2.1 Subject matter

Dawn il-linji gwida jispeċifikaw ir-rekwiżiti għall-istima tal-probabbiltà tal-inadempjenza (PD) u ta’ telf fil-każ ta’ inadempjenza (LGD), inkluż l-LGD għal skoperturi inadempjenti (LGD fl-inadempjenza) u l-aħjar stima tat-telf mistenni (EL BE ) skont il-Parti Tlieta, it-Titolu II, il-Kapitolu 3, it-Taqsima 6 tar-Regolament (UE) Nru 575/2013, l-Artikolu 159 ta’ dak ir-Regolament u l-abbozz finali tal-istandards tekniċi regolatorji tal-EBA dwar il-metodoloġija ta’ valutazzjoni tal-IRB EBA/RTS/2016/03 [RTS dwar il-metodoloġija ta’ valutazzjoni tal-IRB] tal-21 ta’ Lulju 2016² .

² Ir-referenzi għall-Artikoli tal-RTS dwar il-metodoloġija ta’ valutazzjoni tal-IRB se jiġu sostitwiti b’referenzi għar-Regolament Delegat li jadotta l-abbozz finali tal-RTS tal-EBA dwar il-metodoloġija ta’ valutazzjoni tal-IRB, ladarba dan jiġi ppubblikat fil-Ġurnal Uffiċjali tal-UE.