Airteagal 21 Seirbhís iontaoibhe cháilithe a thionscnamh

Chun a fhíorú go gcomhlíonann an soláthraí seirbhísí iontaoibhe na ceanglais a leagtar síos in Airteagal 21 de Threoir (AE) 2022/2555, iarrfaidh an comhlacht maoirseachta ar na húdaráis inniúla arna n-ainmniú nó arna mbunú de bhun Airteagal 8(1) den Treoir sin gníomhaíochtaí maoirseachta a dhéanamh ina leith sin agus faisnéis a sholáthar faoin toradh gan moill mhíchuí agus in aon chás laistigh de 2 mhí ón iarraidh sin a fháil. Mura gcuirfear an fíorú i gcrích laistigh de 2 mhí tar éis an fhógra, cuirfidh na húdaráis inniúla sin an comhlacht maoirseachta ar an eolas, agus na cúiseanna leis an moill agus an tréimhse ar lena linn atá an fíorú le cur i gcrích á sonrú acu.

I gcás ina dtagann an comhlacht maoirseachta ar an gconclúid go gcomhlíonann an soláthraí seirbhísí iontaoibhe agus na seirbhísí iontaoibhe a sholáthraíonn sé na ceanglais a leagtar síos sa Rialachán seo, deonóidh an comhlacht maoirseachta stádas cáilithe don soláthraí seirbhísí iontaoibhe agus do na seirbhísí iontaoibhe a sholáthraíonn sé, agus cuirfidh sé an comhlacht dá dtagraítear in Airteagal 22(3) ar an eolas faoin méid sin chun na liostaí iontaoibhe dá dtagraítear in Airteagal 22(1) a thabhairt cothrom le dáta, tráth nach déanaí ná 3 mhí tar éis an fhógra a thugtar i gcomhréir le mír 1 den Airteagal seo.

I gcás nach gcuirfear an fíorú i gcrích laistigh de 3 mhí tar éis an fhógra, cuirfidh an comhlacht maoirseachta na cúiseanna leis an moill in iúl don soláthraí seirbhísí iontaoibhe, agus an tréimhse ar lena linn atá an fíorú le cur i gcrích á sonrú aige.