+Artikolu 39 Projbizzjoni tal-esportazzjonijiet ta’ skart perikoluż u ċertu skart ieħor
---+Artikolu 39 1.
---+Artikolu 39 2.
---+Artikolu 39 3.
---+Artikolu 39 4.
---+Artikolu 39 5.

Artikolu 39 Projbizzjoni tal-esportazzjonijiet ta’ skart perikoluż u ċertu skart ieħor

1. Ħarsa ġenerali

,
Artikolu 39 1.

L-esportazzjonijiet mill-Unjoni tal-iskart li ġej li huwa destinat għall-irkupru f’pajjiżi li għalihom ma tapplikax id-Deċiżjoni tal-OECD għandhom jiġu pprojbiti:

(a) 

skart elenkat bħala perikoluż fil-Parti 1 tal-Anness V ta’ dan ir-Regolament;

(b) 

skart elenkat bħala perikoluż fil-lista ta’ skart imsemmija fl-Artikolu 7 tad-Direttiva 2008/98/KE;

(c) 

skart imsemmi fl-Artikolu 4(3) u skart elenkat fil-Parti 2 tal-Anness V ta’ dan ir-Regolament;

(d) 

skart tal-plastik ikklassifikat taħt l-entrata B3011;

(e) 

skart elenkat fl-Anness III jew l-Anness IIIB u taħlitiet ta’ skart elenkati fl-Anness IIIA li huma kkontaminati b’materjali oħra sa punt li jżid ir-riskji assoċjati mal-iskart b’mod suffiċjenti li jrendihom xierqa għal sottomissjoni għall-proċedura ta’ notifika u ta’ kunsens bil-miktub minn qabel, meta jitqiesu l-proprjetajiet perikolużi fl-Anness III tad-Direttiva 2008/98/KE, jew li jipprevjeni l-irkupru tal-iskart b’mod li jħares l-ambjent;

(f) 

skart jew taħlitiet ta’ skart li jkun fihom jew li jkunu kkontaminati POPs fi kwantitajiet li jilħqu jew jaqbżu limitu ta’ konċentrazzjoni indikat fl-Anness IV tar-Regolament (UE) 2019/1021;

(g) 

skart perikoluż mhux ikklassifikat taħt entrata unika fl-Anness V ta’ dan ir-Regolament jew fil-lista ta’ skart imsemmija fl-Artikolu 7 tad-Direttiva 2008/98/KE;

(h) 

it-taħlitiet ta’ skart perikoluż u t-taħlitiet ta’ skart perikoluż ma’ skart mhux perikoluż mhux ikklassifikati taħt entrata unika fl-Anness V ta’ dan ir-Regolament jew fil-lista ta’ skart imsemmija fl-Artikolu 7 tad-Direttiva 2008/98/KE;

(i) 

skart innotifikat mill-pajjiż tad-destinazzjoni bħala perikoluż skont l-Artikolu 3 tal-Konvenzjoni ta’ Basilea;

(j) 

skart li l-importazzjoni tiegħu tkun ġiet ipprojbita mill-pajjiż tad-destinazzjoni;

(k) 

skart li l-awtorità kompetenti tad-dispaċċ ikollha raġuni biex temmen li ma jkunx se jiġi mmaniġġjat b’mod li jħares l-ambjent, kif imsemmi fl-Artikolu 59, fil-pajjiż tad-destinazzjoni kkonċernat;
Artikolu 39 2.
Il-paragrafu 1 ta’ dan l-Artikolu ma għandux japplika għal skart li huwa soġġett għal obbligu ta’ teħid lura skont l-Artikolu 22 jew 25.
Artikolu 39 3.
L-Istati Membri jistgħu, f’każijiet eċċezzjonali, jistabbilixxu, abbażi ta’ evidenza dokumentarja pprovduta min-notifikatur, li skart perikoluż speċifiku elenkat fl-Anness V ta’ dan ir-Regolament jew fil-lista ta’ skart imsemmija fl-Artikolu 7 tad-Direttiva 2008/98/KE huwa eskluż mill-projbizzjoni tal-esportazzjoni msemmija fil-paragrafu 1, meta ma juri l-ebda waħda mill-proprjetajiet elenkati fl-Anness III tad-Direttiva 2008/98/KE, filwaqt li jqisu l-kriterji u l-valuri ta’ limitu applikabbli u l-limiti ta’ konċentrazzjoni għall-klassifikazzjoni tal-iskart bħala perikoluż kif speċifikat f’dak l-Anness. Meta proprjetà perikoluża ta’ skart tkun ġiet ivvalutata permezz ta’ test u bl-użu tal-konċentrazzjonijiet ta’ sustanzi perikolużi kif indikat fl-Anness III tad-Direttiva 2008/98/KE, ir-riżultati tat-test għandhom jipprevalu.
Artikolu 39 4.
Il-fatt li l-iskart mhuwiex elenkat bħala perikoluż fl-Anness V jew fil-lista ta’ skart kif imsemmija fl-Artikolu 7 tad-Direttiva 2008/98/KE, jew huwa elenkat fil-Parti 1, il-Lista B tal-Anness V, ma għandux jipprekludi, f’każijiet eċċezzjonali, il-karatterizzazzjoni ta’ tali skart bħala perikoluż u, għalhekk, soġġett għall-projbizzjoni tal-esportazzjoni jekk juri kwalunkwe proprjetà minn dawk elenkati fl-Anness III tad-Direttiva 2008/98/KE, filwaqt li jitqiesu l-kriterji u l-valuri ta’ limitu applikabbli u l-limiti ta’ konċentrazzjoni għall-klassifikazzjoni tal-iskart bħala perikoluż, kif speċifikati hemmhekk. Meta proprjetà perikoluża ta’ skart tkun ġiet ivvalutata permezz ta’ test u bl-użu tal-konċentrazzjonijiet ta’ sustanzi perikolużi kif indikat fl-Anness III tad-Direttiva 2008/98/KE, ir-riżultati tat-test għandhom jipprevalu.
Artikolu 39 5.
Fil-każijiet imsemmija fil-paragrafi 3 u 4, l-awtorità kompetenti kkonċernata għandha tinforma lill-awtorità kompetenti prevista qabel ma tieħu deċiżjoni li tagħti l-kunsens għal vjeġġi ppjanati lejn dak il-pajjiż. L-Istati Membri għandhom jinnotifikaw tali każijiet lill-Kummissjoni qabel it-tmiem ta’ kull sena kalendarja. Il-Kummissjoni għandha tibgħat dik l-informazzjoni lill-Istati Membri kollha, lis-Segretarjat tal-Konvenzjoni ta’ Basilea meta l-informazzjoni tirreferi għal entrata elenkata fil-Konvenzjoni ta’ Basilea u lis-Segretarjat tal-OECD meta l-informazzjoni tirreferi għal entrata elenkata fid-Deċiżjoni tal-OECD. Abbażi tal-informazzjoni pprovduta, il-Kummissjoni tista’ tagħmel kummenti u għandha s-setgħa li tadotta atti delegati f’konformità mal-Artikolu 80 biex temenda l-Anness V.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 30.07.2026 00:00:00 -Doknr: CELEX:32024R1157
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.