Airteagal 60 Maoirseacht ar institiúidí creidmheasa ainmnithe agus ar TLUanna a údarófar chun seirbhísí coimhdeacha de chineál baincéireachta a sholáthar

Beidh na húdaráis inniúla dá dtagraítear sa chéad fhomhír freagrach freisin as maoirseacht a dhéanamh ar institiúidí creidmheas ainmnithe agus as taisclainne dá dtagraítear san fhomhír sin maidir lena bhfuil na ceanglais stuamachta dá dtagraítear in Airteagal 59 den Rialachán seo á gcomhlíonadh acu.

Déanfaidh na húdaráis inniúla dá dtagraítear sa chéad fhomhír measúnú go tráthrialta, agus gach 2 bhliain ar a laghad, i dtaobh an bhfuil Airteagal 59 á chomhlíonadh ag an institiúid creidmheasa ainmnithe nó ag TLU atá údaraithe chun seirbhísí coimhdeacha de chineál baincéireachta a sholáthar agus cuirfidh siad údarás inniúil an TLU ar an eolas, agus ansin cuirfidh an t-údarás inniúil sin na húdaráis dá dtagraítear in Airteagal 55(4) agus, i gcás inarb infheidhme, an coláiste dá dtagraítear in Airteagal 24a ar an eolas, i ndáil leis na torthaí, lena n-áirítear aon ghníomhaíochtaí leasúcháin nó pionóis, a ghabhfaidh leis an maoirseacht a dhéanfaidh sé faoin mír sin.

Déanfaidh údarás inniúil an TLU torthaí a athbhreithnithe agus a mheastóireachta faoin mír seo, lena n-áirítear aon ghníomhaíochtaí leasúcháin nó pionóis, a chur in iúl go tráthrialta, agus gach 2 bhliain ar a laghad, do na húdaráis dá dtagraítear in Airteagal 55(4) agus, i gcás inarb infheidhme, don choláiste dá dtagraítear in Airteagal 24aghníomhaíochtaí leasúcháin.

I gcás ina n-ainmneoidh TLU institiúid creidmheasa i gcomhréir le hAirteagal 54, i bhfianaise chosaint na rannpháirtithe sna córais socraíochta urrús a oibreoidh sí, áiritheoidh TLU go mbeidh rochtain aici ón institiúid chreidmheasa a ainmneoidh sí ar gach faisnéis is gá chun críche an Rialacháin seo agus tabharfaidh sí tuairisc ar aon sáruithe ina leith chuig údarás inniúil na taisclainne lárnaí agus na húdaráis inniúla dá dtagraítear i mír 1.