3.2 First application of the Guidelines

Jenħtieġ li l-funzjoni ta’ validazzjoni interna tivverifika l-bidliet li jiġu applikati għas-sistemi ta’ klassifikazzjoni bħala riżultat tal-applikazzjoni ta’ dawn il-linji gwida u l-istandards tekniċi regolatorji li għandhom jiġu żviluppati skont l-Artikolu 144(2) tar-Regolament (UE) Nru 575/2013, u l-klassifikazzjoni tal-bidliet skont ir-Regolament ta’ Delega tal-Kummissjoni (UE) Nru 529/2014³ .

³ ĠU L 148, 20.5.2014, p. 36.

L-istituzzjonijiet li jeħtieġ li jiksbu permess minn qabel mill-awtoritajiet kompetenti skont l-Artikolu 143(3) tar-Regolament (UE) Nru 575/2013 u r-Regolament (UE) Nru 529/2014, għall-bidliet fis-sistemi ta’ klassifikazzjoni meħtieġa biex dawn il-linji gwida jiġu inkorporati għall-ewwel darba sal-iskadenza msemmija fil-paragrafu 9, jenħtieġ li jiftiehmu mal-awtoritajiet kompetenti tagħhom dwar l-iskadenza finali għas-sottomissjoni tal-applikazzjoni għal tali permess minn qabel.