+Airteagal 8 Fógra a thabhairt faoin bpáipéar bán maidir le cripteashócmhainní agus faoin gcumarsáid mhargaíochta
---+Airteagal 8 1.
---+Airteagal 8 2.
---+Airteagal 8 3.
---+Airteagal 8 4.
---+Airteagal 8 5.
---+Airteagal 8 6.
---+Airteagal 8 7.

Airteagal 8 Fógra a thabhairt faoin bpáipéar bán maidir le cripteashócmhainní agus faoin gcumarsáid mhargaíochta

1. Forbhreathnú

,
Airteagal 8 1.
Tairgeoirí, daoine atá ag iarraidh go ligfí isteach cripteashócmhainní chun a dtrádála seachas comharthaí sócmhainn-tagartha nó comharthaí ríomh-airgid, nó oibreoirí ardán trádála le haghaidh cripteashócmhainní seachas comharthaí sócmhainn-tagartha nó comharthaí ríomh-airgid, déanfaidh siad fógra a thabhairt faoina bpáipéar bán maidir le cripteashócmhainní d’údarás inniúil a mBallstáit baile.
Airteagal 8 2.
Tabharfar fógra faoi chumarsáid mhargaíochta, arna iarraidh sin, d’údarás inniúil an Bhallstáit baile agus d’údarás inniúil an Bhallstáit óstaigh nuair a dhírítear iad chuig sealbhóirí ionchasacha cripteashócmhainní seachas comharthaí sócmhainn-tagartha nó comharthaí ríomh-airgid sna Ballstáit sin.
Airteagal 8 3.
Ní éileoidh údaráis inniúla go ndéanfar páipéir bhána maidir le cripteashócmhainní, ná aon chumarsáid mhargaíochta lena mbaineann, a fhormheas roimh ré sula bhfoilseofar iad faoi seach.
Airteagal 8 4.

Cuirfear ag gabháil leis an bhfógra faoin bpáipéar bán maidir le cripteashócmhainní dá dtagraítear i mír 1 míniú i dtaobh cén fáth nár cheart an chripteashócmhainn a dtugtar tuairisc uirthi sa pháipéar bán maidir le cripteashócmhainní a mheas mar a leanas:

(a) 

cripteashócmhainn arna heisiamh ó raon feidhme an Rialacháin seo de bhun Airteagal 2(4),

(b) 

comhartha ríomh-airgid; nó

(c) 

comhartha sócmhainn-tagartha.
Airteagal 8 5.
Tabharfar fógra faoi na heilimintí dá dtagraítear i míreanna 1 agus 4 d’údarás inniúil an Bhallstáit baile 20 lá oibre ar a laghad roimh dháta foilsithe an pháipéir bháin maidir le cripteashócmhainní.
Airteagal 8 6.
Tairgeoirí agus daoine atá ag iarraidh go ligfí isteach cripteashócmhainní chun a dtrádála seachas comharthaí sócmhainn-tagartha nó comharthaí ríomh-airgid, soláthróidh siad, in éineacht leis an bhfógra dá dtagraítear i mír 1, liosta de na Ballstáit óstacha, más ann dóibh, d’údarás inniúil a mBallstáit baile, i gcás ina bhfuil sé beartaithe acu a gcripteashócmhainní a thairiscint don phobal nó ina bhfuil sé beartaithe acu ligean isteach chun trádála a iarraidh. Cuirfidh siad údarás inniúil a mBallstáit baile ar an eolas freisin faoi dháta tosaigh na tairisceana beartaithe don phobal nó dáta an ligin isteach chun trádála atá beartaithe agus faoi aon athrú ar an dáta sin.

Tabharfaidh údarás inniúil an Bhallstáit baile fógra do phointe teagmhála aonair na mBallstát óstach faoin tairiscint bheartaithe don phobal nó faoin ligean isteach chun trádála atá beartaithe agus cuirfidh sé in iúl don phointe teagmhála aonair sin an páipéar bán maidir le cripteashócmhainní lena mbaineann laistigh de 5 lá oibre ón liosta de na Ballstáit óstacha dá dtagraítear sa chéad fhomhír a fháil.
Airteagal 8 7.
Cuirfidh údarás inniúil an Bhallstáit baile in iúl do ESMA an fhaisnéis dá dtagraítear i míreanna 1, 2 agus 4 mar aon le dáta tosaigh na tairisceana beartaithe don phobal nó an ligean isteach chun trádála atá beartaithe agus aon athrú ar an dáta sin. Cuirfidh sé faisnéis den sórt sin in iúl laistigh de 5 lá oibre ón bhfaisnéis sin a fháil ón tairgeoir nó ón duine a bhfuil ligean isteach chun trádála á iarraidh aige.

Cuirfidh ESMA an páipéar bán maidir le cripteashócmhainní ar fáil sa chlár, faoi Airteagal 109(2), faoi dháta tosaigh na tairisceana don phobal nó an ligin isteach chun trádála.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.