+Crisis Management

Crisis Management

Formulate and maintain a crisis management team tasked with overseeing and coordinating actions during a crisis or major disruption. Regularly review recovery/response plans. Make necessary adjustments to enhance effectiveness.

1. Ħarsa ġenerali

1.1 Referenzi

1.2 Rekwiżiti identifikati

1.3 Regolamenti relatati

2. Rekwiżiti identifikati

Rekwiżiti

3. Regolamenti relatati

Regolamenti
EULAW Artikolu 11 1

1.   Bħala parti mill-qafas tal-ġestjoni tar-riskju tal-ICT imsemmi fl-Artikolu 6(1) u abbażi tar-rekwiżiti ta’ identifikazzjoni li jinsabu fl-Artikolu 8, l-entitajiet finanzjarji għandhom jistabbilixxu politika komprensiva tal-kontinwità tal-operat tal-ICT, li tista’ tiġi adottata bħala politika speċifika dedikata, li tifforma parti integrali mill-politika globali tal-kontinwità tal-operat tal-entità finanzjarja.
EULAW Artikolu 11 6

6.   Bħala parti mill-ġestjoni komprensiva tar-riskju tal-ICT tagħhom, l-entitajiet finanzjarji għandhom:

(a)

jittestjaw il-pjanijiet ta’ kontinwità tal-operat tal-ICT u l-pjanijiet ta’ rispons u rkupru għall-ICT fir-rigward tas-sistemi tal-ICT li jappoġġjaw il-funzjonijiet kollha mill-anqas darba f’sena, kif ukoll fil-każ ta’ kwalunkwe bidla sostantiva fis-sistemi tal-ICT li jappoġġjaw funzjonijiet kritiċi jew importanti;

(b)

jittestjaw il-pjanijiet ta’ komunikazzjoni tal-kriżijiet stabbiliti f’konformità mal-Artikolu 14.

Għall-finijiet tal-ewwel subparagrafu, il-punt (a), l-entitajiet finanzjarji, għajr il-mikrointrapriżi, għandhom jinkludu fil-pjanijiet tal-ittestjar xenarji ta’ ċiberattakki u l-qlib minn infrastruttura primarja tal-ICT għall-oħra u l-kapaċità żejda, il-backups u l-faċilitajiet żejda meħtieġa biex jiġu ssodisfati l-obbligi stabbiliti fl-Artikolu 12.

L-entitajiet finanzjarji għandhom jirrevedu regolarment il-politika tagħhom tal-kontinwità tal-operat tal-ICT u l-pjanijiet tagħhom ta’ rispons u rkupru għall-ICT, filwaqt li jqisu r-riżultati tat-testijiet imwettqa f’konformità mal-ewwel subparagrafu u mar-rakkomandazzjonijiet li jirriżultaw minn kontrolli tal-awditjar jew rieżamijiet superviżorji.
EULAW Artikolu 11 2

2.   L-entitajiet finanzjarji għandhom jimplimentaw il-politika tal-kontinwità tal-operat tal-ICT permezz ta’ arranġamenti, pjanijiet, proċeduri u mekkaniżmi ddedikati, xierqa u ddokumentati bil-għan li:

(a)

jiżguraw il-kontinwità tal-funzjonijiet kritiċi jew importanti tal-entità finanzjarja;

(b)

jirrispondu malajr, b’mod xieraq u effettiv għall-inċidenti kollha relatati mal-ICT, u jirriżolvuhom, b’mod li jillimita l-ħsara u jagħti prijorità lit-tkomplija tal-attivitajiet u tal-azzjonijiet ta’ rkupru;

(c)

jattivaw, mingħajr dewmien, pjanijiet iddedikati li jippermettu miżuri ta’ trażżin, proċessi u teknoloġiji adatti għal kull tip ta’ inċident relatat mal-ICT u jipprevjenu aktar ħsara, kif ukoll proċeduri ta’ rispons u rkupru mfassla apposta stabbiliti f’konformità mal-Artikolu 12;

