+Airteagal 59 Údarú
---+Airteagal 59 1.
---+Airteagal 59 2.
---+Airteagal 59 3.
---+Airteagal 59 4.
---+Airteagal 59 5.
---+Airteagal 59 6.
---+Airteagal 59 7.
---+Airteagal 59 8.

Airteagal 59 Údarú

1. Forbhreathnú

,
Airteagal 59 1.

Ní sholáthróidh duine seirbhísí cripteashócmhainní, laistigh den Aontas, ach amháin más rud é gur fíor an méid seo a leanas i leith an duine sin:

(a) 

is duine dlítheanach nó gnóthas eile é atá údaraithe mar sholáthraí seirbhísí cripteashócmhainní i gcomhréir le hAirteagal 63; nó

(b) 

is institiúid creidmheasa, taisclann lárnach urrús, gnólacht infheistíochta, oibreoir margaidh, institiúid ríomh-airgid, cuideachta bainistíochta GCUI, nó bainisteoir ciste infheistíochta malartach a bhfuil cead aige seirbhísí cripteashócmhainní a sholáthar de bhun Airteagal 60 é.
Airteagal 59 2.
Beidh oifig chláraithe ag soláthraithe seirbhísí cripteashócmhainní atá údaraithe i gcomhréir le hAirteagal 63 i mBallstát ina ndéanann siad cuid dá seirbhísí cripteashócmhainní ar a laghad. Is san Aontas a bheidh a n-áit bainistíochta éifeachtaí agus beidh cónaí ar dhuine amháin ar a laghad de na stiúrthóirí san Aontas.
Airteagal 59 3.
Chun críocha mhír 1, pointe (a), ní sholáthróidh gnóthais eile nach daoine dlítheanacha iad seirbhísí cripteashócmhainní ach amháin má áirithíonn a bhfoirm dhlíthiúil leibhéal cosanta do leasanna tríú páirtithe atá coibhéiseach leis an leibhéal a thugann daoine dlítheanacha agus má tá siad faoi réir maoirseacht stuamachta choibhéiseach is iomchuí dá bhfoirm dhlíthiúil.
Airteagal 59 4.
Comhlíonfaidh soláthraithe seirbhísí cripteashócmhainní atá údaraithe i gcomhréir le hAirteagal 63 na coinníollacha maidir lena n-údarú i gcónaí.
Airteagal 59 5.
Ní úsáidfidh duine nach soláthraí seirbhísí cripteashócmhainní é ainm, ná ainm corparáideach, ná ní eiseoidh sé cumarsáid mhargaíochta ná ní tabharfaidh sé faoi aon phróiseas eile a thugann le fios gur soláthraí seirbhísí cripteashócmhainní é nó ar dócha go gcruthóidh sé mearbhall ina leith sin.
Airteagal 59 6.
Áiritheoidh na húdaráis inniúla a dheonaíonn údaruithe i gcomhréir le hAirteagal 63 go sonraítear in údaruithe den sórt sin na seirbhísí cripteashócmhainní a údaraítear do sholáthraithe seirbhísí cripteashócmhainní a sholáthar.
Airteagal 59 7.
Ceadófar do sholáthraithe seirbhísí cripteashócmhainní seirbhísí cripteashócmhainní a sholáthar ar fud an Aontais, tríd an gceart bunaíochta, lena n-áirítear trí bhrainse, nó tríd an tsaoirse chun seirbhísí a sholáthar. Ní chuirfear de cheangal ar sholáthraithe seirbhísí cripteashócmhainní a sholáthraíonn seirbhísí cripteashócmhainní ar bhonn trasteorann láithreacht fhisiciúil a bheith aige i gcríoch Ballstáit óstaigh.
Airteagal 59 8.
Maidir le soláthraithe seirbhísí cripteashócmhainní atá ag iarraidh seirbhísí cripteashócmhainní a chur lena n-údarú amhail dá dtagraítear in Airteagal 63, iarrfaidh siad ar na húdaráis inniúla a dheonaigh a n-údarú tosaigh síneadh a chur lena n-údarú tríd an bhfaisnéis dá dtagraítear in Airteagal 62 a chomhlánú agus a nuashonrú. Déanfar an iarraidh ar shíneadh a phróiseáil i gcomhréir le hAirteagal 63.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.