Artikolu 5 2

(a)

l-għoti ta’ aċċess lill-fornitur tal-intelligence dwar it-theddid u lit-testers esterni, fejn applikabbli, għal informazzjoni sensittiva dwar l-entità finanzjarja;

(b)

nuqqas ta’ konformità tat-TLPT mar-Regolament (UE) 2022/2554 u ma’ dan ir-Regolament fejn tali nuqqas ta’ konformità jirriżulta fin-nuqqas tal-attestazzjoni msemmija fl-Artikolu 26(7) tar-Regolament (UE) 2022/2554, inkluż meta tali nuqqas ta’ konformità jkun dovut għal ksur tal-kunfidenzjalità dwar it-TLPT jew għal nuqqas ta’ mġiba etika;

(c)

l-eskalazzjoni tal-kriżijiet u tal-inċidenti;

(d)

il-fażi attiva tat-tim l-aħmar, inklużi r-riskji relatati mal-interruzzjoni tal-attivitajiet kritiċi u mal-korruzzjoni tad-data minħabba l-attivitajiet tat-testers, u l-impatti potenzjali tagħha fuq partijiet terzi;

(e)

l-attività tat-tim il-blu, inklużi r-riskji relatati mal-interruzzjoni tal-attivitajiet kritiċi u mal-korruzzjoni tad-data minħabba l-attivitajiet tat-tim il-blu, u l-impatti potenzjali tagħha fuq partijiet terzi;

(f)

ir-restawr mhux komplut tas-sistemi affettwati mit-TLPT.