(d)

jagħtu stima preliminari tal-impatti, il-ħsarat u t-telf;

(e)

jistipulaw azzjonijiet ta’ komunikazzjoni u ta’ ġestjoni ta’ kriżijiet li jiżguraw li l-informazzjoni aġġornata tintbagħat lill-persunal intern u lill-partijiet ikkonċernati esterni rilevanti kollha f’konformità mal-Artikolu 14, u jirrapportaw lill-awtoritajiet kompetenti f’konformità mal-Artikolu 19.
EULAW Artikolu 11 4

4.   L-entitajiet finanzjarji għandhom jistabbilixxu, iżommu u jittestjaw perjodikament il-pjanijiet xierqa tal-kontinwità tal-operat tal-ICT, b’mod partikolari fir-rigward ta’ funzjonijiet kritiċi jew importanti esternalizzati jew ikkuntrattati permezz ta’ arranġamenti ma’ fornituri terzi ta’ servizzi tal-ICT.
EULAW Artikolu 11 5

5.   Bħala parti mill-politika ġenerali tal-kontinwità tal-operat, l-entitajiet finanzjarji għandhom iwettqu valutazzjoni tal-impatt fuq in-negozju (BIA) tal-esponiment tagħhom għal tqallib serju fl-operat. Skont il-BIA, l-entitajiet finanzjarji għandhom jivvalutaw l-impatt potenzjali ta’ tqallib serju fl-operat permezz ta’ kriterji kwantitattivi u kwalitattivi, bl-użu ta’ data interna u esterna u analiżi tax-xenarji, kif xieraq. Il-BIA għandha tikkunsidra l-kritikalità tal-funzjonijiet tan-negozju identifikati u mmappjati, il-proċessi ta’ appoġġ, id-dipendenzi ta’ partijiet terzi u l-assi tal-informazzjoni, u l-interdipendenzi tagħhom. L-entitajiet finanzjarji għandhom jiżguraw li l-assi tal-ICT u s-servizzi tal-ICT jitfasslu u jintużaw f’allinjament sħiħ mal-BIA, b’mod partikolari sabiex jiżguraw kif xieraq ir-ridondanza tal-komponenti kritiċi kollha.
EULAW Artikolu 11 7

7.   L-entitajiet finanzjarji, għajr il-mikrointrapriżi, għandu jkollhom funzjoni ta’ ġestjoni tal-kriżijiet, li, f’każ ta’ attivazzjoni tal-pjanijiet tagħhom ta’ kontinwità tal-operat tal-ICT jew tal-pjanijiet tagħhom ta’ rispons u rkupru għall-ICT, għandha, fost oħrajn, tistabbilixxi proċeduri ċari għall-ġestjoni tal-komunikazzjonijiet interni u esterni għall-kriżijiet f’konformità mal-Artikolu 14.
EULAW Artikolu 11 8

8.   L-entitajiet finanzjarji għandhom iżommu rekords aċċessibbli fil-pront tal-attivitajiet qabel u waqt każijiet ta’ tfixkil meta jiġu attivati l-pjanijiet tagħhom ta’ kontinwità tal-operat tal-ICT u l-pjanijiet tagħhom ta’ rispons u ta’ rkupru għall-ICT.
EULAW Artikolu 11 9

9.   Id-depożitorji ċentrali tat-titoli għandhom jipprovdu lill-awtoritajiet kompetenti bil-kopji tar-riżultati tat-testijiet tal-kontinwità tal-operat tal-ICT, jew ta’ eżerċizzji simili.
EULAW Artikolu 11 10

10.   L-entitajiet finanzjarji, għajr il-mikrointrapriżi, għandhom jirrapportaw lill-awtoritajiet kompetenti, fuq talba tagħhom, stima annwali aggregata tal-kostijiet u tat-telf ikkawżati minn inċidenti kbar relatati mal-ICT.
EULAW Artikolu 14 1

1.   Bħala parti mill-qafas ta’ ġestjoni tar-riskju tal-ICT imsemmi fl-Artikolu 6(1), l-entitajiet finanzjarji għandu jkollhom fis-seħħ pjanijiet ta’ komunikazzjoni tal-kriżijiet li jippermettu divulgazzjoni responsabbli ta’ inċidenti jew vulnerabbiltajiet relatati mal-ICT, tal-anqas dawk kbar, mal-klijenti u mal-kontropartijiet, kif ukoll mal-pubbliku, kif xieraq.
EULAW Artikolu 24 1.

