Artikolu 4 Il-livelli limiti ta’ rapportar — kriterji ta’ dħul u ta’ ħruġ

L-istituzzjonijiet li jissodisfaw il-kundizzjonijiet stabbiliti fl-Artikolu 4(1), il-punt (145), tar-Regolament (UE) Nru 575/2013 għandhom jibdew jirrapportaw l-informazzjoni bħala istituzzjonijiet żgħar u mhux kumplessi, fl-ewwel data ta’ referenza tar-rapportar wara li jkunu ġew issodisfati dawk il-kundizzjonijiet. Fejn istituzzjonijiet ma jibqgħux jissodisfaw dawk il-kundizzjonijiet, għandhom jieqfu jirrapportaw l-informazzjoni fl-ewwel data ta’ referenza ta’ rapportar minn hemm ’il quddiem.

L-istituzzjonijiet li jissodisfaw il-kundizzjonijiet stabbiliti fl-Artikolu 4(1), il-punt (146), tar-Regolament (UE) Nru 575/2013 għandhom jibdew jirrapportaw l-informazzjoni bħala istituzzjonijiet kbar, fl-ewwel data ta’ referenza tar-rapportar wara li jkunu ġew issodisfati. Meta l-istituzzjonijiet ma jibqgħux jissodisfaw dawk il-kundizzjonijiet, għandhom jieqfu jirrapportaw l-informazzjoni fl-ewwel data ta’ referenza ta’ rapportar li jmiss.

L-istituzzjonijiet għandhom jibdew jirrapportaw informazzjoni soġġetta għal-limiti stabbiliti f’dan ir-Regolament fid-data ta’ referenza ta’ rapportar li jmiss wara li dawk il-limiti jinqabżu f’żewġ dati ta’ referenza ta’ rapportar konsekuttivi. L-istituzzjonijiet jistgħu jieqfu jirrapportaw informazzjoni soġġetta għal-limiti stabbiliti f’dan ir-Regolament fid-data ta’ referenza ta’ rapportar li jmiss meta jkunu waqgħu taħt il-livelli limitu rilevanti fi tliet dati ta’ referenza ta’ rapportar konsekuttivi.