+Artikolu 25 Teħid lura meta vjeġġ ikun illegali
---+Artikolu 25 1.
---+Artikolu 25 2.
---+Artikolu 25 3.
---+Artikolu 25 4.
---+Artikolu 25 5.
---+Artikolu 25 6.
---+Artikolu 25 7.
---+Artikolu 25 8.
---+Artikolu 25 9.
---+Artikolu 25 10.
---+Artikolu 25 11.
---+Artikolu 25 12.
---+Artikolu 25 13.
---+Artikolu 25 14.
---+Artikolu 25 15.
|
Artikolu 25 Teħid lura meta vjeġġ ikun illegali
1. Ħarsa ġenerali
| Titlu |
Regolamentazzjoni |
|
Artikolu 25 1.
|
Meta awtorità kompetenti tiskopri vjeġġ li hija tqis li huwa vjeġġ illegali, din għandha tinforma minnufih lill-awtoritajiet kompetenti l-oħrajn ikkonċernati.
|
|
Artikolu 25 2.
|
Meta r-responsabbiltà għal vjeġġ illegali tista’ tiġi imputata lin-notifikatur, l-awtorità kompetenti tad-dispaċċ għandha tiżgura li l-iskart jittieħed lura:
(a)
min-notifikatur jew, meta rilevanti, minn persuna meqjusa li hija n-notifikatur f’konformità mal-paragrafu 6 jew 7, sabiex isiru arranġamenti għar-rimi jew l-irkupru tiegħu; jew jekk dak ma jkunx prattikabbli, f’konformità mal-punt (c) ta’ dan il-paragrafu; jew jekk ma tkun ġiet sottomessa l-ebda notifika, f’konformità mal-punt (b) ta’ dan il-paragrafu;
(b)
minn persuna meqjusa li hija n-notifikatur f’konformità mal-Artikolu 3, il-punt (6), jew, meta rilevanti, minn persuna meqjusa li hija n-notifikatur f’konformità mal-paragrafu 6 jew 7; sabiex isiru arranġamenti għar-rimi jew l-irkupru tiegħu; jew jekk dak ma jkunx prattikabbli, f’konformità mal-punt (c) ta’ dan il-paragrafu;
(c)
mill-awtorità kompetenti tad-dispaċċ innifisha jew minn persuna fiżika jew ġuridika f’isimha sabiex torganizza r-rimi jew l-irkupru tiegħu.
|
|
Artikolu 25 3.
|
L-obbligu ta’ teħid lura stabbilit fil-paragrafu 2 ma għandux japplika jekk l-awtoritajiet kompetenti tad-dispaċċ, tat-tranżitu u tad-destinazzjoni kkonċernati u, meta rilevanti, in-notifikatur jew il-persuna meqjusa li hija n-notifikatur, jaqblu u jkunu sodisfatti li l-iskart jista’ jiġi:
(a)
rkuprat jew mormi b’mod alternattiv fil-pajjiż tad-destinazzjoni, tat-tranżitu jew tad-dispaċċ min-notifikatur jew, meta rilevanti, minn persuna meqjusa li hija n-notifikatur f’konformità mal-paragrafu 6 jew 7, jew, jekk dak ma jkunx prattikabbli mill-awtorità kompetenti tad-dispaċċ innifisha jew minn persuna fiżika jew ġuridika f’isimha; jew, jekk dak ma jkunx prattikabbli, f’konformità mal-punt (b);
(b)
rkuprat jew mormi b’mod alternattiv f’pajjiż ieħor min-notifikatur jew, meta rilevanti, minn persuna meqjusa li hija n-notifikatur f’konformità mal-paragrafu 6 jew 7, jew, jekk dak ma jkunx prattikabbli mill-awtorità kompetenti tad-dispaċċ innifisha jew minn persuna fiżika jew ġuridika f’isimha jekk l-awtoritajiet kompetenti kollha kkonċernati jaqblu.