L-entitajiet finanzjarji għandhom jinkludu fil-politika tagħhom dwar il-kontinwità tal-operat tal-ICT imsemmija fl-Artikolu 11(1) tar-Regolament (UE) 2022/2554 dawn kollha li ġejjin:

(a) 

deskrizzjoni ta’:

(i) 

l-objettivi tal-politika dwar il-kontinwità tal-operat tal-ICT, inkluża l-interrelazzjoni tal-ICT u l-kontinwità tal-operat ġenerali, u filwaqt li jitqiesu r-riżultati tal-valutazzjoni tal-impatt fuq in-negozju (BIA) msemmija fl-Artikolu 11(5) tar-Regolament (UE) 2022/2554;

(ii) 

l-ambitu tal-arranġamenti, tal-pjanijiet, tal-proċeduri u tal-mekkaniżmi tal-kontinwità tal-operat tal-ICT, inklużi l-limitazzjonijiet u l-esklużjonijiet;

(iii) 

il-perjodu ta’ żmien li għandu jiġi kopert mill-arranġamenti, mill-pjanijiet, mill-proċeduri u mill-mekkaniżmi tal-kontinwità tal-operat tal-ICT;

(iv) 

il-kriterji biex jiġu attivati u diżattivati l-pjanijiet ta’ kontinwità tal-operat tal-ICT, il-pjanijiet ta’ rispons u rkupru tal-ICT, u l-pjanijiet ta’ komunikazzjoni f’każ ta’ kriżi;

(b) 

dispożizzjonijiet dwar:

(i) 

il-governanza u l-organizzazzjoni biex tiġi implimentata l-politika dwar il-kontinwità tal-operat tal-ICT, inklużi r-rwoli, ir-responsabbiltajiet u l-proċeduri ta’ eskalazzjoni li jiżguraw li jkunu disponibbli riżorsi suffiċjenti;

(ii) 

l-allinjament bejn il-pjanijiet ta’ kontinwità tal-operat tal-ICT u l-pjanijiet ġenerali ta’ kontinwità tal-operat, li jikkonċerna mill-anqas dawn kollha li ġejjin:

(1) 

xenarji potenzjali ta’ falliment, inklużi x-xenarji msemmija fl-Artikolu 26(2) ta’ dan ir-Regolament;

(2) 

objettivi ta’ rkupru, li jispeċifikaw li l-entità finanzjarja għandha tkun tista’ tirkupra l-operazzjonijiet tal-funzjonijiet kritiċi jew importanti tagħha wara tfixkil f’objettiv ta’ ħin ta’ rkupru u objettiv ta’ punt ta’ rkupru;

(iii) 

l-iżvilupp ta’ pjanijiet ta’ kontinwità tal-operat tal-ICT għal tfixkil serju fin-negozju bħala parti minn dawk il-pjanijiet, u l-prijoritizzazzjoni ta’ azzjonijiet ta’ kontinwità tal-operat tal-ICT bl-użu ta’ approċċ ibbażat fuq ir-riskju;

(iv) 

l-iżvilupp, l-ittestjar u r-rieżami tal-pjanijiet ta’ rispons u ta’ rkupru tal-ICT, f’konformità mal-Artikoli 25 u 26 ta’ dan ir-Regolament;

(v) 

ir-rieżami tal-effettività tal-arranġamenti, tal-pjanijiet, tal-proċeduri u tal-mekkaniżmi ta’ kontinwità tal-operat tal-ICT implimentati, f’konformità mal-Artikolu 26 ta’ dan ir-Regolament;

(vi) 

l-allinjament tal-politika dwar il-kontinwità tal-operat tal-ICT ma’:

(1) 

il-politika dwar il-komunikazzjoni kif imsemmija fl-Artikolu 14(2) tar-Regolament (UE) 2022/2554;

(2) 

l-azzjonijiet ta’ komunikazzjoni u ta’ komunikazzjoni tal-kriżijiet imsemmija fl-Artikolu 11(2), il-punt (e) tar-Regolament (UE) 2022/2554.
EULAW Artikolu 24 2.

