L-ANNESS VI INFORMAZZJONI LI GĦANDHA TINBAGĦAT LILL-KUMMISSJONI

1.1.

Deskrizzjoni qasira ta’ l-agglomerazzjoni: il-kwalità, id-daqs u n-numru ta’ l-abitanti.

1.2.

L-awtorità responsabbli.

1.3.

Programmi tal-kontroll tal-ħsejjes li kienu ġew imwettqa fil-passat u l-miżuri tal-ħsejjes kif jinsabu bħal-issa.

1.4.

Il-metodi tal-kompjutazzjoni jew tal-kejl li kienu użati.

1.5.

In-numru kalkolat ta’ persuni (f’mijjiet) li jgħixu f’abitazzjonijiet li huma esposti għal kull wieħed mill-meded li ġejjin tal-valuri Ljal fi dB 4 metri ‘l fuq mill-art fuq il- façade l-aktar espost 55-59, 60-64, 65-69, 70-74, >75, separatament għal ħsejjes tat-traffiku fit-toroq, bil-ferroviju u bl-ajru, u minn sorsi industrijali. Il-figuri għandhom ikunu mqarrba lejn l-eqreb mijja (e.g. 5 200 = bejn 5 150 u 5 249 ; 100 = bejn 50 u 149; 0 = anqas minn 50).

B’żieda għandu jkun mistqarr, meta xieraq u meta l-informazzjoni bħal din tkun disponibbli, kemm persuni fil-kategorija ta’ hawn fuq jgħixu fl-abitazzjonijiet li jkollhom:

Indikazzjoni għandha wkoll tkun mogħtija dwar kif toroq maġġuri, ferroviji maġġuri u ajruporti maġġuri, skond kif definit fl-Artikolu 3, jikkontribwixxu għal dan ta’ hawn fuq.

1.6.

In-numru totali kalkulat ta’ persuni (f’mijjiet) li jgħixu f’abitazzjonijiet li huma esposti għal kull wieħed mill-meded li ġejjin tal-valuri Llejl fi dB 4 metri ‘l fuq mill-art fuq il- façade l-aktar espost: 50-54, 55-59, 60-64, 65-69, >70, separatament għall-ħsejjes tat-traffiku fit-toroq, bil-ferrovija u bl-ajru, u minn sorsi industrijali. Dawn id-dettalji jistgħu wkoll ikunu assessjati mill-meded ta’ valur 45-49 qabel id-data stabbilita fl-Artikolu 11(1).

B’żieda għandu jkun mistqarr, meta xieraq u meta l-informazzjoni bħal din tkun disponibbli, kemm persuni fil-kategorija ta’ hawn fuq jgħixu fl-abitazzjonijiet li jkollhom:

Għandu wkoll ikun indikat kif it-toroq maġġuri, il-ferroviji maġġuri u l-ajruporti maġġuri jikkontribwixxu għal dan ta’ hawn fuq.

1.7.

Fil-każ ta’ preżentazzjoni grafika, mappep strateġiċi għandhom mill-anqas juru kontorni ta’ 60, 65, 70 u 75 dB.

1.8.

Sommarju tal-pjan ta’ l-azzjoni li jkopri l-aspetti mportanti kollha imsemmija fl-Anness V, li ma jeċċedux għaxar paġni fit-tul.

2.1.

Deskrizzjoni ġenerali tat-toroq, ferroviji jew ajruporti: il-lokazzjoni, id-daqs, u l-informazzjoni dwar it-traffiku.

2.2.

Karatterizzazzjoni dwar l-inħawi tagħhom, agglomerazzjonijiet, irħula, l-inħawi tal-kampanja jew mod ieħor, l-informazzjoni dwar l-użu ta’ l-art, is-sorsi maġġuri l-oħrajn tal-ħsejjes.

2.3.

Programmi tal-kontroll tal-ħsejjes li kienu ġew imwettqa fil-passat u l-miżuri tal-ħsejjes kif jinsabu bħal-issa.

2.4.

Il-metodi tal-kompjutazzjoni jew tal-kejl li kienu użati.

2.5.

In-numru totali kalkolat ta’ persuni (f’mijiet) li jgħixu f’agglomerazzjonijiet il-barra mill-abitazzjoni li huma esposti għal kull wieħed mill-meded li ġejjin tal-valuri Ljal fi dB 4 metri ‘l fuq mill-art fuq il-façade ‘l-aktar espost: 55-59, 60-64, 65-69, 70-74, > 75.

B’żieda għandu jkun mistqarr, meta xieraq u meta l-informazzjoni bħal din tkun disponibbli, kemm persuni fil-kategorija ta’ hawn fuq jgħixu fl-abitazzjonijiet li jkollhom:

2.6.

In-numru totali kalkolat ta’ persuni (f’mijiet) li jgħixu f’agglomerazzjonijiet il-barra mill-abitazzjoni li huma esposti għal kull wieħed mill-meded li ġejjin tal-valuri Llejl fi dB 4 metri ‘l fuq mill-art fuq il-façade l-aktar espost: 50-54, 55-59, 60-64, 65-69, >70. Dawn id-dettalji jistgħu wkoll ikunu assessjati mill-meded ta’ valur 45-49 qabel id-data stabbilita fl-Artikolu 11(1).

B’żieda għandu jkun mistqarr, meta xieraq u meta l-informazzjoni bħal din tkun disponibbli, kemm persuni fil-kategorija ta’ hawn fuq jgħixu fl-abitazzjonijiet li jkollhom:

2.7.

Il-medda totali (fi km2) esposta għal valuri Ljal aktar għolja minn 55, 65 u 75 dB rispettivament. In-numru totali kalkolat ta’ l-abitazzjonijiet (f’mijjiet) u numru totali kalkolat ta’ persuni (f’mijjiet) li jgħixu f’kull waħda minn dawk il-meded għandhom wkoll ikunu mogħtija. Dawk il-figuri għandhom jinkludu agglomerazzjonijiet.

Il-kontorni 55 u 65 dB għandhom ukoll ikunu murija fuq waħda jew aktar mappep li jagħtu informazzjoni rigward il-lokazzjoni ta’ rħula, bliet u agglomerazzjonijiet fi ħdan dawk il-kontorni.

2.8.

Sommarju tal-pjan ta’ l-azzjoni li jkopri l-aspetti importanti kollha imsemmija fl-Anness V, li ma jeċċedux għaxar paġni fit-tul.