Airteagal 23 Forlíonta ar an réamheolaire

Déanfar gach ►C1  toisc nua tábhachtach ◄ , botún substainte nó míchruinneas substainte i ndáil leis an bhfaisnéis atá i réamheolaire agus lena bhféadfaí difear a dhéanamh do mheasúnú na n-urrús agus a thagann chun cinn nó a thugtar faoi deara sa tréimhse idir tráth formheasta an réamheolaire agus dúnadh thréimhse na tairisceana, nó an tráth a chuirtear tús leis an trádáil ar mhargadh rialáilte, cibé acu is déanaí a tharlóidh, a lua, gan moill mhíchuí, i bhforlíonadh ar an réamheolaire.

Déanfar forlíonadh den chineál sin a ghlacadh ar an gcaoi chéanna a nglactar réamheolaire, laistigh de chúig lá oibre ar a mhéad, agus foilseofar é de réir na socruithe céanna ar a laghad a cuireadh i bhfeidhm nuair a foilsíodh an réamheolaire bunaidh i gcomhréir le hAirteagal 21. Déanfar an achoimre, agus aon leaganacha aistrithe de, a fhorlíonadh freisin, más gá, chun an fhaisnéis nua atá san fhorlíonadh a chur san áireamh.

I gcás ina mbaineann an réamheolaire le tairiscint ar urrúis don phobal, beidh sé de cheart ag infheisteoirí a d’aontaigh na hurrúis a cheannach nó a shuibscríobh sular foilsíodh an forlíonadh a nglacadh a tharraingt siar, laistigh de 2 lá oibre tar éis an forlíonadh a fhoilsiú, ar choinníoll gur tháinig an fachtóir nua tábhachtach, an botún substainte nó an míchruinneas substainte dá dtagraítear i mír 1 chun cinn nó gur tugadh faoi deara é roimh dhúnadh thréimhse na tairisceana nó roimh sheachadadh na n-urrús, cibé acu is túisce a tharlóidh. Féadfaidh an t-eisitheoir nó an tairgeoir an tréimhse sin a fhadú. Luafar san fhorlíonadh dáta deiridh an chirt chun tarraingt siar.

I gcás ina gceannaíonn nó ina suibscríobhann infheisteoirí urrúis trí idirghabhálaí airgeadais idir an tráth a fhormheastar an réamheolaire do na hurrúis sin agus an tráth a dhúnfar an tréimhse tairisceana tosaigh, déanfaidh an t-idirghabhálaí airgeadais sin an méid seo a leanas:

I gcás ina n-ullmhaíonn an t-eisitheoir forlíonadh maidir le faisnéis sa réamheolaire bunaidh, faisnéis nach mbaineann ach le heisiúint amháin nó le roinnt eisiúintí ar leithligh, beidh feidhm ag an gceart atá ag infheisteoirí a nglacadh a tharraingt siar de bhun mhír 2 maidir leis an eisiúint nó leis na heisiúintí ábhartha agus ní bheidh feidhm acu maidir le haon eisiúint eile urrús faoin réamheolaire bunaidh.

Ní úsáidfear forlíonadh ar réamheolaire bunaidh chun cineál nua urrúis a thabhairt isteach nach bhfuil an fhaisnéis riachtanach ina leith cuimsithe sa réamheolaire bunaidh sin, ach amháin más gá déanamh amhlaidh chun ceanglais chaipitil a chomhlíonadh faoi dhlí an Aontais nó faoin dlí náisiúnta lena ndéantar dlí an Aontais a thrasuí.

I gcás ina mbaineann an ►C1  toisc nua tábhachtach ◄ , botún substainte nó míchruinneas substainte dá dtagraítear i mír 1 leis an bhfaisnéis atá i ndoiciméad clárúcháin nó i ndoiciméad clárúcháin uilíoch agus léi sin amháin, agus an doiciméad clárúcháin nó an doiciméad clárúcháin uilíoch ina chuid de réamheolairí éagsúla ag an aon am amháin, ní tharraingeofar suas agus ní fhormheasfar ach forlíonadh amháin. Sa chás sin, luafar san fhorlíonadh na réamheolairí uile lena mbaineann sé.

Le linn don údarás inniúil forlíonadh a ghrinnscrúdú sula ndéanfar é a fhormheas, féadfaidh sé a iarraidh go mbeidh leagan comhdhlúite den réamheolaire forlíonta, den doiciméad clárúcháin nó den doiciméad clárúcháin uilíoch le fáil in iarscríbhinn, i gcás inar gá leagan comhdhlúite den sórt sin chun a áirithiú go mbeidh an fhaisnéis atá sa réamheolaire sothuigthe. Measfar gur iarraidh ar fhaisnéis fhorlíontach faoi Airteagal 20(4) a bheidh in iarraidh den chineál sin. Féadfaidh eisitheoir in aon chás, dá dheoin féin, leagan comhdhlúite den réamheolaire forlíonta, den doiciméad clárúcháin nó den doiciméad clárúcháin uilíoch a chur in iarscríbhinn a ghabhann leis an forlíonadh.

Forbróidh ÚEUM dréachtchaighdeáin theicniúla rialála chun cásanna a shonrú ina bhfágfadh ►C1  toisc nua tábhachtach ◄ , botún substainte nó míchruinneas substainte i dtaobh na faisnéise sa réamheolaire gur gá forlíonadh a fhoilsiú leis an réamheolaire.

Cuirfidh ÚEUM na dréachtchaighdeáin theicniúla rialála sin faoi bhráid an Choimisiúin faoin 21 Iúil 2018.

Déantar an chumhacht a tharmligean chuig an gCoimisiún na caighdeáin theicniúla rialála dá dtagraítear sa chéad fhomhír a ghlacadh i gcomhréir leis in Airteagal 10 go hAirteagal 14 de Rialachán (AE) Uimh. 1095/2010.

Forbróidh ÚEUM treoirlínte faoin 5 Meitheamh 2026 chun na himthosca a shonrú ina measfar go dtugtar isteach le forlíonadh cineál nua urrúis nach bhfuil tuairisc air cheana i réamheolaire bunaidh.