+Airteagal 78 Orduithe le haghaidh cripteashócmhainní a fhorghníomhú thar ceann cliant
---+Airteagal 78 1.
---+Airteagal 78 2.
---+Airteagal 78 3.
---+Airteagal 78 4.
---+Airteagal 78 5.
---+Airteagal 78 6.

Airteagal 78 Orduithe le haghaidh cripteashócmhainní a fhorghníomhú thar ceann cliant

1. Forbhreathnú

,
Airteagal 78 1.
Déanfaidh soláthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant gach beart is gá, nuair atá orduithe á bhforghníomhú acu, chun an toradh is fearr a fháil dá gcliaint agus tosca á gcur san áireamh acu, is iad sin praghas, costas, luas, dóchúlacht an fhorghníomhaithe agus na socraíochta, méid, cineál, coinníollacha cumhdaigh na gcripteashócmhainní nó aon chúinse eile atá ábhartha d’fhorghníomhú an ordaithe.

D’ainneoin na chéad fhomhíre, ní cheanglófar ar sholáthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant na bearta is gá dá dtagraítear sa chéad fhomhír a dhéanamh i gcásanna ina bhforghníomhaíonn siad orduithe le haghaidh cripteashócmhainní de réir treoracha sonracha arna dtabhairt ag a gcliaint.
Airteagal 78 2.
Chun comhlíonadh mhír 1 a áirithiú, déanfaidh soláthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant socruithe forghníomhúcháin éifeachtacha a bhunú agus a chur chun feidhme. Go háirithe, déanfaidh siad beartas forghníomhúcháin orduithe a bhunú agus a chur chun feidhme chun a chur ar a gcumas mír 1 a chomhlíonadh. Déanfar foráil sa bheartas forghníomhúcháin orduithe, i measc nithe eile, maidir le forghníomhú pras, cothrom agus gasta orduithe cliant agus mí-úsáid a d’fhéadfadh fostaithe na soláthraithe seirbhísí cripteashócmhainní a bhaint as aon fhaisnéis a bhaineann le horduithe cliant a chosc.
Airteagal 78 3.
Cuirfidh soláthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant faisnéis iomchuí agus shoiléir ar fáil dá gcliaint maidir lena mbeartas forghníomhúcháin orduithe dá dtagraítear i mír 2 agus maidir le haon athrú suntasach air. Míneofar go soiléir san fhaisnéis sin, le mionsonraí leordhóthanacha agus ar bhealach is féidir le cliaint a thuiscint go héasca, conas a dhéanfaidh soláthraithe seirbhísí cripteashócmhainní orduithe cliant a fhorghníomhú. Gheobhaidh soláthraithe seirbhísí cripteashócmhainní réamhthoiliú ó gach cliant maidir leis an mbeartas forghníomhúcháin orduithe.
Airteagal 78 4.
Beidh soláthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant in ann a léiriú dá gcliaint, arna iarraidh sin dóibh, go bhfuil a n-orduithe forghníomhaithe acu i gcomhréir lena mbeartas forghníomhúcháin orduithe agus beidh siad in ann a léiriú don údarás inniúil, arna iarraidh sin dó, go gcomhlíonann siad an tAirteagal seo.
Airteagal 78 5.
I gcás ina bhforáiltear leis an mbeartas forghníomhúcháin orduithe go bhféadfaí orduithe cliant a fhorghníomhú lasmuigh d’ardán trádála, cuirfidh soláthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant a gcuid cliant ar an eolas faoin bhféidearthacht sin agus gheobhaidh siad toiliú sainráite roimh ré óna gcliaint sula rachaidh siad ar aghaidh lena n-orduithe a fhorghníomhú lasmuigh d’ardán trádála, i bhfoirm comhaontú ginearálta nó i ndáil le hidirbhearta aonair.
Airteagal 78 6.
Déanfaidh soláthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant faireachán ar éifeachtacht a socruithe forghníomhúcháin orduithe agus a mbeartais forghníomhúcháin orduithe chun aon easnaimh ina leith sin a shainaithint agus, i gcás inarb iomchuí, a cheartú. Go háirithe, déanfaidh siad measúnú, ar bhonn tráthrialta, i dtaobh an soláthraíonn na hionaid forghníomhúcháin a áirítear sa bheartas forghníomhúcháin orduithe an toradh is fearr is féidir do chliaint nó an gá dóibh athruithe a dhéanamh ar a socruithe forghníomhúcháin orduithe. Tabharfaidh soláthraithe seirbhísí cripteashócmhainní a fhorghníomhaíonn orduithe le haghaidh cripteashócmhainní thar ceann cliant fógra do chliaint a bhfuil caidreamh cliaint leanúnach acu leo faoi aon athruithe ábhartha ar a socruithe forghníomhúcháin orduithe nó ar a mbeartas forghníomhúcháin orduithe.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.