Minbarra r-rekwiżiti msemmija fil-paragrafu 1, il-kontropartijiet ċentrali għandhom jiżguraw li l-politika dwar il-kontinwità tal-operat tal-ICT tagħhom:

(a) 

ikun fiha ħin massimu ta’ rkupru għall-funzjonijiet kritiċi tagħhom li ma jkunx itwal minn sagħtejn;

(b) 

tqis ir-rabtiet esterni u l-interdipendenzi fl-infrastrutturi finanzjarji, inklużi ċ-ċentri tan-negozjar approvati mill-kontroparti ċentrali, is-saldu tat-titoli u s-sistemi ta’ pagament, u l-istituzzjonijiet ta’ kreditu użati mill-kontroparti ċentrali jew minn kontroparti ċentrali konnessa;

(c) 

tirrikjedi li jkun hemm arranġamenti stabbiliti biex:

(i) 

jiżguraw il-kontinwità ta’ funzjonijiet kritiċi jew importanti tal-kontroparti ċentrali abbażi ta’ xenarji ta’ diżastri;

(ii) 

iżommu sit tal-ipproċessar sekondarju li kapaċi jiżgura l-kontinwità ta’ funzjonijiet kritiċi jew importanti tal-kontroparti ċentrali identiċi għas-sit primarju;

(iii) 

iżommu jew ikollhom aċċess immedjat għal sit ta’ negozju sekondarju, biex jippermettu lill-persunal jiżgura l-kontinwità tas-servizz jekk il-post primarju tan-negozju ma jkunx disponibbli;

(iv) 

iqisu l-ħtieġa ta’ siti addizzjonali ta’ pproċessar, b’mod partikolari jekk id-diversità tal-profili tar-riskji tas-siti primarji u sekondarji ma tipprovdix biżżejjed kunfidenza li l-objettivi ta’ kontinwità tal-operat tal-kontroparti ċentrali se jintlaħqu fix-xenarji kollha.

Għall-finijiet tal-punt (a), il-kontropartijiet ċentrali għandhom ilestu l-proċeduri u l-pagamenti ta’ tmiem il-jum fil-ħin u fil-jum meħtieġa fiċ-ċirkostanzi kollha.

Għall-finijiet tal-punt (c)(i), l-arranġamenti msemmija f’dak il-punt għandhom jindirizzaw id-disponibbiltà ta’ riżorsi umani adegwati, il-ħin ta’ qtugħ tas-servizz massimu għal funzjonijiet kritiċi u l-kommutazzjoni awtomatika u l-irkupru ta’ sit sekondarju.

Għall-finijiet tal-punt (c)(ii), is-sit tal-ipproċessar sekondarju msemmi f’dak il-punt għandu jkollu profil tar-riskju ġeografiku li jkun distint minn dak tas-sit primarju.
EULAW Artikolu 24 3.

Minbarra r-rekwiżiti msemmija fil-paragrafu 1, id-depożitorji ċentrali tat-titoli għandhom jiżguraw li l-politika ta’ kontinwità tal-operat tal-ICT tagħhom:

(a) 

tqis kwalunkwe rabta u interdipendenza mal-utenti, mal-utilitajiet kritiċi u mal-fornituri kritiċi tas-servizzi, depożitorji ċentrali tat-titoli oħrajn u infrastrutturi tas-suq oħrajn;

(b) 

tirrikjedi li l-arranġamenti tagħha għall-kontinwità tal-operat tal-ICT jiżguraw li l-objettiv tal-ħin tal-irkupru għall-funzjonijiet kritiċi jew importanti tagħhom ma jkunx itwal minn sagħtejn.
EULAW Artikolu 24 4.

