Airteagal 6 Coinníollacha a ndéanfar an comhdhlúthú i gcomhréir leo i gcásanna ina bhfuil dhá institiúid nó dhá institiúid airgeadais nó níos mó ná sin curtha faoi bhainistíocht aonair gan an bhainistíocht sin a bheith de bhun conartha, de bhun clásail atá ina meabhráin nó de bhun clásail atá ina n-airteagail chomhlachais a dhéantar an méid sin

1.   Cinnfidh údarás inniúil go gceanglaítear dhá institiúid nó dhá institiúid airgeadais nó níos mó ná sin a chomhdhlúthú, ar institiúidí nó institiúidí airgeadais iad a chuirtear faoi bhainistíocht aonair gan an bhainistíocht sin a bheith de bhun conartha, de bhun clásail atá ina meabhráin nó de bhun clásail atá ina n-airteagail chomhlachais a dhéantar an méid sin chun críocha Airteagal 18(6), pointe (b), de Rialachán (AE) Uimh. 575/2013, i gcás ina gcomhlíontar na coinníollacha seo a leanas:

2.   Chun críocha mhír 1, pointe (a) féadfaidh na húdaráis inniúla, go háirithe, na gnéithe seo a leanas a chur san áireamh mar thásca lena léirítear gurb ann don staid dá dtagraítear sa phointe sin:

3.   Sna cásanna dá dtagraítear san Airteagal seo, ceadóidh nó ceanglóidh na húdaráis inniúla úsáid mhodh an chomhdhlúthaithe dá bhforáiltear in Airteagal 22(8) agus (9) de Threoir 2013/34/AE.

4.   Beidh feidhm ag Airteagal 2(1), (2), agus (3) den Rialachán seo chun an t-eintiteas a chinneadh a bheidh freagrach as comhlíontacht a áirithiú leis na ceanglais dá dtagraítear i gCuid a hAon, Teideal II, Caibidil 2, Roinn 1, de Rialachán (AE) Uimh. 575/2013 ar bhonn staid chomhdhlúite na n-institiúidí uile nó na n-institiúidí airgeadais uile dá dtagraítear i mír 1 den Airteagal seo.