Artikolu 4 1.

l-appoġġ għall-interkonnessjoni tar-riżorsi tal-Computing ta’ Prestazzjoni Għolja, tal-computing kwantistiku u tad-data li huma proprjetà sħiħa jew parzjali tal-Impriża Konġunta jew magħmula disponibbli fuq bażi volontarja mill-Istati Parteċipanti;

l-appoġġ għall-interkonnessjoni tal-infrastrutturi tad-data tas-supercomputing, u tal-computing kwantistiku mal-ispazji komuni Ewropej tad-data u mal-infrastrutturi federati u siguri tal-cloud u tad-data tal-Unjoni;

l-appoġġ għall-iżvilupp, l-akkwist u l-operazzjoni ta’ pjattaforma għall-federazzjoni mingħajr xkiel u l-provvista sigura ta’ servizzi tal-infrastruttura tas-servizzi u tad-data tas-supercomputing u tal-computing kwantistiku, għall-istabbiliment ta’ punt uniku ta’ aċċess għal kwalunkwe servizz tas-supercomputing jew tad-data ġestit mill-Impriża Konġunta, fejn kwalunkwe utent jiġi pprovdut b’punt uniku ta’ dħul;

komponenti ta’ mikropproċessar b’konsum baxx tal-enerġija, komponenti tal-interkonnessjoni, arkitettutra tas-sistema u teknoloġiji relatati bħal algoritmi, kodiċijiet tas-software, għodod, u ambjenti ġodda;

paradigmi emerġenti tal-computing u l-integrazzjoni tagħhom f’sistemi ewlenin tas-supercomputing permezz ta’ approċċ ta’ kodisinn; dawn it-teknoloġiji għandhom ikunu marbuta mal-iżvilupp, l-akkwist u l-implimentazzjoni ta’ supercomputers ta’ livell għoli, inkluż kompjuters kwantistiċi, u infrastrutturi;

it-teknoloġiji u s-sistemi għall-interkonnessjoni u l-operazzjoni ta’ sistemi klassiċi tas-supercomputing ma’ teknoloġiji oħra, spiss komplementari, tal-computing, bħall-computing kwantistiku jew teknoloġiji tal-computing emerġenti oħra u l-iżgurar tal-operazzjoni effettiva tagħhom;

algoritmi u teknoloġiji tas-software ġodda li joffru żidiet sostanzjali tal-prestazzjoni;

l-applikazzjonijiet, inkluż algoritmi ġodda u żviluppi tas-software, għall-utenti pubbliċi u privati li jibbenefikaw mill-isfruttar tar-riżorsi u l-kapaċitajiet ta’ supercomputers ta’ livell għoli u l-konverġenza tagħhom ma’ teknoloġiji diġitali avvanzati bħall-intelliġenza artifiċjali, l-analitika tad-data ta’ prestazzjoni għolja, teknoloġiji tal-cloud, eċċ. permezz tal-kodisinn, l-iżvilupp u l-ottimizzazzjoni ta’ kodiċijiet u applikazzjonijiet ta’ swieq pilota emerġenti fuq skala kbira u ffaċilitati mill-Computing ta’ Prestazzjoni Għolja;

l-appoġġ, fost l-oħrajn, liċ-Ċentri ta’ Eċċellenza tal-Computing ta’ Prestazzjoni Għolja fl-applikazzjonijiet u fil-proġetti dimostranti pilota u bankijiet ta’ ttestjar fuq skala kbira ffaċilitati mill-Computing ta’ Prestazzjoni Għolja għall-applikazzjonijiet u s-servizzi diġitali avvanzati tal-big data f’firxa wiesgħa ta’ setturi xjentifiċi, pubbliċi u industrijali;

l-akkwist u t-tħaddim ta’ supercomputers ottimizzati permezz tal-IA kolokalizzati ma’ ċentri tad-data jew konnessi ma’ ċentri tad-data permezz ta’ networks b’veloċità għolja ħafna;

l-aġġornar tas-supercomputers eżistenti tal-EuroHPC b’kapaċitajiet ta’ IA;

l-għoti ta’ aċċess u opportunitajiet ta’ aċċess ekwu għas-supercomputers ottimizzati permezz tal-IA jew għas-supercomputers EuroHPC li ġew aġġornati b’kapaċitajiet tal-IA, inkluż li l-użu tagħhom jinfetaħ għal għadd kbir ta’ utenti pubbliċi u privati, inkluż għan-negozji ġodda u l-intrapriżi żgħar u ta’ daqs medju;

it-tħaddim ta’ ċentri ta’ servizzi tas-supercomputing orjentati lejn l-IA ċentralizzati jew distribwiti b’appoġġ għall-ekosistema tan-negozji ġodda fil-qasam tal-IA u l-ekosistema tar-riċerka u l-innovazzjoni li jipprovdu appoġġ algoritmiku, appoġġ għall-iżvilupp, it-taħriġ, l-ittestjar, l-evalwazzjoni u l-validazzjoni ulterjuri ta’ mudelli u sistemi tat-taħriġ tal-IA, u appoġġ għall-iżvilupp ta’ applikazzjonijiet emerġenti tal-IA fuq skala kbira f’oqsma strateġiċi bħas-saħħa u l-kura, it-tibdil fil-klima, ir-robotika, jew is-sewqan konness u awtomatizzat;