Minbarra r-rekwiżiti msemmija fil-paragrafu 1, iċ-ċentri tan-negozjar għandhom jiżguraw li l-politika ta’ kontinwità tal-operat tal-ICT tagħhom tiżgura li:

(a) 

in-negozjar jista’ jerġa’ jinbeda wara sagħtejn jew kważi sagħtejn minn inċident ta’ tfixkil;

(b) 

l-ammont massimu ta’ data li tista’ tintilef minn kwalunkwe servizz tal-IT taċ-ċentru tan-negozjar wara inċident ta’ tfixkil ikun qrib iż-żero.
EULAW Artikolu 25 1.
Meta jittestjaw il-pjanijiet ta’ kontinwità tal-operat tal-ICT f’konformità mal-Artikolu 11(6) tar-Regolament (UE) 2022/2554, l-entitajiet finanzjarji għandhom iqisu l-valutazzjoni tal-impatt fuq in-negozju (BIA) tal-entità finanzjarja u l-valutazzjoni tar-riskju tal-ICT imsemmija fl-Artikolu 3(1), il-punt (b) ta’ dan ir-Regolament.
EULAW Artikolu 25 2.

L-entitajiet finanzjarji għandhom jivvalutaw permezz tal-ittestjar tal-pjanijiet ta’ kontinwità tal-operat tal-ICT tagħhom imsemmija fil-paragrafu 1 jekk ikunux kapaċi jiżguraw il-kontinwità tal-funzjonijiet kritiċi jew importanti tal-entità finanzjarja. Dak l-ittestjar għandu:

(a) 

jitwettaq abbażi ta’ xenarji ta’ ttestjar li jissimulaw tfixkil potenzjali, inkluż sett adegwat ta’ xenarji severi iżda plawżibbli;

(b) 

jinkludi l-ittestjar tas-servizzi tal-ICT ipprovduti mill-fornituri terzi ta’ servizzi tal-ICT, meta applikabbli;

(c) 

għall-entitajiet finanzjarji, minbarra l-mikrointrapriżi, kif imsemmi fl-Artikolu 11(6), it-tieni subparagrafu tar-Regolament (UE) 2022/2554, ikun fih xenarji ta’ tibdil mill-infrastruttura primarja tal-ICT għall-kapaċità żejda, il-backups u l-faċilitajiet żejda;

(d) 

ikun imfassal biex jisfida s-suppożizzjonijiet li fuqhom ikunu bbażati l-pjanijiet ta’ kontinwità tal-operat, inklużi l-arranġamenti ta’ governanza u l-pjanijiet ta’ komunikazzjoni dwar il-kriżijiet;

(e) 

jinkludi proċeduri biex tiġi vverifikata l-kapaċità tal-persunal tal-entitajiet finanzjarji, tal-fornituri terzi ta’ servizzi tal-ICT, tas-sistemi tal-ICT u tas-servizzi tal-ICT li jwieġbu b’mod adegwat għax-xenarji debitament meqjusa f’konformità mal-Artikolu 26(2).

Għall-finijiet tal-punt (a), l-entitajiet finanzjarji dejjem għandhom jinkludu fl-ittestjar ix-xenarji meqjusa għall-iżvilupp tal-pjanijiet ta’ kontinwità tal-operat.

Għall-finijiet tal-punt (b), l-entitajiet finanzjarji għandhom iqisu debitament ix-xenarji marbuta mal-insolvenza jew il-fallimenti tal-fornituri terzi ta’ servizzi tal-ICT jew marbuta mar-riskji politiċi fil-ġuriżdizzjonijiet tal-fornituri terzi ta’ servizzi tal-ICT, meta rilevanti.

Għall-finijiet tal-punt (c), l-ittestjar għandu jivverifika jekk mill-anqas funzjonijiet kritiċi jew importanti jistgħux jitħaddmu kif xieraq għal perjodu ta’ żmien suffiċjenti, u jekk il-funzjonament normali jistax jerġa’ jiġi rrestawrat.
EULAW Artikolu 25 3.

