Artikolu 42 Setgħat ġenerali

(a)

is-setgħa li jitolbu lil kwalunkwe persuna tipprovdi kwalunkwe informazzjoni rikjesta mill-awtorità ta' riżoluzzjoni sabiex jiddeċiedu u jħejju azzjoni ta' riżoluzzjoni, inkluż aġġornamenti u supplimenti ta' informazzjoni pprovduta fil-pjanijiet ta' riżoluzzjoni u inkluż informazzjoni li tingħata permezz ta' spezzjonijiet fuq il-post;

(b)

is-setgħa li jieħdu kontroll ta' impriża taħt riżoluzzjoni u li jeżerċitaw id-drittijiet u s-setgħat kollha mogħtija lill-azzjonisti, lil sidien oħrajn u lill-korp amministrattiv, maniġerjali jew superviżorju tal-impriża taħt riżoluzzjoni;

(c)

is-setgħa li jipprojbixxu jew jissottoskrivu negozju ġdid tal-assigurazzjoni jew tar-riassigurazzjoni u li jqiegħdu impriża taħt riżoluzzjoni fi proċedura ta' run-off solventi ordnata u li jtemmu l-attivitajiet tagħha;

(d)

is-setgħa li jawtorizzaw impriża tranżitorja stabbilita u awtorizzata mingħajr ma tikkonforma mad-Direttiva 2009/138/KE matul il-perjodu qasir imsemmi fl-Artikolu 33(1), it-tieni subparagrafu, ta’ din id-Direttiva biex tissottoskrivi negozju ġdid tal-assigurazzjoni jew tar-riassigurazzjoni, jew iġġedded negozju eżistenti;

(e)

is-setgħa li jittrasferixxu ishma jew strumenti ta' sjieda oħrajn maħruġin minn impriża taħt riżoluzzjoni;

(f)

is-setgħa li jittrasferixxu lil entità oħra, bil-kunsens ta' dik l-entità, drittijiet, assi jew obbligazzjonijiet ta' impriża taħt riżoluzzjoni;

(g)

is-setgħa ta' ristrutturar ta' klejms lill-assigurazzjoni jew ta' tnaqqis, inkluż it-tnaqqis għal żero, tal-ammont ta' kapital ta' jew tal-ammont pendenti dovut fir-rigward ta' strumenti ta' dejn u ta' obbligazzjonijiet eliġibbli, inkluż klejms lill-assigurazzjoni, ta' impriża taħt riżoluzzjoni;

(h)

is-setgħa li jikkonvertu l-istrumenti ta' dejn u l-obbligazzjonijiet eliġibbli, inkluż klejms lill-assigurazzjoni, ta' impriża taħt riżoluzzjoni f'ishma ordinarji jew fi strumenti ta' sjieda oħrajn ta' entità msemmija fl-Artikolu 1(1), il-punti (a) sa (e), ta' impriża prinċipali rilevanti jew ta' impriża tranżitorja li lilha jiġu ttrasferiti l-assi, id-drittijiet jew l-obbligazzjonijiet tal-entità msemmija fl-Artikolu 1(1), il-punti (a) sa (e);

(i)

is-setgħa li jikkanċellaw strumenti ta' dejn maħruġin minn impriża taħt riżoluzzjoni ħlief għal obbligazzjonijiet garantiti soġġetti għall-Artikolu 35(5);

(j)

is-setgħa li jnaqqsu, inkluż inaqqsu għal żero, l-ammont nominali ta' ishma jew ta' strumenti ta' sjieda oħrajn ta' impriża taħt riżoluzzjoni u li jikkanċellaw tali ishma jew strumenti ta' sjieda oħrajn;

(k)

is-setgħa li jesiġu li istituzzjoni taħt riżoluzzjoni jew impriża prinċipali rilevanti toħroġ ishma jew strumenti ta' sjieda oħrajn ġodda, jew strumenti kapitali oħrajn, inkluż ishma privileġġati u strumenti konvertibbli kontinġenti;

(l)

is-setgħa li jemendaw jew jibdlu l-maturità ta' strumenti ta' dejn u ta' obbligazzjonijiet eliġibbli oħrajn maħruġin minn impriża taħt riżoluzzjoni jew jemendaw l-ammont ta' mgħax pagabbli fl-ambitu ta' dawn l-istrumenti u obbligazzjonijiet eliġibbli oħrajn, jew id-data li fiha l-imgħax isir pagabbli, inkluż billi jissospendu l-ħlas għal perjodu temporanju;

(m)

is-setgħa li jsaldu u jtemmu kuntratti finanzjarji, jew derivattivi;

(n)

is-setgħa li jneħħu jew ibiddlu l-korp amministrattiv, maniġerjali jew superviżorju u l-maniġment superjuri ta' impriża taħt riżoluzzjoni;

(o)

is-setgħa li jirrikjedu lill-awtorità superviżorja tivvaluta lill-akkwirent ta' parteċipazzjoni kwalifikanti fil-ħin permezz ta' deroga mil-limiti ta' żmien stipulati fl-Artikolu 58 tad-Direttiva 2009/138/KE.

(a)

soġġetti għall-Artikolu 3(8) u għall-Artikolu 67(1), ir-rekwiżiti li jiksbu approvazzjoni jew kunsens mingħand kwalunkwe persuna kemm pubblika jew privata, inkluż l-azzjonisti, il-kredituri jew id-detenturi ta' poloz tal-impriża taħt riżoluzzjoni;

(b)

qabel l-eżerċizzju tas-setgħa, ir-rekwiżiti proċedurali li jinnotifikaw lil kwalunkwe persuna, inkluż kwalunkwe rekwiżit ta' pubblikazzjoni ta' avviż jew ta' prospett jew ta' ffajljar jew ta' reġistrazzjoni ta' kwalunkwe dokument ma' kwalunkwe awtorità oħra.