L-istatus ta’ dawn il-linji gwida

Dawn il- linji gwida jinħarġu skont l -Artikolu 16 tar-Regolament (UE) Nru 1093/2010¹ . Skont l-Artikolu 16(3) tar-Regolament (UE) Nru 1093/2010, l-awtoritajiet kompetenti u l-istituzzjonijiet finanzjarji, inkluż l - istituzzjonijiet, għandhom jagħmlu kull sforz possibbli biex jikkonformaw mal-linji gwida.

¹ Regolament (UE) Nru 1093/2010 tal-Parlament Ewropew u tal- Kunsill tal -24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d - Deċiżjoni Nru 716/2009/KE u jħassar id - Deċiżjoni tal - Kummissjoni 2009/78/KE (ĠU L 331, 15.12.2010, p. 12).

Il- linji gwida jistabbilixxu l - fehma tal - EBA dwar prattiki superviżorji xierqa fis -Sistema Ewropea ta’ Superviżjoni Finanzjarja jew dwar kif id -dritt tal- Unjoni għandu jiġi applikat f’qasam partikolari. L-awtorità kompetenti, kif definita fl-Artikolu 4(2) tar-Regolament (UE) Nru 1093/2010, li għaliha japplikaw il - linji gwida, għandha tikkonforma billi tinkorporahom fil - prattiki tagħhom kif xieraq (eż. billi temenda l - qafas legali tagħhom jew il - proċessi superviżorji tagħhom), inkluż fejn il -linji gwida jkunu indirizzati primarjament lejn l-istituzzjonijiet.