+Airteagal 134 Rialacha nós imeachta maidir le bearta maoirseachta a dhéanamh agus maidir le fíneálacha a fhorchur
---+Airteagal 134 1.
---+Airteagal 134 2.
---+Airteagal 134 3.
---+Airteagal 134 4.
---+Airteagal 134 5.
---+Airteagal 134 6.
---+Airteagal 134 7.
---+Airteagal 134 8.
---+Airteagal 134 9.
---+Airteagal 134 10.
---+Airteagal 134 11.

Airteagal 134 Rialacha nós imeachta maidir le bearta maoirseachta a dhéanamh agus maidir le fíneálacha a fhorchur

1. Forbhreathnú

,
Airteagal 134 1.
Más rud é, agus a fhreagrachtaí maoirseachta faoi Airteagal 117 á gcur i gcrích aige, go bhfuil forais shoiléire agus inléirithe ann le bheith in amhras go ndearnadh sárú, nó go mbeidh sárú ann, mar a liostaítear in Iarscríbhinn V nó in Iarscríbhinn VI, ceapfaidh ÚBE oifigeach neamhspleách imscrúdúcháin laistigh de ÚBE chun an t-ábhar a imscrúdú. Ní bheidh an t-oifigeach imscrúdúcháin rannpháirteach ná ní raibh sé rannpháirteach go díreach ná go hindíreach i maoirseacht eisitheoirí na gcomharthaí sócmhainn-tagartha suntasacha nó eisitheoirí na gcomharthaí ríomh-airgid suntasacha lena mbaineann agus comhlíonfaidh sé a chuid feidhmeanna go neamhspleách ar ÚBE.
Airteagal 134 2.
Déanfaidh an t-oifigeach imscrúdúcháin na sáruithe líomhnaithe a imscrúdú, agus aon bharúlacha a chuirfidh na daoine atá faoi réir an imscrúdaithe á gcur i gcuntas agus cuirfidh sé comhad iomlán, ina mbeidh cinntí an oifigigh imscrúdúcháin, faoi bhráid ÚBE.
Airteagal 134 3.
Chun a chuid cúraimí a thabhairt i gcrích, féadfaidh an t-oifigeach imscrúdúcháin an chumhacht a fheidhmiú chun faisnéis a iarraidh i gcomhréir le hAirteagal 122 agus an chumhacht chun imscrúduithe a sheoladh agus chun cigireachtaí ar an láthair a dhéanamh i gcomhréir le hAirteagail 123 agus 124. Nuair a bheidh na cumhachtaí sin á n-úsáid aige, comhlíonfaidh an t-oifigeach imscrúdúcháin Airteagal 121.
Airteagal 134 4.
Agus a chúraimí á ndéanamh aige, beidh rochtain ag an oifigeach imscrúdúcháin ar gach doiciméad agus faisnéis atá bailithe ag ÚBE ina ghníomhaíochtaí maoirseachta.
Airteagal 134 5.
Tar éis don oifigeach imscrúdúcháin a imscrúdú a chríochnú agus sula ndéanfaidh sé an comhad ina bhfuil a chuid cinntí a chur faoi bhráid ÚBE, tabharfaidh sé deis do na daoine atá faoi réir an imscrúdaithe éisteacht a fháil maidir leis na hábhair atá á n-imscrúdú. Is ar na fíorais sin a raibh deis ag na páirtithe lena mbaineann a dtuairimí a thabhairt ina leith agus ar na fíorais sin amháin a bhunóidh an t-oifigeach imscrúdúcháin a chuid cinntí.
Airteagal 134 6.
Déanfar cearta cosanta na ndaoine lena mbaineann a urramú go hiomlán le linn imscrúduithe faoin Airteagal seo.
Airteagal 134 7.
Agus an comhad mar aon lena chinntí á chur faoi bhráid ÚBE, tabharfaidh an t-oifigeach imscrúdúcháin fógra ina leith do na daoine atá faoi réir an imscrúdaithe sin. Beidh na daoine atá faoi réir an imscrúdaithe i dteideal rochtain a bheith acu ar an gcomhad, faoi réir leas dlisteanach daoine eile maidir lena rúin ghnó a chosaint. Ní shínfidh an ceart rochtana ar an gcomhad chuig faisnéis rúnda a dhéanann difear do thríú páirtithe nó do dhoiciméid ullmhúcháin inmheánacha ÚBE.
Airteagal 134 8.
Bunaithe ar an gcomhad ina mbeidh torthaí an oifigigh imscrúdúcháin agus, arna iarraidh sin do na daoine lena mbaineann, tar éis na daoine atá faoi réir na n-imscrúduithe a éisteacht i gcomhréir le hAirteagal 135, cinnfidh ÚBE an bhfuil sárú a liostaítear in Iarscríbhinn V nó in Iarscríbhinn VI déanta ag eisitheoir an chomhartha sócmhainn-tagartha shuntasaigh nó eisitheoir an chomhartha ríomh-airgid shuntasaigh faoi réir an imscrúdaithe agus, sa chás sin, déanfaidh sé beart maoirseachta i gcomhréir le hAirteagal 130 nó déanfaidh sé fíneáil a fhorchur i gcomhréir le hAirteagal 131.
Airteagal 134 9.
Ní bheidh an t-oifigeach imscrúdúcháin rannpháirteach i bplé ÚBE ná ní chuirfidh sé isteach ar aon slí eile ar phróiseas cinnteoireachta ÚBE.
Airteagal 134 10.
Glacfaidh an Coimisiún gníomhartha tarmligthe i gcomhréir le hAirteagal 139 faoin 30 Meitheamh 2024 chun an Rialachán seo a fhorlíonadh trí shonrú breise a dhéanamh ar na rialacha nós imeachta maidir le feidhmiú na cumhachta chun fíneálacha nó íocaíochtaí pionósacha tréimhsiúla a fhorchur, lena n-áirítear forálacha maidir le cearta cosanta, forálacha ama, fíneálacha nó íocaíochtaí pionósacha tréimhsiúla a bhailiú, agus na tréimhsí teorann i dtaca le fíneálacha agus íocaíochtaí pionósacha tréimhsiúla a fhorchur agus a fhorfheidhmiú.
Airteagal 134 11.
Déanfaidh ÚBE ábhair a chur faoi bhráid na n-údarás náisiúnta ábhartha lena n-imscrúdú agus, i gcás inarb iomchuí, le haghaidh ionchúiseamh coiriúil más rud é, le linn a chuid dualgas faoin Rialachán seo a thabhairt i gcrích, go bhfaigheann sé go bhfuil tásca tromchúiseacha ann go bhféadfadh sé gurbh ann d’fhíorais ar dóigh ina leith gurb ionann iad agus cionta coiriúla. Ina theannta sin, staonfaidh ÚBE ó fhíneálacha nó íocaíochtaí pionósacha tréimhsiúla a fhorchur i gcás ina mbeidh sé ar an eolas faoi éigiontú nó faoi chiontú roimhe sin, a d’éirigh as fíoras comhionann nó as fíorais chomhionanna atá comhionann lena chéile go substaintiúil, a bhfuil feidhm res judicata bainte amach aige cheana mar thoradh ar imeachtaí coiriúla faoin dlí náisiúnta.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.