+Airteagal 24 Comhar idir údarás an Bhallstáit bhaile agus údaráis an Bhallstáit aíochta agus athbhreithniú piaraí
---+Airteagal 24 1.
---+Airteagal 24 2.
---+Airteagal 24 3.
---+Airteagal 24 5.
---+Airteagal 24 6.
---+Airteagal 24 8.

Airteagal 24 Comhar idir údarás an Bhallstáit bhaile agus údaráis an Bhallstáit aíochta agus athbhreithniú piaraí

1. Forbhreathnú

,
Airteagal 24 1.
I gcás ina mbeidh TLU atá údaraithe i mBallstát amháin tar éis brainse a chur ar bun i mBallstát eile, rachaidh údarás inniúil an Bhallstáit baile agus údarás inniúil an Bhallstáit aíochta i ndlúthchomhar lena chéile agus a gcuid dualgas dá bhforáiltear sa Rialachán seo á bhfeidhmiú acu, go háirithe agus cigireachtaí ar an láthair á ndéanamh acu sa bhrainse sin. Féadfaidh údarás inniúil an Bhallstáit bhaile agus údarás inniúil an Bhallstáit aíochta, agus na freagrachtaí atá orthu á bhfeidhmiú acu, cigireachtaí ar an láthair a dhéanamh sa bhrainse sin tar éis údarás inniúil an Bhallstáit bhaile nó údarás inniúil an Bhallstáit aíochta faoi seach a chur ar an eolas.

Féadfaidh údarás inniúil an Bhallstáit baile cuireadh a thabhairt do bhaill foirne ó údaráis inniúla na mBallstát aíochta agus ó ÚEUM páirt a ghlacadh i gcigireachtaí ar an láthair.

Déanfaidh údarás inniúil an Bhallstáit baile torthaí na gcigireachtaí ar an láthair agus aon fhaisnéis maidir le gníomhaíochtaí leasúcháin nó pionóis arna gcinneadh ag an údarás inniúil sin a tharchur chuig ÚEUM agus chuig an gcoláiste dá dtagraítear in Airteagal 24a.
Airteagal 24 2.
D’fhéadfadh údarás inniúil an Bhallstáit bhaile nó údarás inniúil an Bhallstáit aíochta a cheangal ar TLUanna a sholáthróidh seirbhísí i gcomhréir le hAirteagal 23 tuairisciú dóibh go tréimhsiúil maidir lena gcuid gníomhaíochtaí sna Ballstáit aíochta sin, lena n-áirítear chun críche staidreamh a bhailiú. Arna iarraidh sin ag údarás inniúil an Bhallstáit bhaile, tabharfaidh údarás inniúil an Bhallstáit aíochta na tuarascálacha tréimhsiúla sin d’údaráis inniúla an Bhallstáit bhaile.
Airteagal 24 3.
Cuirfidh údarás inniúil Bhallstát baile an TLU in iúl, arna iarraidh sin d’údarás inniúil an Bhallstáit aíochta agus gan mhoill, céannacht na n-eisitheoirí atá bunaithe sa Bhallstát aíochta agus na rannpháirtithe a shealbhaíonn ionstraimí airgeadais a bhunaítear faoi dhlí an Bhallstáit aíochta sna córais socraíochta urrús arna n-oibriú ag an TLU a sholáthraíonn croísheirbhísí dá dtagraítear i Roinn A, pointí 1 agus 2, den Iarscríbhinn i ndáil le hionstraimí airgeadais a bhunaítear faoi dhlí an Bhallstáit aíochta, agus aon fhaisnéis ábhartha eile maidir le gníomhaíochtaí TLU a sholáthraíonn croísheirbhísí sa Bhallstát aíochta trí bhrainse a chur in iúl.
Airteagal 24 5.
I gcás ina bhfuil forais shoiléire inléirithe ag údarás inniúil an Bhallstáit aíochta chun a chreidiúint go bhfuil TLU a sholáthraíonn seirbhísí laistigh dá chríoch i gcomhréir le hAirteagal 23 ag sárú na n-oibleagáidí a eascraíonn as forálacha an Rialacháin seo, cuirfidh sé na torthaí sin in iúl d’údarás inniúil an Bhallstáit baile, do ÚEUM agus don choláiste dá dtagraítear in Airteagal 24a.

I gcás ina leanann an TLU de ghníomhú de shárú ar na hoibleagáidí a eascraíonn as forálacha an Rialacháin seo, d’ainneoin na mbeart a rinne údarás inniúil an Bhallstáit baile, déanfaidh údarás inniúil an Bhallstáit aíochta, tar éis dó údarás inniúil an Bhallstáit baile a chur ar an eolas, na bearta iomchuí uile is gá chun a áirithiú go gcomhlíontar forálacha an Rialacháin seo laistigh de chríoch an Bhallstáit aíochta. Cuirfidh údarás inniúil an Bhallstáit aíochta ÚEUM agus an coláiste dá dtagraítear in Airteagal 24a ar an eolas faoi bhearta den sórt sin gan moill mhíchuí.

Féadfaidh údarás inniúil an Bhallstáit aíochta nó údarás inniúil an Bhallstáit baile an t-ábhar a tharchur chuig ÚEUM, a fhéadfaidh gníomhú i gcomhréir leis na cumhachtaí a thugtar dó faoi Airteagal 19 de Rialachán (AE) Uimh. 1095/2010.
Airteagal 24 6.
Gan dochar d’Airteagal 30 de Rialachán (AE) Uimh. 1095/2010 agus tar éis dó dul i gcomhairle le comhaltaí CEBC, eagróidh agus déanfaidh ÚEÚM, ar a laghad gach trí bliana, athbhreithniú piaraí ar an maoirseacht a dhéantar ar na TLUanna a bhaineann úsáid as an saoirse chun seirbhísí a sholáthar i mBallstát eile i gcomhréir le hAirteagal 23 nó a ghlacann páirt i nasc idir-inoibritheach.

I gcomhthéacs an athbhreithnithe piaraí dá dtagraítear sa chéad fhomhír, iarrfaidh ÚEÚM, i gcás inarb iomchuí, tuairimí nó comhairle ón nGrúpa Geallsealbhóirí um Urrús agus Margaí dá dtagraítear in Airteagal 37 de Rialachán (AE) Uimh. 1095/2010.
Airteagal 24 8.
Forbróidh ÚEÚM, i ndlúthchomhar le comhaltaí CEBC, dréachtchaighdeáin theicniúla cur chun feidhme d’fhonn foirmeacha caighdeánacha, teimpléid agus nósanna imeachta a bhunú don chomhar dá dtagraítear i mír 1, i mír 3 agus i mír 5.

Cuirfidh ÚEÚM na dréachtchaighdeáin theicniúla cur chun feidhme sin faoi bhráid an Choimisiúin laistigh de 18 Meitheamh 2015.

Tugtar an chumhacht don Choimisiún na caighdeáin theicniúla cur chun feidhme sin dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1095/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 17.01.2026 00:00:00 -Doknr: CELEX:32014R0909
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.