Artikolu 8 Rapportar dwar fondi proprji u rekwiżiti ta’ fondi proprji — rekwiżiti ta’ rapportar addizzjonali fuq bażi individwali u konsolidata

L-istituzzjonijiet soġġetti għal rekwiżit li jiddivulgaw l-informazzjoni msemmija fl-Artikolu 438, il-punti (e) jew (h), jew l-Artikolu 452, il-punti (b), (g) jew (h), tar-Regolament (UE) Nru 575/2013 bil-frekwenza stabbilita fl-Artikolu 433a jew fl-Artikolu 433c, kif applikabbli, fuq bażi individwali skont l-Artikolu 6 jew fuq bażi konsolidata f’konformità mal-Artikolu 13, kif applikabbli, ta’ dak ir-Regolament, għandhom jissottomettu l-informazzjoni dwar ir-riskju ta’ kreditu u r-riskju ta’ kreditu tal-kontroparti, kif speċifikat fl-Anness I, il-formoli 8.3, 8.4, 8.5, 8.5.1, 8.6, 8.7 u 34.11, ta’ dan ir-Regolament, bl-istess frekwenza u fuq l-istess bażi, skont l-istruzzjonijiet fl-Anness II, il-Parti II, il-punti 3.3 u 3.9.12 ta’ dan ir-Regolament.

L-istituzzjonijiet soġġetti għal rekwiżit li jiddivulgaw l-informazzjoni msemmija fil-punt (l) tal-Artikolu 439 tar-Regolament (UE) Nru 575/2013 bil-frekwenza stabbilita fl-Artikolu 433a jew l-Artikolu 433c, kif applikabbli, fuq bażi individwali f’konformità mal-Artikolu 6 jew fuq bażi konsolidata f’konformità mal-Artikolu 13, kif applikabbli, ta’ dak ir-Regolament, għandhom jissottomettu l-informazzjoni dwar ir-riskju ta’ kreditu tal-kontroparti, kif speċifikat fl-Anness I, il-formola 34.07, għal dan ir-Regolament, bl-istess frekwenza u fuq l-istess bażi, skont l-istruzzjonijiet fl-Anness II, il-Parti II, il-punt 3.9.8, ta’ dan ir-Regolament.