegati jew tal-kompitu ddelegat tat-twettiq ta’ funzjonijiet lil parti terza oħra jew billi jwettaqhom huwa stess;

id-drittijiet u l-obbligi rispettivi tal-AIFM u tad-delegat huma allokati b’mod ċar u stabbiliti fil-ftehim. Partikolarment, l-AIFM għandu jiżguraw kuntrattwalment id-drittijiet tiegħu ta’ struzzjoni u terminazzjoni, id-drittijiet tiegħu għall-informazzjoni, u d-dritt tiegħu ta’ spezzjonijiet u aċċess għal kotba u l-bini. Il-ftehim għandu jiżgura li sottodelega tista’ sseħħ biss bil-kunsens tal-AIFM;

fejn jikkonċerna l-immaniġġjar tal-portafoll, id-delega hija skont il-politika ta’ investiment tal-AIF. Id-delegat għandu jingħata struzzjonijiet mill-AIFM dwar kif jimplimenta l-politika ta’ investiment u l-AIFM għandu jimmonitorja jekk id-delegat jikkonformax magħha fuq bażi kontinwa;

l-AIFM jiżgura li d-delegat jiżvela lill-AIFM kwalunkwe żvilupp li jista’ jkollu impatt materjali fuq l-abbiltà tad-delegat li jwettaq il-funzjonijiet iddelegati b’mod effettiv u f’konformità mal-liġijiet applikabbli u mar-rekwiżiti regolatorji;

l-AIFM jiżgura li d-delegat jipproteġi kwalunkwe informazzjoni kunfidenzjali marbuta mal-AIFM, l-AIF affettwat mid-delega u l-investituri f’dak l-AIF;

l-AIFM jiżgura li d-delegat jistabbilixxi, jimplimenta u jżomm pjan ta’ kontinġenza għall-irkupru minn diżastri u ttestjar perjodiku tal-faċilitajiet ta’ riżerva filwaqt li jqis it-tipi ta’ funzjonijiet iddelegati.