Artikolu 9 Rapportar dwar il-fondi proprji u r-rekwiżiti ta’ fondi proprji għal ditti tal-investiment soġġetti għall-Artikoli 95 u 96 tar-Regolament (UE) Nru 575/2013 fuq bażi individwali

Id-ditti tal-investiment li japplikaw id-dispożizzjonijiet tranżizzjonali tal-Artikolu 57(3) tar-Regolament (UE) 2019/2033 għandhom jissottomettu l-informazzjoni kif stabbilit f’dan l-Artikolu.

Sabiex jirrapportaw informazzjoni dwar il-fondi proprji u dwar ir-rekwiżiti ta’ fondi proprji skont l-Artikolu 430(1), il-punt (a), tar-Regolament (UE) Nru 575/2013 fuq bażi individwali, bl-eċċezzjoni tal-informazzjoni dwar il-proporzjon ta’ ingranaġġ, id-ditti tal-investiment li jagħmlu użu mill-Artikolu 57(3) tar-Regolament (UE) 2019/2033 b’referenza għall-Artikolu 95 tar-Regolament (UE) Nru 575/2013 għandhom jissottomettu l-informazzjoni speċifikata fl-Anness I, il-formoli 1 sa 5, f’konformità mal-istruzzjonijiet fl-Anness II, il-Parti II, il-punt 1, bi frekwenza trimestrali.

Sabiex jirrapportaw informazzjoni dwar fondi proprji u rekwiżiti ta’ fondi proprji skont l-Artikolu 430(1), il-punt (a), tar-Regolament (UE) Nru 575/2013 fuq bażi individwali, id-ditti tal-investiment li jagħmlu użu mill-Artikolu 57(3) tar-Regolament (UE) 2019/2033 b’referenza għall-Artikolu 96 tar-Regolament (UE) Nru 575/2013 għandhom jissottomettu l-informazzjoni msemmija fl-Artikolu 5, fil-paragrafi (1) sa (5) u fil-paragrafi (8) sa (13), u fl-Artikolu 6(2) ta’ dan ir-Regolament bil-frekwenza stabbilita f’dawk l-Artikoli.