+Artikolu 67 Dispożizzjonijiet ġenerali
---+Artikolu 67 1.
---+Artikolu 67 2.
---+Artikolu 67 3.
---+Artikolu 67 4.
---+Artikolu 67 5.
|
Artikolu 67 Dispożizzjonijiet ġenerali
1. Ħarsa ġenerali
| Titlu |
Regolamentazzjoni |
|
Artikolu 67 1.
|
Mingħajr preġudizzju għar-Regolament (KE) Nru 515/97, il-Kummissjoni għandha teżerċita s-setgħat mogħtija mill-Artikoli 67 sa 71 sabiex tappoġġa u tikkomplementa l-attivitajiet ta’ infurzar tal-Istati Membri u biex tikkontribwixxi għal implimentazzjoni uniformi ta’ dan ir-Regolament fl-Unjoni kollha.
|
|
Artikolu 67 2.
|
Il-Kummissjoni tista’ teżerċita s-setgħat mogħtija lilha minn dan ir-Regolament fir-rigward ta’ vjeġġi ta’ skart li jaqgħu taħt il-kamp ta’ applikazzjoni ta’ dan ir-Regolament skont l-Artikolu 2(1), li huma ta’ natura kumplessa u potenzjalment ikollhom effetti negattivi serji fuq is-saħħa tal-bniedem jew fuq l-ambjent u meta l-investigazzjoni meħtieġa jkollha dimensjoni transfruntiera li tinvolvi mill-inqas żewġ pajjiżi. Il-Kummissjoni tista’ tibda azzjonijiet skont dawn is-setgħat fuq l-inizjattiva tagħha stess, fuq talba tal-awtoritajiet ta’ Stat Membru wieħed jew iktar, jew fuq ilment jekk ikun hemm biżżejjed suspett li l-ġarr tas-sustanza jew tal-oġġett ikkonċernati jew il-vjeġġ ta’ skart ikkonċernat jikkostitwixxu vjeġġ illegali. Il-Kummissjoni tista’ tressaq ukoll tali lmenti lill-awtoritajiet kompetenti tal-Istati Membri kkonċernati. Jekk il-Kummissjoni tiddeċiedi li ma taġixxix, għandha twieġeb lill-awtorità tal-Istati Membri jew lill-persuni li bagħtu l-ilment fi żmien raġonevoli, filwaqt li tiddikjara r-raġunijiet għaliex temmen li ma hemmx suspett suffiċjenti, sakemm ma jkunx hemm raġunijiet ta’ interess pubbliku, bħall-protezzjoni tal-kunfidenzjalità ta’ proċedimenti amministrattivi jew kriminali, biex dan ma jsirx. Il-Kummissjoni għandha tipprovdi wkoll lill-Istati Membri b’assistenza fl-organizzazzjoni ta’ kooperazzjoni mill-qrib u regolari bejn l-awtoritajiet kompetenti tagħhom skont l-Artikolu 71.
|
|
Artikolu 67 3.
|
Fl-eżerċizzju tas-setgħat tagħha, il-Kummissjoni għandha tqis l-ispezzjonijiet, il-proċedimenti ta’ prosekuzzjoni, legali jew amministrattivi li jkunu għaddejjin jew li jkunu diġà twettqu fir-rigward tal-istess vjeġġi mill-awtoritajiet ta’ Stat Membru skont dan ir-Regolament u għandha tiżgura li ma tinterferix f’tali proċedimenti. Meta teżerċita s-setgħat tagħha, il-Kummissjoni għandha tqis kwalunkwe talba għal posponiment minn awtorità ta’ Stat Membru permezz tal-persunal permanenti tagħha responsabbli għall-kooperazzjoni jew permezz tal-punti fokali msemmija fl-Artikolu 65(2).
|
|
Artikolu 67 4.
|
Malli tlesti l-azzjonijiet tagħha, il-Kummissjoni għandha tfassal rapport. Jekk il-Kummissjoni tikkonkludi li l-ġarr tas-sustanza jew tal-oġġett ikkonċernati jew il-vjeġġ ta’ skart ikkonċernat jikkostitwixxi vjeġġ illegali, hija għandha tinforma lill-awtoritajiet kompetenti tal-pajjiż jew tal-pajjiżi kkonċernat(i) b’dan u tirrakkomanda li tali vjeġġ illegali jiġi ttrattat f’konformità mal-Artikoli 25 u 26. Il-Kummissjoni tista’ wkoll tirrakkomanda ċertu segwitu lill-awtoritajiet rilevanti tal-Istati Membri u, meta jkun meħtieġ, tinforma lill-istituzzjonijiet, lill-korpi, lill-uffiċċji u lill-aġenziji tal-Unjoni kkonċernati.
|
|
Artikolu 67 5.
|
Ir-rapporti mfassla abbażi tal-paragrafu 4, flimkien mal-evidenza kollha ta’ sostenn u mehmuża magħhom, għandhom jikkostitwixxu evidenza ammissibbli:
(a)
fi proċedimenti ġudizzjarji ta’ natura mhux kriminali quddiem il-qrati nazzjonali u fi proċedimenti amministrattivi fl-Istati Membri;
(b)
fi proċedimenti kriminali fl-Istat Membru fejn l-użu tagħhom jirriżulta li jkun meħtieġ bl-istess mod u taħt l-istess kundizzjonijiet bħal rapporti amministrattivi mfassla minn awtoritajiet amministrattivi nazzjonali u għandhom ikunu soġġetti għall-istess regoli ta’ evalwazzjoni bħal dawk applikabbli għal rapporti amministrattivi mfassla minn awtoritajiet amministrattivi nazzjonali u għandu jkollhom l-istess valur ta’ evidenza daqs tali rapporti;
(c)
fi proċedimenti ġudizzjarji quddiem il-Qorti tal-Ġustizzja tal-Unjoni Ewropea.
Is-setgħa tal-Qorti tal-Ġustizzja tal-Unjoni Ewropea u tal-qrati nazzjonali u tal-awtoritajiet kompetenti li jivvalutaw liberament il-valur evidenzjali tar-rapporti mfassla mill-Kummissjoni f’konformità mal-paragrafu 4 ma għandhiex tiġi affettwata minn dan ir-Regolament.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.07.2026 00:00:00 -Doknr: CELEX:32024R1157
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|