it-tħaddim ta’ faċilitajiet ta’ programmazzjoni adattati għas-supercomputers, inkluż għall-parallelizzazzjoni tal-applikazzjonijiet tal-IA biex jiġi ottimizzat l-użu tal-kapaċitajiet tas-supercomputing;

it-tħaddim ta’ servizzi oħra tas-supercomputing li jippermettu l-IA;

l-attrazzjoni, l-akkomunament u t-taħriġ tat-talent biex jiġu żviluppati l-kompetenzi u l-ħiliet tagħhom fl-użu tas-supercomputers EuroHPC għall-IA;

l-interazzjoni mal-fabbriki l-oħra tal-IA, l-aċċessibbiltà tas-servizzi tagħhom madwar l-Ewropa, u l-kooperazzjoni maċ-Ċentri ta’ Kompetenza u ċ-Ċentri ta’ Eċċellenza EuroHPC, u mal-inizjattivi rilevanti tal-IA tal-Unjoni, bħaċ-ċentri tan-negozji ġodda fil-qasam tal-Intelliġenza Artifiċjali, l-ekosistemi tal-Intelliġenza Artifiċjali u tad-data, il-Faċilitajiet għall-Ittestjar u l-Esperimentazzjoni tal-Intelliġenza Artifiċjali, il-pjattaforma ċentrali Ewropea tal-Intelliġenza Artifiċjali, iċ-Ċentri ta’ Innovazzjoni Diġitali orjentati lejn l-Intelliġenza Artifiċjali, l-Istitut Ewropew tal-Innovazzjoni u t-Teknoloġija u l-Komunitajiet tal-Għarfien u l-Innovazzjoni fil-qasam tal-Intelliġenza Artifiċjali, l-infrastrutturi Ewropej rilevanti tar-riċerka u inizjattivi relatati oħra;

il-provvista ta’ infrastruttura tal-computing tal-IA ta’ klassi dinjija għar-riċerkaturi, l-imprendituri u l-industriji, inkluż l-SMEs, l-istartups, l-iscaleups u s-settur pubbliku Ewropej;

l-iffaċilitar tal-iżvilupp ta’ soluzzjonijiet ġodda tal-IA fis-setturi pubbliċi u privati kollha, inkluż l-iżvilupp ta’ mudelli bażi; u

l-iżgurar tal-kompetittività u tas-sovranità tal-Unjoni bħala kontinent tal-IA;

ir-riċerka u l-innovazzjoni xjentifiċi u teknoloġiċi: l-avvanz tal-eċċellenza fir-riċerka fl-oqsma tax-xjenza u tat-teknoloġija kwantistiċi;

it-tranżizzjoni mil-laboratorju għall-fabbrika u l-iżvilupp tal-ekosistemi: l-appoġġ għall-iżvilupp u għall-varar ta’ infrastrutturi kwantistiċi mill-aktar avvanzati; it-trawwim tal-industrijalizzazzjoni tat-teknoloġiji kwantistiċi billi tiġi appoġġata l-adozzjoni tal-applikazzjonijiet kwantistiċi f’setturi pubbliċi u industrijali ewlenin; l-iżgurar tat-traduzzjoni tal-avvanzi fl-oqsma kwantistiċi kollha f’applikazzjonijiet tad-dinja reali, inkluż l-iżvilupp ta’ swieq ewlenin; il-promozzjoni tal-istandards Ewropej u internazzjonali; u l-appoġġ għall-iżvilupp u għan-networking taċ-ċentri nazzjonali ta’ kompetenza kwantistika madwar l-Ewropa;

l-aċċellerazzjoni tal-iżvilupp u l-operazzjonalizzazzjoni ta’ sistemi tal-computing kwantistiku tolleranti għall-ħsara li jiddependu fuq miżuri pubbliċi biex jappoġġaw ekosistema kwantistika Ewropea kompetittiva u katina tal-provvista bbażata fuq teknoloġiji magħmula u mfassla fl-Ewropa;

il-ħiliet u t-talent: l-iżvilupp ta’ forza tax-xogħol kompetittiva u inklużiva fir-riċerka kwantistika u fl-inġinerija permezz ta’ inizjattivi koordinati ta’ edukazzjoni, ta’ taħriġ u ta’ mobilità, fost dixxiplini u oqsma tekniċi ewlenin relatati mal-kwantum;

il-kooperazzjoni internazzjonali: l-iżvilupp ta’ kollaborazzjoni internazzjonali fit-teknoloġiji kwantistiċi sabiex jiġu solvuti l-isfidi xjentifiċi u tas-soċjetà globali, f’konformità mal-objettivi tal-politika esterna u mal-impenji internazzjonali tal-Unjoni.