+Airteagal 43 Comharthaí sócmhainn-tagartha a aicmiú mar chomharthaí sócmhainn-tagartha suntasacha
---+Airteagal 43 1.
---+Airteagal 43 2.
---+Airteagal 43 3.
---+Airteagal 43 4.
---+Airteagal 43 5.
---+Airteagal 43 6.
---+Airteagal 43 7.
---+Airteagal 43 8.
---+Airteagal 43 9.
---+Airteagal 43 10.
---+Airteagal 43 11.

Airteagal 43 Comharthaí sócmhainn-tagartha a aicmiú mar chomharthaí sócmhainn-tagartha suntasacha

1. Forbhreathnú

,
Airteagal 43 1.

Is iad seo a leanas na critéir chun na comharthaí sócmhainn-tagartha a aicmiú mar chomharthaí sócmhainn-tagartha suntasacha, mar a shonraítear tuilleadh leis na gníomhartha tarmligthe arna nglacadh de bhun mhír 11:

(a) 

tá líon shealbhóirí an chomhartha sócmhainn-tagartha níos mó ná 10 milliún;

(b) 

tá luach an chomhartha sócmhainn-tagartha a eisíodh, a chaipitliú margaidh nó méid chúlchiste sócmhainní eisitheoir an chomhartha sócmhainn-tagartha níos mó ná EUR 5 000 000 000 ;

(c) 

tá meánlíon agus meánluach comhiomlán na n-idirbheart sa chomhartha sócmhainn-tagartha sin in aghaidh an lae le linn na tréimhse ábhartha níos airde ná 2,5 milliún idirbheart agus EUR 500 000 000 faoi seach;

(d) 

tá eisitheoir an chomhartha sócmhainn-tagartha ina sholáthraí croísheirbhísí ardáin atá ainmnithe mar gheatóir i gcomhréir le Rialachán (AE) 2022/1925 ó Pharlaimint na hEorpa agus ón gComhairle ( 17 );

(e) 

tábhacht ghníomhaíochtaí eisitheoir an chomhartha sócmhainn-tagartha ar scála idirnáisiúnta, lena n-áirítear úsáid an chomhartha sócmhainn-tagartha le haghaidh íocaíochtaí agus seoltán;

(f) 

idirnascacht an chomhartha sócmhainn-tagartha nó a eisitheoirí leis an gcóras airgeadais;

(g) 

eisíonn an t-aon eisitheoir amháin comhartha sócmhainn-tagartha breise amháin ar a laghad nó comhartha ríomh-airgid breise amháin ar a laghad, agus soláthraíonn sé seirbhís cripteashócmhainní amháin ar a laghad.
Airteagal 43 2.

Déanfaidh ÚBE comharthaí sócmhainn-tagartha a aicmiú mar chomharthaí sócmhainn-tagartha suntasacha i gcás ina gcomhlíontar ar a laghad trí cinn de na critéir a leagtar amach i mír 1 den Airteagal seo:

(a) 

le linn na tréimhse a chumhdaítear leis an gcéad tuarascáil ar fhaisnéis dá dtagraítear i mír 4 den Airteagal seo, tar éis údarú a fháil de bhun Airteagal 21 nó tar éis an páipéar bán maidir le cripteashócmhainní a fhormheas de bhun Airteagal 17; nó

(b) 

le linn na tréimhse a chumhdaítear le dhá thuarascáil ar fhaisnéis as a chéile ar a laghad dá dtagraítear i mír 4 den Airteagal seo.
Airteagal 43 3.
I gcás ina n-eisíonn roinnt eisitheoirí an comhartha sócmhainn-tagartha céanna, déanfar measúnú ar chomhlíonadh na gcritéar a leagtar amach i mír 1 tar éis na sonraí óna heisitheoirí sin a chomhiomlánú.
Airteagal 43 4.
Tuairisceoidh údaráis inniúla Bhallstát baile an eisitheora do ÚBE agus do BCE faisnéis atá ábhartha don mheasúnú ar chomhlíonadh na gcritéar a leagtar amach i mír 1 den Airteagal seo, lena n-áirítear, más infheidhme, an fhaisnéis a fuarthas faoi Airteagal 22, dhá uair sa bhliain ar a laghad.

I gcás ina bhfuil an t-eisitheoir bunaithe i mBallstát nach bhfuil an euro mar airgeadra oifigiúil aige, nó i gcás ina bhfuil airgeadra oifigiúil Ballstáit nach é an euro é faoi thagairt ag an gcomhartha sócmhainn-tagartha, tarchuirfidh na húdaráis inniúla an fhaisnéis dá dtagraítear sa chéad fhomhír chuig banc ceannais an Bhallstáit sin freisin.
Airteagal 43 5.
I gcás ina dtagann ÚBE ar an tátal go gcomhlíonann comhartha sócmhainn-tagartha na critéir a leagtar amach i mír 1 i gcomhréir le mír 2, ullmhóidh ÚBE dréachtchinneadh chun an comhartha sócmhainn-tagartha a aicmiú mar chomhartha sócmhainn-tagartha suntasach agus tabharfaidh sé fógra faoin dréachtchinneadh sin d’eisitheoir an chomhartha sócmhainn-tagartha sin, d’údarás inniúil Bhallstát baile an eisitheora, do BCE agus, sna cásanna dá dtagraítear i mír 4, an dara fomhír, do bhanc ceannais an Bhallstáit lena mbaineann.

