+Airteagal 41 Measúnú ar éadálacha beartaithe na n-eisitheoirí comharthaí sócmhainn-tagartha
---+Airteagal 41 1.
---+Airteagal 41 2.
---+Airteagal 41 3.
---+Airteagal 41 4.
---+Airteagal 41 5.
---+Airteagal 41 6.
---+Airteagal 41 7.
---+Airteagal 41 8.

Airteagal 41 Measúnú ar éadálacha beartaithe na n-eisitheoirí comharthaí sócmhainn-tagartha

1. Forbhreathnú

,
Airteagal 41 1.
Aon duine nádúrtha nó dlítheanach nó aon duine den sórt sin ag gníomhú de chomhbheart dóibh a bheartaíonn sealúchas cáilitheach in eisitheoir comhartha sócmhainn-tagartha a fháil, go díreach nó go hindíreach, nó sealúchas cáilitheach den sórt sin a mhéadú, go díreach nó go hindíreach, ionas go sroichfeadh nó go sáródh sciar na gceart vótála nó an chaipitil atá á shealbhú 20 %, 30 % nó 50 %, nó ionas go mbeadh eisitheoir an chomhartha sócmhainn-tagartha ina fhochuideachta aige (‘an faighteoir beartaithe’), tabharfaidh sé fógra i scríbhinn d’údarás inniúil an eisitheora faoi, agus méid an tsealúchais atá beartaithe agus an fhaisnéis a cheanglaítear sna caighdeáin theicniúla rialála arna nglacadh ag an gCoimisiún i gcomhréir le hAirteagal 42(4) á gcur in iúl.
Airteagal 41 2.
Aon duine nádúrtha nó dlítheanach a bhfuil cinneadh déanta aige sealúchas cáilitheach in eisitheoir comhartha sócmhainn-tagartha a dhiúscairt go díreach nó go hindíreach, déanfaidh sé, sula ndiúscrófar an sealúchas sin, fógra a thabhairt i scríbhinn don údarás inniúil faoina chinneadh agus méid an tsealúchais sin a chur in iúl. Tabharfaidh an duine sin fógra don údarás inniúil freisin i gcás ina bhfuil cinneadh déanta aige sealúchas cáilitheach a laghdú ionas go dtitfeadh sciar na gceart vótála nó an chaipitil atá á shealbhú faoi bhun 10 %, 20 %, 30 % nó 50 %, nó ionas go scoirfeadh eisitheoir an chomhartha sócmhainn-tagartha de bheith mar fhochuideachta ag an duine sin.
Airteagal 41 3.
Admhóidh an t-údarás inniúil, go pras agus in aon chás laistigh de 2 lá oibre ó fhógra a fháil de bhun mhír 1, i scríbhinn go bhfuarthas é.
Airteagal 41 4.
Déanfaidh an t-údarás inniúil measúnú ar an éadáil bheartaithe dá dtagraítear i mír 1 den Airteagal seo agus ar an bhfaisnéis a cheanglaítear faoi na caighdeáin theicniúla rialála arna nglacadh ag an gCoimisiún i gcomhréir le hAirteagal 42(4), laistigh de 60 lá oibre ón dáta a admhaíodh i scríbhinn go bhfuarthas an fógra dá dtagraítear i mír 3 den Airteagal seo. Agus admháil á tabhairt aige go bhfuarthas an fógra, cuirfidh an t-údarás inniúil an faighteoir beartaithe ar an eolas faoi dháta éaga na tréimhse measúnaithe.
Airteagal 41 5.
Agus an measúnú dá dtagraítear i mír 4 á dhéanamh acu, féadfaidh an t-údarás inniúil aon fhaisnéis bhreise is gá chun an measúnú sin a chur i gcrích a iarraidh ar an bhfaighteoir beartaithe. Déanfar iarraidh den sórt sin sula dtabharfar an measúnú chun críche, agus tráth nach déanaí ná an 50ú lá oibre ón dáta a admhaíodh i scríbhinn go bhfuarthas an fógra dá dtagraítear i mír 3. Déanfar iarrataí den sórt sin i scríbhinn agus sonrófar an fhaisnéis bhreise is gá iontu.

Cuirfidh an t-údarás inniúil an tréimhse mheasúnaithe dá dtagraítear i mír 4 ar fionraí go dtí go mbeidh an fhaisnéis bhreise dá dtagraítear sa chéad fhomhír den mhír seo faighte aige. Ní rachaidh an tréimhse fionraí thar 20 lá oibre. Ní bheidh aon fhionraí bhreise ar thréimhse an mheasúnaithe mar thoradh ar aon iarrataí ón údarás inniúil ina dhiaidh sin ar fhaisnéis bhreise nó ar shoiléiriú ar fhaisnéis a fuarthas.

Féadfaidh an t-údarás inniúil an fhionraí dá dtagraítear sa dara fomhír den mhír seo a fhadú suas le 30 lá oibre más rud é go bhfuil an faighteoir beartaithe suite lasmuigh den Aontas nó go bhfuil sé á rialáil faoi dhlí tríú tír.
Airteagal 41 6.
Údarás inniúil, ar an measúnú dá dtagraítear i mír 4 a thabhairt i gcrích, a chinneann cur in aghaidh na héadála beartaithe dá dtagraítear i mír 1, tabharfaidh sé fógra faoin méid sin don fhaighteoir beartaithe laistigh de 2 lá oibre, agus in aon chás roimh an dáta dá dtagraítear i mír 4 arna fhadú, i gcás inarb infheidhme, i gcomhréir le mír 5, an dara agus an tríú fomhír. Tabharfar na cúiseanna leis an gcinneadh sin san fhógra.
Airteagal 41 7.
I gcás nach gcuireann an t-údarás inniúil in aghaidh na héadála beartaithe dá dtagraítear i mír 1 roimh an dáta dá dtagraítear i mír 4 arna fhadú, i gcás inarb infheidhme, i gcomhréir le mír 5, an dara agus an tríú fomhír, measfar an éadáil bheartaithe a bheith formheasta.
Airteagal 41 8.
Féadfaidh an t-údarás inniúil uastréimhse a shocrú chun an éadáil bheartaithe dá dtagraítear i mír 1 a thabhairt chun críche, agus féadfaidh sé an uastréimhse sin a fhadú i gcás inarb iomchuí.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.