+Artikolu 50 Projbizzjoni ta’ importazzjonijiet ta’ skart destinat għar-rimi
---+Artikolu 50 1.
---+Artikolu 50 2.
---+Artikolu 50 3.
---+Artikolu 50 4.
|
Artikolu 50 Projbizzjoni ta’ importazzjonijiet ta’ skart destinat għar-rimi
1. Ħarsa ġenerali
| Titlu |
Regolamentazzjoni |
|
Artikolu 50 1.
|
L-importazzjonijiet lejn l-Unjoni ta’ skart destinat għar-rimi għandhom ikunu pprojbiti għajr l-importazzjonijiet ġejjin minn:
(a)
pajjiżi li jkunu Partijiet għall-Konvenzjoni ta’ Basilea;
(b)
pajjiżi oħra li magħhom l-Unjoni, jew l-Unjoni u l-Istati Membri tagħha, ikunu kkonkludew ftehimiet jew arranġamenti bilaterali jew multilaterali kompatibbli mal-leġiżlazzjoni tal-Unjoni u f’konformità mal-Artikolu 11 tal-Konvenzjoni ta’ Basilea;
(c)
pajjiżi oħra li magħhom Stati Membri individwali jkunu kkonkludew ftehimiet jew arranġamenti bilaterali f’konformità mal-paragrafu 2; jew
(d)
żoni oħra f’każijiet fejn, minħabba raġunijiet eċċezzjonali matul sitwazzjonijiet ta’ kriżi, operazzjonijiet tal-istabbiliment tal-paċi jew taż-żamma tal-paċi, jew ta’ gwerra, ebda ftehim jew arranġament bilaterali skont il-punti (b) jew (c) ma jkun jista’ jiġi konkluż jew fejn għadha ma ġietx iddeżinjata jew mhijiex kapaċi li taġixxi awtorità kompetenti fil-pajjiż tad-dispaċċ.
|
|
Artikolu 50 2.
|
F’każijiet eċċezzjonali, l-Istati Membri jistgħu jikkonkludu ftehimiet u arranġamenti bilaterali għar-rimi ta’ skart speċifiku f’dawk l-Istati Membri, fejn tali skart ma jkunx immaniġġjat b’mod li jħares l-ambjent fil-pajjiż tad-dispaċċ. Dawn il-ftehimiet u l-arranġamenti għandhom:
(a)
ikunu kompatibbli mal-liġi tal-Unjoni u f’konformità mal-Artikolu 11 tal-Konvenzjoni ta’ Basilea;
(b)
jiggarantixxu li l-operazzjonijiet ta’ rimi jitwettqu f’faċilità awtorizzata u jkunu konformi mar-rekwiżiti għal ġestjoni li tħares l-ambjent kif imsemmi fl-Artikolu 59(1) ta’ dan ir-Regolament, fl-Artikolu 13 tad-Direttiva 2008/98/KE u f’liġi oħra tal-Unjoni dwar l-iskart, b’mod partikolari l-leġiżlazzjoni tal-Unjoni msemmija fl-Anness IX, il-Parti 1;
(c)
jiggarantixxu li l-iskart jiġi prodott fil-pajjiż tad-dispaċċ u li r-rimi tiegħu jitwettaq esklużivament fl-Istat Membru li jkun ikkonkluda l-ftehim jew l-arranġament; u
(d)
jiġu nnotifikati lill-Kummissjoni qabel il-konklużjoni tagħhom jew, f’sitwazzjonijiet ta’ emerġenza, sa mhux iktar tard minn xahar wara l-konklużjoni.
|
|
Artikolu 50 3.
|
Il-ftehimiet jew l-arranġamenti bilaterali jew multilaterali msemmija fil-paragrafu 1, il-punti (b) u (c), għandhom ikunu bbażati fuq r-rekwiżiti proċedurali tal-Artikolu 51.
|
|
Artikolu 50 4.
|
Il-pajjiżi msemmija fil-paragrafu 1, il-punti (a), (b) u (c), għandhom ikunu meħtieġa jippreżentaw talba debitament motivata minn qabel lill-awtorità kompetenti tal-Istat Membru tad-destinazzjoni abbażi tal-fatt li huma ma għandhomx u ma jistgħux jiksbu b’mod raġonevoli l-kapaċità teknika u l-faċilitajiet meħtieġa sabiex jarmu l-iskart b’mod li jħares l-ambjent kif imsemmi fl-Artikolu 59.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.07.2026 00:00:00 -Doknr: CELEX:32024R1157
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|