Artikolu 4 Attivitajiet tal-Programm

(a)

id-definizzjoni, id-disinn, l-iżvilupp, il-validazzjoni u l-attivitajiet ta’ implimentazzjoni relatati għall-kostruzzjoni tal-infrastruttura spazjali u tal-art meħtieġa biex jiġu pprovduti l-ewwel servizzi governattivi sal-2024;

(b)

attivitajiet ta’ implimentazzjoni gradwali biex titlesta l-infrastruttura spazjali u tal-art meħtieġa biex jiġu pprovduti servizzi governattivi avvanzati, sabiex jiġu ssodisfati l-ħtiġijiet tal-utenti awtorizzati mill-gvernijiet malajr kemm jista’ jkun, bl-għan li tinkiseb kapaċità operazzjonali sħiħa sal-2027;

(c)

l-iżvilupp u l-implimentazzjoni tal-EuroQCI bil-għan tal-integrazzjoni gradwali tagħha fis-sistema ta’ konnettività sigura;

(d)

attivitajiet ta’ sfruttament li jipprovdu servizzi governattivi, li jinkludu: l-operat, il-manutenzjoni, it-titjib kontinwu u l-protezzjoni tal-infrastruttura spazjali u dik tal-art, inkluż ir-rikostituzzjoni u l-ġestjoni tal-obsolexxenza;

(e)

l-iżvilupp ta’ ġenerazzjonijiet futuri ta’ infrastruttura spazjali u tal-art u l-evoluzzjoni ta’ servizzi governattivi.