is-segregazzjoni u s-segmentazzjoni tas-sistemi u tan-networks tal-ICT filwaqt li jitqiesu:

id-dokumentazzjoni tal-konnessjonijiet tan-network u l-flussi tad-data kollha tal-entità finanzjarja;

l-użu ta’ network separat u ddedikat għall-amministrazzjoni tal-assi tal-ICT;

l-identifikazzjoni u l-implimentazzjoni ta’ kontrolli tal-aċċess għan-network biex jiġu evitati u identifikati konnessjonijiet man-network tal-entità finanzjarja minn kwalunkwe apparat jew sistema mhux awtorizzati, jew kwalunkwe punt tat-tmiem li ma jissodisfax ir-rekwiżiti ta’ sigurtà tal-entità finanzjarja;

il-kriptaġġ tal-konnessjonijiet tan-network li jgħaddu minn fuq in-networks korporattivi, in-networks pubbliċi, in-networks domestiċi, in-networks ta’ partijiet terzi, u n-networks mingħajr fili, għall-protokolli ta’ komunikazzjoni użati, filwaqt li jitqiesu r-riżultati tal-klassifikazzjoni tad-data approvata, ir-riżultati tal-valutazzjoni tar-riskju tal-ICT u l-kriptaġġ tal-konnessjonijiet tan-network imsemmija fl-Artikolu 6(2);

id-disinn ta’ networks f’konformità mar-rekwiżiti tas-sigurtà tal-ICT stabbiliti mill-entità finanzjarja, filwaqt li jitqiesu l-prattiki ewlenin biex jiġu żgurati l-kunfidenzjalità, l-integrità u d-disponibbiltà tan-network;

l-iżgurar tat-traffiku tan-network bejn in-networks interni u l-Internet u konnessjonijiet esterni oħrajn;

l-identifikazzjoni tar-rwoli u tar-responsabbiltajiet u tal-passi għall-ispeċifikazzjoni, għall-implimentazzjoni, għall-approvazzjoni, għat-tibdil u għar-rieżami tar-regoli dwar il-firewalls u tal-filtri tal-konnessjonijiet;

il-prestazzjoni tar-rieżamijiet tal-arkitettura tan-network u tad-disinn tas-sigurtà tan-network darba fis-sena, u perjodikament għall-mikrointrapriżi, biex jiġu identifikati l-vulnerabbiltajiet potenzjali;

il-miżuri biex jiġu iżolati temporanjament, meta meħtieġ, is-subnetworks, u l-komponenti u l-apparati tan-network;

l-implimentazzjoni ta’ linja bażi ta’ konfigurazzjoni sigura tal-komponenti kollha tan-network, u t-twebbis tan-network u tal-apparati tan-network f’konformità ma’ kwalunkwe struzzjoni tal-bejjiegħ, u, meta applikabbli, standards, kif iddefiniti fl-Artikolu 2, il-punt (1) tar-Regolament (UE) Nru 1025/2012, u prattiki ewlenin;

il-proċeduri biex jiġu llimitati, imblokkati u tterminati s-sistema u s-sessjonijiet mill-bogħod wara perjodu speċifikat ta’ inattività;

għall-ftehimiet dwar is-servizzi tan-network:

l-identifikazzjoni u l-implimentazzjoni ta’ miżuri għall-protezzjoni tad-data waqt l-użu, fi tranżitu u waqt li tkun wieqfa;

l-identifikazzjoni u l-implimentazzjoni ta’ miżuri ta’ sigurtà rigward l-użu ta’ software, mezzi għall-ħżin tad-data, sistemi u apparati ta’ punt tat-tmiem li jittrasferixxu u jaħżnu d-data tal-entità finanzjarja;

l-identifikazzjoni u l-implimentazzjoni ta’ miżuri biex jiġu pprevenuti u individwati konnessjonijiet mhux awtorizzati man-network tal-entità finanzjarja, u biex jiġi żgurat it-traffiku tan-network bejn in-networks interni tal-entità finanzjarja u l-Internet u konnessjonijiet esterni oħrajn;

l-identifikazzjoni u l-implimentazzjoni ta’ miżuri li jiżguraw id-disponibbiltà, l-awtentiċità, l-integrità u l-kunfidenzjalità tad-data matul it-trażmissjonijiet tan-network;

proċess biex titħassar b’mod sigur id-data fil-bini, jew li tinħażen esternament, li l-entità finanzjarja ma għadhiex teħtieġ tiġbor jew taħżen;

proċess biex l-apparati għall-ħżin tad-data fil-bini jew l-apparati għall-ħżin tad-data li jinħażnu esternament li jkun fihom informazzjoni kunfidenzjali jintremew b’mod sigur, jew jiġu ddekumissjonati;

l-identifikazzjoni u l-implimentazzjoni ta’ miżuri biex jiġi żgurat li t-telexogħol u l-użu ta’ apparati ta’ punt tat-tmiem privat ma jkollhomx impatt negattiv fuq il-kapaċità tal-entità finanzjarja li twettaq l-attivitajiet kritiċi tagħha b’mod adegwat, f’waqtu u sigur.