Artikolu 7 2

(a)

parteċipazzjoni fi sħubiji stabbiliti abbażi ta’ memoranda ta’ qbil jew arranġamenti kuntrattwali bejn il-Kummissjoni u sħab pubbliċi jew privati, li jkunu jispeċifikaw l-objettivi tas-Sħubija Ewropea, l-impenji relatati ta’ kull parti involuta fir-rigward tal-kontribuzzjonijiet finanzjarji jew in natura tagħhom, l-indikaturi ewlenin tal-prestazzjoni u tal-impatt, ir-riżultati li jridu jinkisbu u l-arranġamenti tar-rappurtar; dawn jinkludu l-identifikazzjoni ta’ attivitajiet komplementari tar-riċerka u tal-innovazzjoni li jiġu implimentati mis-sħab u mill-Programm Euratom 2026-2027 (Sħubiji Ewropej koprogrammati);

(b)

parteċipazzjoni fi programm tal-attivitajiet tar-riċerka u tal-innovazzjoni u l-kontribuzzjoni finanzjarja għalih, li jkun jispeċifika l-objettivi, l-indikaturi ewlenin tal-prestazzjoni u tal-impatt, u r-riżultati li jridu jinkisbu, skont l-impenn tas-sħab rigward il-kontribuzzjonijiet finanzjarji jew in natura tagħhom u l-integrazzjoni tal-attivitajiet rilevanti tagħhom permezz ta’ azzjoni kofinanzjata tal-Programm Euratom 2026-2027 (Sħubiji Ewropej kofinanzjati).