+Airteagal 25 Modhnú ar pháipéir bhána fhoilsithe maidir le cripteashócmhainní le haghaidh comharthaí sócmhainn-tagartha
---+Airteagal 25 1.
---+Airteagal 25 2.
---+Airteagal 25 3.
---+Airteagal 25 4.
---+Airteagal 25 5.

Airteagal 25 Modhnú ar pháipéir bhána fhoilsithe maidir le cripteashócmhainní le haghaidh comharthaí sócmhainn-tagartha

1. Forbhreathnú

,
Airteagal 25 1.

Tabharfaidh eisitheoirí comharthaí sócmhainn-tagartha fógra d’údarás inniúil a mBallstáit baile faoi aon athrú atá beartaithe ar a samhail ghnó ar dócha go mbeidh tionchar suntasach aige ar chinneadh ceannaigh aon sealbhóirí nó aon sealbhóirí ionchasacha comharthaí sócmhainn-tagartha, a tharlaíonn tar éis an údaraithe de bhun Airteagal 21 nó tar éis an páipéar bán maidir le cripteashócmhainní a fhormheas de bhun Airteagal 17, agus i gcomhthéacs Airteagal 23 freisin. Áirítear ar athruithe den sórt sin, i measc nithe eile, aon mhodhnuithe ábhartha ar na nithe seo a leanas:

(a) 

na socruithe rialachais, lena n-áirítear línte tuairiscithe don chomhlacht bainistíochta agus an creat bainistithe riosca;

(b) 

na cúlsócmhainní agus cumhdach na gcúlsócmhainní;

(c) 

na cearta a thugtar do na sealbhóirí comharthaí sócmhainn-tagartha;

(d) 

an sásra trína ndéantar comhartha sócmhainn-tagartha a eisiúint agus a fhuascailt;

(e) 

na prótacail chun na hidirbhearta i gcomharthaí sócmhainn-tagartha a bhailíochtú;

(f) 

feidhmiú na teicneolaíochta dílsithe mórleabhar dáilte atá ag eisitheoirí, i gcás ina ndéantar na comharthaí sócmhainn-tagartha a eisiúint, a aistriú agus a stóráil trí úsáid a bhaint as teicneolaíocht mórleabhar dáilte den sórt sin;

(g) 

na sásraí chun leachtacht comharthaí sócmhainn-tagartha a áirithiú, lena n-áirítear an beartas bainistithe leachtachta agus na nósanna imeachta bainistithe leachtachta d’eisitheoirí comharthaí sócmhainn-tagartha suntasacha dá dtagraítear in Airteagal 45;

(h) 

na socruithe le heintitis tríú páirtí, lena n-áirítear chun na cúlsócmhainní a bhainistiú agus an cúlchiste a infheistiú, na cúlsócmhainní a chumhdach, agus, i gcás inarb infheidhme, na comharthaí sócmhainn-tagartha a dháileadh ar an bpobal;

(i) 

na nósanna imeachta láimhseála gearán;

(j) 

an measúnú riosca maidir le sciúradh airgid agus maoiniú sceimhlitheoireachta agus beartais ghinearálta agus nósanna imeachta ginearálta a bhaineann leis.

Tabharfaidh eisitheoirí comharthaí sócmhainn-tagartha fógra d’údarás inniúil a mBallstáit baile 30 lá oibre ar a laghad sula dtiocfaidh na hathruithe atá beartaithe i bhfeidhm.
Airteagal 25 2.
I gcás ina bhfuil fógra tugtha don údarás inniúil faoi aon athrú atá beartaithe dá dtagraítear i mír 1, déanfaidh eisitheoir comhartha sócmhainn-tagartha dréachtpháipéar bán modhnaithe maidir le cripteashócmhainní a tharraingt suas agus áiritheoidh sé go bhfuil ord na faisnéise atá ann comhsheasmhach lena bhfuil sa bhunpháipéar bán maidir le cripteashócmhainní.

Tabharfaidh eisitheoir an chomhartha sócmhainn-tagartha fógra faoin dréachtpháipéar bán modhnaithe maidir le cripteashócmhainní d’údarás inniúil an Bhallstáit baile.

Admhóidh an t-údarás inniúil go leictreonach go bhfuarthas an dréachtpháipéar bán modhnaithe maidir le cripteashócmhainní a luaithe is féidir, agus 5 lá oibre ar a dhéanaí tar éis dó é a fháil.

