1. Il-persuni fiżiċi u ġuridiċi għandu jkollhom id-dritt li jressqu ilment b’rabta ma’ kwalunkwe kwistjoni li taqa’ fil-kamp ta’ applikazzjoni ta’ dan ir-Regolament, b’mod individwali jew, fejn rilevanti, b’mod kollettiv, quddiem l-awtorità kompetenti rilevanti għal servizzi ta’ intermedjazzjoni tad-data kontra fornitur tas-servizzi ta’ intermedjazzjoni tad-data jew quddiem l-awtorità kompetenti rilevanti għar-reġistrazzjoni ta’ organizzazzjonijiet ta’ intermedjazzjoni tad-data kontra organizzazzjoni rikonoxxuta tal-altruwiżmu fir-rigward tad-data.