Status ta’ dawn il - Linji Gwida

Dan id - dokument jinkludi Linji Gwida maħruġin skont l - Artikolu 16 tar - Regolament (UE) Nru 1093/2010¹ . F’konformità mal - Artikolu 16(3) tar - Regolament (UE) Nru 1093/2010, l - awtoritajiet kompetenti u l - istituzzjonijiet finanzjarji jridu jagħmlu kull sforz biex jikkonformaw mal - Linji Gwida.

Il - Linji Gwida jistabbilixxu l - fehma tal - EBA dwar prattiki superviżorji xierqa fi ħdan is - Sistema Ewropea ta’ Superviżjoni Finanzjarja jew dwar kif id - dritt tal - Unjoni għandu jiġi applikat f’qasam partikolari. L - awtoritajiet kompetenti kif definiti fl - Artikolu 3(1), il - punt (35) tar - Regolament (UE) 2023/1114² li għalihom japplikaw il - linji gwida jenħtieġ li jikkonformaw billi jinkorporawhom fil - prattiki tagħhom kif xieraq (eż. billi jemendaw il - qafas legali tagħhom jew il - proċessi superviżorji tagħhom).