Tabharfaidh an t-údarás inniúil formheas don dréachtpháipéar bán modhnaithe maidir le cripteashócmhainní, nó diúltóidh sé don dréachtpháipéar bán modhnaithe maidir le cripteashócmhainní a fhormheas, laistigh de 30 lá oibre ón tráth a admhaíodh go bhfuarthas é. Le linn an scrúdaithe ar an dréachtpháipéar bán modhnaithe maidir le cripteashócmhainní, féadfaidh an t-údarás inniúil aon fhaisnéis bhreise, mínithe nó réasúnuithe a iarraidh i dtaca leis an dréachtpháipéar bán modhnaithe maidir le cripteashócmhainní. Nuair a dhéanann an t-údarás inniúil an iarraidh sin, ní thosóidh an teorainn ama 30 lá oibre ach amháin nuair a bheidh an fhaisnéis bhreise a iarradh faighte ag an údarás inniúil.
Airteagal 25 3.
I gcás ina measann an t-údarás inniúil go bhféadfadh na modhnuithe ar pháipéar bán maidir le cripteashócmhainní a bheith ábhartha d’oibriú rianúil córas íocaíochta, tarchur beartais airgeadaíochta agus ceannasacht airgeadaíochta, rachaidh sé i gcomhairle le BCE agus, i gcás inarb infheidhme, leis an mbanc ceannais dá dtagraítear in Airteagal 20(4). Féadfaidh an t-údarás inniúil dul i gcomhairle le ÚBE agus le ESMA freisin i gcásanna den sórt sin.

Tabharfaidh BCE nó an banc ceannais ábhartha agus, i gcás inarb infheidhme, ÚBE agus ESMA tuairim laistigh de 20 lá oibre ón gcomhairliúchán dá dtagraítear sa chéad fhomhír a fháil.
Airteagal 25 4.

I gcás ina bhformheasann an t-údarás inniúil an páipéar bán modhnaithe maidir le cripteashócmhainní, féadfaidh sé an méid seo a leanas a cheangal ar eisitheoir an chomhartha sócmhainn-tagartha:

(a) 

sásraí a chur i bhfeidhm chun cosaint sealbhóirí an chomhartha sócmhainn-tagartha a áirithiú, nuair is féidir le modhnú féideartha ar oibríochtaí an eisitheora éifeacht ábhartha a bheith aige ar luach, cobhsaíocht nó rioscaí an chomhartha sócmhainn-tagartha nó na gcúlsócmhainní;

(b) 

aon bhearta ceartaitheacha iomchuí a dhéanamh chun aghaidh a thabhairt ar ábhair imní a bhaineann le sláine an mhargaidh, le cobhsaíocht airgeadais nó le hoibriú rianúil na gcóras íocaíochta.

Cuirfidh an t-údarás inniúil de cheangal ar eisitheoir an chomhartha sócmhainn-tagartha aon bhearta ceartaitheacha iomchuí a dhéanamh chun aghaidh a thabhairt ar ábhair imní a bhaineann le hoibriú rianúil córas íocaíochta, le tarchur beartais airgeadaíochta, nó le ceannasacht airgeadaíochta, má mholann BCE nó, i gcás inarb infheidhme, an banc ceannais dá dtagraítear in Airteagal 20(4) bearta ceartaitheacha den sórt sin sna comhairliúcháin dá dtagraítear i mír 3 den Airteagal seo.

I gcás ina bhfuil BCE nó an banc ceannais dá dtagraítear in Airteagal 20(4) tar éis bearta atá éagsúil leis na bearta a éilíonn an t-údarás inniúil a mholadh, déanfar na bearta molta a chomhcheangal nó, mura féidir é, éileofar an beart is déine.
Airteagal 25 5.
Cuirfidh an t-údarás inniúil an páipéar bán modhnaithe maidir le cripteashócmhainní in iúl do ESMA, do phointí teagmhála aonair na mBallstát óstach, do ÚBE, do BCE agus, i gcás inarb infheidhme, do bhanc ceannais an Bhallstáit lena mbaineann laistigh de 2 lá oibre ón bhformheas a dheonú.

Cuirfidh ESMA an páipéar bán modhnaithe maidir le cripteashócmhainní ar fáil sa chlár dá dtagraítear in Airteagal 109 gan moill mhíchuí.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.