Fil-każ ta’ esportazzjoni jew importazzjoni, rkupru jew rimi b’mod alternattiv kif miftiehem skont l-ewwel subparagrafu għandhom iseħħu biss jekk it-teħid lura f’konformità mal-paragrafu 2 ma jkunx prattikabbli.
|
|
Artikolu 25 4.
|
Fil-każ ta’ rkupru jew rimi b’mod alternattiv kif imsemmi fil-paragrafu 3, in-notifikatur, jew, meta rilevanti, il-persuna meqjusa li hija n-notifikatur f’konformità mal-paragrafu 6 jew 7, jew, jekk dan ma jkunx prattikabbli, l-awtorità kompetenti tad-dispaċċ jew il-persuna fiżika jew ġuridika f’isimha, għandhom jiżguraw li l-iskart ikkonċernat jiġi mmaniġġjat b’mod li jħares l-ambjent f’konformità mal-Artikolu 59.
|
|
Artikolu 25 5.
|
It-teħid lura, l-irkupru jew ir-rimi msemmija fil-paragrafi 2 u 3 għandhom iseħħu fi żmien 30 jum, jew f’tali perjodu ieħor kif jista’ jiġi maqbul bejn l-awtoritajiet kompetenti kkonċernati, wara d-data li fiha l-awtorità kompetenti tad-dispaċċ issir taf, jew tkun ġiet avżata mill-awtoritajiet kompetenti tad-destinazzjoni jew tat-tranżitu dwar il-vjeġġ illegali u tkun ġiet infurmata bir-raġunijiet għal dan. Tali parir jista’ jirriżulta minn informazzjoni sottomessa lill-awtoritajiet kompetenti tad-destinazzjoni jew tat-tranżitu, fost l-oħrajn, mingħand awtoritajiet kompetenti oħra. Fil-każ ta’ teħid lura kif imsemmi fil-paragrafu 2, il-punti (a), (b) u (c), għandha tiġi sottomessa notifika ġdida, sakemm l-awtoritajiet kompetenti kkonċernati ma jaqblux li tkun biżżejjed talba debitament motivata mill-awtorità kompetenti inizjali tad-dispaċċ. Jekk tkun meħtieġa notifika ġdida, din għandha tiġi sottomessa mill-persuna jew mill-awtorità determinata f’konformità mal-paragrafu 2. L-awtoritajiet kompetenti ma għandhomx jopponu jew joġġezzjonaw ir-ritorn ta’ skart minn vjeġġ illegali. Fil-każ ta’ rkupru jew rimi b’mod alternattiv kif imsemmi fil-paragrafu 3, imwettaq barra mill-pajjiż fejn ikun ġie skopert il-vjeġġ illegali, għandha tiġi sottomessa notifika ġdida mill-persuna jew l-awtorità elenkata f’dak il-paragrafu u f’konformità mal-ordni indikat fih. L-awtoritajiet kompetenti kkonċernati għandhom jikkooperaw, kif meħtieġ, biex jiżguraw li l-iskart jittieħed lura jew jiġi rkuprat jew mormi b’mod alternattiv kif imsemmi fil-paragrafi 2 u 3.
|
|
Artikolu 25 6.
|
Meta notifikatur speċifikat fl-Artikolu 3, il-punt (6)(a)(iv), jonqos milli jwettaq xi wieħed mill-obbligi ta’ teħid lura stabbiliti f’dan l-Artikolu jew fl-Artikolu 26, il-produttur oriġinali tal-iskart, il-produttur il-ġdid tal-iskart jew il-kollettur speċifikat fl-Artikolu 3, il-punt (6)(a)(i), (ii) jew (iii), rispettivament, li awtorizza lin-negozjant jew lis-sensar biex jaġixxi f’ismu għandu jitqies li huwa n-notifikatur għall-finijiet ta’ dawk l-obbligi ta’ teħid lura.
|
|
Artikolu 25 7.
|
Meta notifikatur speċifikat fl-Artikolu 3, il-punt (6)(a)(i), (ii) jew (iii), jonqos milli jwettaq kwalunkwe obbligu minn dawk stabbiliti f’dan l-Artikolu u fl-Artikolu 26, id-detentur tal-iskart kif speċifikat fl-Artikolu 3, il-punt (6)(a)(v), għandu jitqies li huwa n-notifikatur għall-finijiet ta’ dawk l-obbligi ta’ teħid lura.
|
|
Artikolu 25 8.
|
Meta r-responsabbiltà għal vjeġġ illegali tista’ tiġi imputata lid-destinatarju, l-awtorità kompetenti tad-destinazzjoni għandha tiżgura li l-iskart jiġi rkuprat jew mormi b’mod li ma jagħmilx ħsara lill-ambjent:
(a)
mid-destinatarju; jew, jekk dak ma jkunx prattikabbli, f’konformità mal-punt (b);
(b)
mill-awtorità kompetenti nnifisha jew minn persuna fiżika jew ġuridika f’isimha.