Minbarra r-rekwiżiti msemmija fil-paragrafu 2, il-kontropartijiet ċentrali għandhom jinvolvu fl-ittestjar tal-pjanijiet ta’ kontinwità tal-operat tal-ICT tagħhom imsemmija fil-paragrafu 1:

(a) 

il-membri tal-ikklerjar;

(b) 

il-fornituri esterni;

(c) 

l-istituzzjonijiet rilevanti fl-infrastruttura finanzjarja li magħhom il-kontropartijiet ċentrali identifikaw interdipendenzi fil-politiki tagħhom dwar il-kontinwità tal-operat.
EULAW Artikolu 25 4.

Minbarra r-rekwiżiti msemmija fil-paragrafu 2, id-depożitorji ċentrali tat-titoli għandhom jinvolvu fl-ittestjar tal-pjanijiet ta’ kontinwità tal-operat tal-ICT tagħhom imsemmija fil-paragrafu 1, kif xieraq:

(a) 

l-utenti tad-depożitorji ċentrali tat-titoli;

(b) 

il-fornituri ta’ utilitajiet kritiċi u servizzi kritiċi;

(c) 

depożitorji ċentrali tat-titoli oħrajn;

(d) 

infrastrutturi tas-suq oħrajn;

(e) 

kwalunkwe istituzzjoni oħra li magħha d-depożitorji ċentrali tat-titoli identifikaw interdipendenzi fil-politika ta’ kontinwità tal-operat tagħhom.
EULAW Artikolu 25 5.
L-entitajiet finanzjarji għandhom jiddokumentaw ir-riżultati tal-ittestjar imsemmi fil-paragrafu 1. Kwalunkwe nuqqas identifikat li jirriżulta minn dak l-ittestjar għandu jiġi analizzat, indirizzat u rrapportat lill-korp maniġerjali.
EULAW Artikolu 26 1.

Meta jiżviluppaw il-pjanijiet ta’ rispons u ta’ rkupru tal-ICT imsemmija fl-Artikolu 11(3) tar-Regolament (UE) 2022/2554, l-entitajiet finanzjarji għandhom iqisu r-riżultati tal-valutazzjoni tal-impatt fuq in-negozju (BIA) tal-entità finanzjarja. Dawk il-pjanijiet ta’ rispons u ta’ rkupru tal-ICT għandhom:

(a) 

jispeċifikaw il-kundizzjonijiet li jwasslu għall-attivazzjoni jew għad-diżattivazzjoni tagħhom, u kwalunkwe eċċezzjoni għal din l-attivazzjoni jew diżattivazzjoni;

(b) 

jiddeskrivu liema azzjonijiet għandhom jittieħdu biex jiġu żgurati d-disponibbiltà, l-integrità, il-kontinwità u l-irkupru ta’ mill-anqas sistemi u servizzi tal-ICT li jappoġġaw funzjonijiet kritiċi jew importanti tal-entità finanzjarja;

(c) 

ikunu mfassla biex jissodisfaw l-objettivi ta’ rkupru tal-operazzjonijiet tal-entitajiet finanzjarji;

(d) 

jiġu ddokumentati u jsiru disponibbli għall-persunal involut fl-eżekuzzjoni tal-pjanijiet ta’ rispons u ta’ rkupru tal-ICT u jkunu faċilment aċċessibbli f’każ ta’ emerġenza;

(e) 

jipprevedu kemm opzjonijiet ta’ rkupru fuq perjodu ta’ żmien qasir kif ukoll fuq perjodu ta’ żmien twil, inkluż l-irkupru parzjali tas-sistemi;

(f) 

jistabbilixxu l-objettivi tal-pjanijiet ta’ rispons u ta’ rkupru tal-ICT u l-kundizzjonijiet biex tiġi ddikjarata l-eżekuzzjoni b’suċċess ta’ dawk il-pjanijiet.