Beidh 20 lá oibre ag eisitheoirí comharthaí sócmhainn-tagartha den sórt sin, ag a n-údaráis inniúla, ag BCE agus, i gcás inarb infheidhme, ag banc ceannais an Bhallstáit lena mbaineann ón dáta ar tugadh fógra faoi dhréachtchinneadh ÚBE barúlacha agus tráchtanna a chur ar fáil i scríbhinn. Déanfaidh ÚBE na barúlacha agus na tráchtanna sin a bhreithniú go cuí sula nglacfaidh sé cinneadh críochnaitheach.
Airteagal 43 6.
Déanfaidh ÚBE a chinneadh críochnaitheach i dtaobh an aicmeoidh sé comhartha sócmhainn-tagartha mar chomhartha sócmhainn-tagartha suntasach laistigh de 60 lá oibre ón dáta ar tugadh an fógra dá dtagraítear i mír 5 agus tabharfaidh sé fógra faoin gcinneadh sin láithreach d’eisitheoir an chomhartha sócmhainn-tagartha sin agus dá údarás inniúil.
Airteagal 43 7.
I gcás inar aicmíodh comhartha sócmhainn-tagartha mar chomhartha sócmhainn-tagartha suntasach de bhun cinneadh ó ÚBE arna ghlacadh i gcomhréir le mír 6, aistreofar na freagrachtaí maoirseachta i leith eisitheoir an chomhartha sócmhainn-tagartha shuntasaigh sin ó údarás inniúil Bhallstát baile an eisitheora chuig ÚBE laistigh de 20 lá oibre ón dáta ar tugadh fógra faoin gcinneadh sin.

Oibreoidh ÚBE agus an t-údarás inniúil i gcomhar le chéile chun aistriú rianúil inniúlachtaí maoirseachta a áirithiú.
Airteagal 43 8.
Déanfaidh ÚBE athmheasúnú bliantúil ar aicmiú na gcomharthaí sócmhainn-tagartha suntasacha ar bhonn na faisnéise atá ar fáil, lena n-áirítear ó na tuarascálacha dá dtagraítear i mír 4 nó ón bhfaisnéis a fuarthas faoi Airteagal 22.

I gcás ina dtagann ÚBE ar an tátal nach gcomhlíonann comharthaí sócmhainn-tagartha áirithe na critéir a leagtar amach i mír 1 a thuilleadh i gcomhréir le mír 2, ullmhóidh ÚBE dréachtchinneadh gan na comharthaí sócmhainn-tagartha a aicmiú a thuilleadh mar chomhartha sócmhainn-tagartha suntasach agus cuirfidh sé an dréachtchinneadh sin in iúl d’eisitheoirí na gcomharthaí sócmhainn-tagartha sin agus d’údarás inniúil a mBallstáit baile, do BCE agus, sna cásanna dá dtagraítear i mír 4, an dara fomhír, do bhanc ceannais an Bhallstáit lena mbaineann.

Beidh 20 lá oibre ag eisitheoirí comharthaí sócmhainn-tagartha den sórt sin, ag a n-údaráis inniúla, ag BCE agus ag an mbanc ceannais dá dtagraítear i mír 4 ón dáta ar tugadh fógra faoin dréachtchinneadh sin barúlacha agus tráchtanna a chur ar fáil i scríbhinn. Déanfaidh ÚBE na barúlacha agus na tráchtanna sin a bhreithniú go cuí sula nglacfaidh sé cinneadh críochnaitheach.
Airteagal 43 9.
Déanfaidh ÚBE a chinneadh críochnaitheach i dtaobh nach n-aicmeoidh sé comhartha sócmhainn-tagartha mar chomhartha sócmhainn-tagartha suntasach a thuilleadh laistigh de 60 lá oibre ón dáta ar tugadh an fógra dá dtagraítear i mír 8 agus tabharfaidh sé fógra faoin gcinneadh sin láithreach d’eisitheoir na gcomharthaí sócmhainn-tagartha sin agus dá údarás inniúil.
Airteagal 43 10.
I gcás nach n-aicmítear comhartha sócmhainn-tagartha mar chomhartha suntasach a thuilleadh de bhun cinneadh ó ÚBE arna dhéanamh i gcomhréir le mír 9, aistreofar na freagrachtaí maoirseachta i leith eisitheoir an chomhartha sócmhainn-tagartha sin ó ÚBE chuig údarás inniúil Bhallstát baile an eisitheora laistigh de 20 lá oibre ón dáta ar tugadh fógra faoin gcinneadh sin.

Oibreoidh ÚBE agus an t-údarás inniúil lena mbaineann i gcomhar le chéile chun aistriú rianúil inniúlachtaí maoirseachta a áirithiú.
Airteagal 43 11.

Glacfaidh an Coimisiún gníomhartha tarmligthe i gcomhréir le hAirteagal 139 chun an Rialachán seo a fhorlíonadh trí shonrú breise a dhéanamh ar na critéir a leagtar amach i mír 1 chun comhartha sócmhainn-tagartha a bheith aicmithe mar chomhartha sócmhainn-tagartha suntasach agus cinnfidh sé an méid seo a leanas:

(a) 

na himthosca faoina meastar go bhfuil gníomhaíochtaí eisitheoir an chomhartha sócmhainn-tagartha suntasach ar scála idirnáisiúnta lasmuigh den Aontas;

(b) 

na himthosca faoina measfar na comharthaí sócmhainn-tagartha agus a n-eisitheoirí a bheith idirnasctha leis an gcóras airgeadais;

(c) 

inneachar agus formáid na faisnéise a sholáthraíonn na húdaráis inniúla do ÚBE agus do BCE faoi mhír 4 den Airteagal seo agus Airteagal 56(3).

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.