L-irkupru jew ir-rimi msemmija fl-ewwel subparagrafu għandhom iseħħu fi żmien 30 jum, jew f’tali perjodu ieħor kif jista’ jiġi maqbul bejn l-awtoritajiet kompetenti kkonċernati, wara d-data li fiha l-awtorità kompetenti tad-destinazzjoni ssir taf jew tkun ġiet avżata mill-awtoritajiet kompetenti tad-dispaċċ jew tat-tranżitu, dwar il-vjeġġ illegali u tkun ġiet infurmata bir-raġunijiet għal dan. Tali parir jista’ jirriżulta minn informazzjoni sottomessa lill-awtoritajiet kompetenti tad-dispaċċ u tat-tranżitu, fost l-oħrajn, mingħand awtoritajiet kompetenti oħra. L-awtoritajiet kompetenti kkonċernati għandhom jikkooperaw, kif meħtieġ, fl-irkupru jew fir-rimi tal-iskart f’konformità ma’ dan il-paragrafu.
|
|
Artikolu 25 9.
|
Jekk ma tkun meħtieġa l-ebda notifika ġdida, għandu jiġi kkompletat dokument ta’ moviment ġdid f’konformità mal-Artikoli 15 jew 16 mill-persuna responsabbli għat-teħid lura jew, jekk dak ma jkunx prattikabbli, mill-awtorità kompetenti inizjali tad-dispaċċ. Meta tiġi sottomessa notifika ġdida mill-awtorità kompetenti inizjali tad-dispaċċ, li twettaq it-teħid lura f’konformità mal-paragrafu 2, il-punt (c), ma għandhiex tkun meħtieġa garanzija finanzjarja jew assigurazzjoni ekwivalenti ġdida.
|
|
Artikolu 25 10.
|
F’każijiet meta r-responsabbiltà għall-vjeġġ illegali ma tkunx tista’ tiġi imputata lin-notifikatur jew lid-destinatarju, l-awtoritajiet kompetenti kkonċernati għandhom jikkooperaw biex jiżguraw li l-iskart jiġi rkuprat jew mormi.
|
|
Artikolu 25 11.
|
Meta jiġi skopert vjeġġ illegali wara t-tlestija tal-operazzjoni ta’ rkupru jew ta’ rimi interim kif imsemmi fl-Artikolu 7(6), l-obbligu tal-pajjiż tad-dispaċċ li jieħu l-iskart lura jew jagħmel l-arranġamenti għal irkupru jew rimi b’mod alternattiv għandu jintemm meta l-faċilità tkun ħarġet iċ-ċertifikat imsemmi fl-Artikolu 15(4). Meta faċilità toħroġ ċertifikat ta’ rkupru jew ta’ rimi b’tali mod li jirriżulta fi vjeġġ illegali, bil-konsegwenza li tiġi rilaxxata l-garanzija finanzjarja jew l-assigurazzjoni ekwivalenti, għandhom japplikaw il-paragrafu 8 ta’ dan l-Artikolu u l-Artikolu 26(2).
|
|
Artikolu 25 12.
|
Meta l-iskart minn vjeġġ illegali jiġi skopert fi Stat Membru, l-awtorità kompetenti b’ġuriżdizzjoni fuq iż-żona fejn ġie skopert l-iskart għandha tkun responsabbli sabiex tiżgura li jsiru arranġamenti għall-ħżin sikur tal-iskart sakemm isir ir-ritorn jew l-irkupru mhux interim jew ir-rimi mhux interim tiegħu b’mod alternattiv.
|
|
Artikolu 25 13.
|
L-Artikoli 37, 39, u 40 u kwalunkwe projbizzjoni ta’ esportazzjoni li jkun hemm f’ att delegat kif imsemmi fl-Artikolu 45(6) ma għandhomx japplikaw f’każijiet meta vjeġġi illegali jiġu rritornati lejn il-pajjiż tad-dispaċċ u dak il-pajjiż tad-dispaċċ ikun pajjiż kopert mill-projbizzjonijiet stabbiliti f’dawk id-dispożizzjonijiet.
|
|
Artikolu 25 14.
|
Jekk vjeġġ tal-iskart imsemmi fl-Artikolu 4(4) jew (5) jitqies li huwa vjeġġ illegali, dan l-Artikolu għandu japplika mutatis mutandis għall-persuna li torganizza l-vjeġġ u għall-awtoritajiet kompetenti kkonċernati.
|
|
Artikolu 25 15.
|
Dan l-Artikolu għandu japplika mingħajr preġudizzju għad-dritt tal-Unjoni u dak nazzjonali dwar ir-responsabbiltà.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.07.2026 00:00:00 -Doknr: CELEX:32024R1157
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|