Airteagal 6 Sócmhainní cumhdaigh incháilithe

sócmhainní atá incháilithe de bhun Airteagal 129(1) de Rialachán (AE) Uimh. 575/2013, ar choinníoll go gcomhlíonann an institiúid creidmheasa a eisíonn na bannaí faoi chumhdach ceanglais mhíreanna 1a go 3 d’Airteagal 129 den Rialachán sin;

sócmhainní cumhdaigh ardcháilíochta lena n‐áirithítear go bhfuil éileamh ar íocaíocht ag an institiúid creidmheasa a eisíonn bannaí faoi chumhdach mar a leagtar amach i mír 2 agus atá urrúsaithe ag sócmhainní comhthaobhachta mar a leagtar amach i mír 3; nó

sócmhainní i bhfoirm iasachtaí atá le tabhairt do ghnóthais phoiblí nó arna ráthú ag gnóthais phoiblí, faoi réir mhír 4 den Airteagal seo.

is ionann an tsócmhainn agus éileamh ar íocaíocht airgid a mbíonn íosluach aige is inchinnte i gcónaí, atá bailí agus in-fhorfheidhmithe de réir dlí, nach bhfuil faoi réir coinníollacha seachas an coinníoll go n‐aibeoidh an t‐éileamh ar dháta éigin amach anseo, agus go bhfuil an t‐éileamh urrúsaithe le morgáiste, muirear, lian nó ráthaíocht eile;

tá an morgáiste, an táille, an lian nó an ráthaíocht eile lena n‐urrúsaítear an t‐éileamh ar íocaíocht in-fhorfheidhmithe;

comhlíonadh gach ceanglas dlíthiúil maidir leis an morgáiste, an táille, an lian nó ráthaíocht eile lena n‐urrúsaítear an t‐éileamh ar íocaíocht a bhunú;

cuireann an morgáiste, an táille, an lian nó an ráthaíocht eile lena n‐urrúsaítear an t‐éileamh ar íocaíocht ar chumas na hinstitiúide creidmheasa a eisíonn na bannaí faoi chumhdach luach an éilimh a aisghabháil gan moill mhíchuí.

i gcás sócmhainní fisiciúla comhthaobhachta, tá caighdeáin luachála ann a nglactar leo i gcoitinne i measc saineolaithe agus atá oiriúnach don tsócmhainn fhisiciúil comhthaobhachta lena mbaineann agus tá clár poiblí ann ina dtaifeadtar úinéireacht na sócmhainní fisiciúla comhthaobhachta sin agus éilimh orthu; nó

i gcás sócmhainní i bhfoirm risíochtaí, is intuigthe sábháilteacht agus fóntacht an chontrapháirtí risíochta as cumhachtaí ardaithe cánach nó as bheith faoi réir maoirseacht phoiblí leanúnach ar fhóntacht oibríochtúil agus ar sócmhainneacht airgeadais an chontrapháirtí.

déanann na gnóthais phoiblí seirbhísí poiblí riachtanacha a sholáthar ar bhonn ceadúnais, conradh lamháltais nó foirm eile iontaoibhe arna deonú ag údarás poiblí;

tá na gnóthais phoiblí faoi réir maoirseacht phoiblí;

tá cumhachtaí leordhóthanacha ginte ioncaim ag na gnóthais phoiblí, rud a áirithítear toisc gur fíor an méid seo a leanas i leith na ngnóthas poiblí sin:

i gcás gach sócmhainne fisiciúla comhthaobhachta, is ann do luacháil reatha arb ionann í agus an luach margaidh nó an luach iasachta morgáiste, nó ar lú í ná an luach margaidh nó an luach iasachta morgáiste, tráth a dhéantar an tsócmhainn chumhdaigh a áireamh sa chomhthiomsú cumhdaigh;

déanann luachálaí an luacháil, ar luachálaí é nó í ag a bhfuil na cáilíochtaí, an cumas agus an taithí is gá; agus

tá an luachálaí neamhspleách ar an bpróiseas cinnteoireachta creidmheasa, ní áiríonn sé nó sí eilimintí amhantracha sa mheasúnú ar luach na sócmhainne fisiciúla comhthaobhachta, agus déanann sé nó sí luach na sócmhainne fisiciúla comhthaobhachta a dhoiciméadú ar bhealach trédhearcach agus soiléir.