Airteagal 42 Cumhachtaí ginearálta

(a)

an chumhacht chun a cheangal ar aon duine aon fhaisnéis a sholáthar a bheidh de dhíth ar an údarás réitigh chun cinneadh a dhéanamh maidir le gníomhaíocht réitigh agus í a ullmhú, lena n-áirítear nuashonruithe agus forlíontaí maidir le faisnéis arna cur ar fáil sna pleananna réitigh agus lena n-áirítear faisnéis atá le soláthar trí chigireachtaí ar an láithreán;

(b)

an chumhacht chun stiúir a ghlacadh ar ghnóthas faoi réiteach agus chun na cearta agus na cumhachtaí uile a thugtar do na scairshealbhóirí, úinéirí eile agus comhlacht riaracháin, bainistíochta nó maoirseachta an ghnóthais faoi réiteach a fheidhmiú;

(c)

an chumhacht toirmeasc a chur ar ghnó árachais nó athárachais nua a fhrithghealladh agus gnóthas a chur faoi réiteach i nós imeachta um leachtú sócmhainneach ordúil agus a ghníomhaíochtaí a fhoirceannadh;

(d)

an chumhacht gnóthas idirlinne a údarú arna bhunú agus arna údarú gan Treoir 2009/138/CE a chomhlíonadh le linn na tréimhse giorra dá dtagraítear in Airteagal 33(1), an dara fomhír, den Treoir seo, chun gnó árachais nó athárachais nua a fhrithghealladh, nó chun gnó atá ann cheana a athnuachan;

(e)

an chumhacht chun scaireanna nó ionstraimí úinéireachta eile a d’eisigh gnóthas faoi réiteach a aistriú;

(f)

an chumhacht chun cearta, sócmhainní nó dliteanais gnóthais faoi réiteach a aistriú chuig eintiteas eile, le toiliú an eintitis sin;

(g)

an chumhacht chun éilimh árachais a athstruchtúrú nó príomhshuim nó méid gan íoc atá dlite i ndáil le hionstraimí fiachais agus le dliteanais incháilithe, lena n-áirítear éilimh árachais, gnóthais faoi réiteach a laghdú, lena n-áirítear an phríomhshuim nó an méid sin a laghdú go nialas;

(h)

an chumhacht chun ionstraimí fiachais agus dliteanais incháilithe, lena n-áirítear éilimh árachais, gnóthais faoi réiteach a chomhshó mar ghnáthscaireanna nó mar ionstraimí úinéireachta eile eintitis dá dtagraítear in Airteagal 1(1), pointí (a) go (e), de mháthairghnóthas ábhartha nó de ghnóthas idirlinne ar chucu a aistrítear sócmhainní, cearta nó dliteanais an eintitis dá dtagraítear in Airteagal 1(1), pointí (a) go (e);

(i)

an chumhacht chun ionstraimí fiachais a d’eisigh gnóthas faoi réiteach a chealú, cé is moite de dhliteanais urraithe faoi réir Airteagal 35(5);

(j)

an chumhacht chun laghdú a dhéanamh, lena n-áirítear laghdú go nialas, ar mhéid ainmniúil scaireanna nó ionstraimí úinéireachta eile de chuid gnóthas faoi réiteach agus na scaireanna sin nó ionstraimí úinéireachta eile a chealú;

(k)

an chumhacht chun a cheangal ar ghnóthas faoi réiteach nó ar mháthairghnóthas ábhartha scaireanna nua nó ionstraimí úinéireachta eile nó ionstraimí caipitil eile a eisiúint, lena n-áirítear scaireanna tosaíochta agus ionstraimí in-chomhshóite teagmhasacha;

(l)

an chumhacht chun aibíocht na n-ionstraimí fiachais agus na ndliteanas incháilithe eile a d’eisigh gnóthas faoi réiteach a leasú nó a athrú nó chun an méid úis atá iníoctha faoi na hionstraimí sin agus dliteanais incháilithe eile a leasú, nó an dáta a thagann an t-ús chun bheith iníoctha a leasú, lena n-áirítear tríd an íocaíocht a chur ar fionraí ar feadh tréimhse shealadach;

(m)

an chumhacht chun conarthaí airgeadais nó díorthaigh a dhúnadh agus a fhoirceannadh;

(n)

an chumhacht chun comhlacht riaracháin, bainistíochta nó maoirseachta agus bainistíocht shinsearach gnóthais faoi réiteach a bhaint nó a ionadú;

(o)

an chumhacht chun a cheangal ar an údarás maoirseachta ceannaitheoir sealúchais cháilithigh a mheasúnú go tráthúil de mhaolú ar na teorainneacha ama a leagtar síos in Airteagal 58 de Threoir 2009/138/CE;

(a)

faoi réir Airteagal 3(8) agus Airteagal 67(1), ceanglais maidir le formheas nó toiliú a fháil ó aon duine poiblí nó príobháideach, lena n-áirítear na scairshealbhóirí, na creidiúnaithe nó sealbhóirí polasaí an ghnóthais faoi réiteach;

(b)

roimh fheidhmiú na cumhachta, ceanglais nós imeachta maidir le fógra a thabhairt d’aon duine, lena n-áirítear aon cheanglas maidir le haon fhógra nó réamheolaire a fhoilsiú nó maidir le haon doiciméad a chomhdú nó a chlárú le haon údarás eile.