Għall-finijiet tal-punt (d), l-entitajiet finanzjarji għandhom jispeċifikaw b’mod ċar ir-rwoli u r-responsabbiltajiet.
EULAW Artikolu 26 2.

Il-pjanijiet ta’ rispons u ta’ rkupru tal-ICT imsemmija fil-paragrafu 1 għandhom jidentifikaw ix-xenarji rilevanti, inklużi xenarji ta’ tfixkil serju fin-negozju u probabbiltà akbar ta’ okkorrenza ta’ tfixkil. Dawk il-pjanijiet għandhom jiżviluppaw xenarji bbażati fuq informazzjoni kurrenti dwar it-theddid u dwar it-tagħlimiet meħuda minn okkorrenzi preċedenti ta’ tfixkil fin-negozju. L-entitajiet finanzjarji għandhom iqisu debitament ix-xenarji kollha li ġejjin:

(a) 

attakki ċibernetiċi u kommutazzjonijiet bejn l-infrastruttura primarja tal-ICT u l-kapaċità żejda, il-backups u l-faċilitajiet żejda;

(b) 

xenarji li fihom il-kwalità tal-forniment ta’ funzjoni kritika jew importanti tiddeterjora għal livell inaċċettabbli jew tfalli, u jitqies debitament l-impatt potenzjali tal-insolvenza, jew fallimenti oħrajn, ta’ kwalunkwe fornitur terz ta’ servizzi terzi tal-ICT rilevanti;

(c) 

falliment parzjali jew totali tal-bini, inkluż il-bini tal-uffiċċju u tan-negozju, u ċ-ċentri tad-data;

(d) 

falliment sostanzjali tal-assi tal-ICT jew tal-infrastruttura tal-komunikazzjoni;

(e) 

in-nuqqas ta’ disponibbiltà ta’ għadd kritiku ta’ persunal jew ta’ membri tal-persunal responsabbli biex jiggarantixxu l-kontinwità tal-operazzjonijiet;

(f) 

l-impatt tat-tibdil fil-klima u ta’ avvenimenti relatati mad-degradazzjoni tal-ambjent, diżastri naturali, pandemiji u attakki fiżiċi, inklużi intrużjonijiet u attakki terroristiċi;

(g) 

attakki minn ġewwa;

(h) 

instabbiltà politika u soċjali, inkluż, meta rilevanti, fil-ġuriżdizzjoni tal-fornitur terz ta’ servizzi tal-ICT u fil-post fejn id-data tinħażen u tiġi pproċessata;

(i) 

qtugħ ta’ dawl mifrux.
EULAW Artikolu 26 3.
Meta l-miżuri ta’ rkupru primarju jistgħu ma jkunux fattibbli fuq perjodu ta’ żmien qasir minħabba kostijiet, riskji, loġistika jew ċirkostanzi mhux previsti, il-pjanijiet ta’ rispons u ta’ rkupru tal-ICT imsemmija fil-paragrafu 1 għandhom iqisu għażliet alternattivi.
EULAW Artikolu 26 4.
Bħala parti mill-pjanijiet ta’ rispons u ta’ rkupru tal-ICT imsemmija fil-paragrafu 1, l-entitajiet finanzjarji għandhom iqisu u jimplimentaw miżuri ta’ kontinwità biex jimmitigaw il-fallimenti ta’ fornituri terzi ta’ servizzi tal-ICT ta’ servizzi tal-ICT li jappoġġaw funzjonijiet kritiċi jew importanti tal-entità finanzjarja.
  • NOREA -

    EN: DORA in Control Framework of NOREA, the Dutch professional association of IT auditors, https://www.norea.nl/. © NOREA. Reproduced with the permission of NOREA; converted into the GRCA format. Only the version published by NOREA is authoritative.

    DE: DORA in Control Framework von NOREA, dem niederländischen Berufsverband der IT-Auditoren, https://www.norea.nl/. © NOREA. Wiedergabe mit Genehmigung von NOREA; in das GRCA-Format umgewandelt. Maßgeblich ist allein die von NOREA veröffentlichte Fassung.