Artikolu 9 Pieni

1.   L-Istati Membri għandhom jieħdu l-miżuri meħtieġa biex jiżguraw li r-reati msemmija fl-Artikoli 3 sa 8 jkunu punibbli b’pieni kriminali effettivi, proporzjonati u dissważivi.

2.   L-Istati Membri għandhom jieħdu l-passi meħtieġa biex jiżguraw li r-reati msemmijin fl-Artikoli 3 sa 7 jkunu punibbli b’ terminu ta’ priġuneria massimu ta’ mill-inqas sentejn, għall-inqas għal każijiet li mhumiex minuri.

3.   L-Istati Membri għandhom jieħdu l-miżuri meħtieġa biex jiżguraw li r-reati msemmija fl-Artikoli 4 u 5, meta mwettqa intenzjonalment, ikunu punibbli b’terminu ta’ priġuneria massimu ta’ mill-inqas tliet snin fejn ikunu ġew affettwati għadd sostanzjali ta’ sistemi tal-informazzjoni permezz tal-użu ta’ għodda, imsemmija fl-Artikolu 7, imfassla jew adattata primarjament għal dak l-iskop..

4.   L-Istati Membri għandhom jieħdu l-passi meħtieġa biex jiżguraw li r-reati msemmijin fl-Artikoli 4 sa 5 jkunu punibbli b’ terminu ta’ priġuneria massimu ta’ mill-inqas ħames snin fejn:

5.   L-Istati Membri għandhom jieħdu l-miżuri meħtieġa biex jiżguraw li meta r-reati msemmijin fl-Artikoli 4 u 5 jsiru bl-użu skorrett tad-data personali ta’ persuna oħra, bl-għan li tinkiseb il-fiduċja ta’ parti terza, u b’hekk jiġi kkaġunat dannu għall-identità tas-sid leġittimu, dan jista’, skont id-dispożizzjonijiet rilevanti tal-liġi nazzjonali, jitqies bħala ċirkostanzi aggravanti, sakemm dawk iċ-ċirkostanzi ma jkunux diġà koperti minn reat ieħor, punibbli taħt il-liġi nazzjonali.