+Airteagal 69 Forálacha idirthréimhseacha
---+Airteagal 69 1.
---+Airteagal 69 2.
---+Airteagal 69 3.
---+Airteagal 69 4.
---+Airteagal 69 4a.
---+Airteagal 69 4b.
---+Airteagal 69 4c.
---+Airteagal 69 5.
---+Airteagal 69 6.
---+Airteagal 69 7.
---+Airteagal 69 8.

Airteagal 69 Forálacha idirthréimhseacha

1. Forbhreathnú

,
Airteagal 69 1.
Cuirfidh na húdaráis inniúla in iúl do ÚEÚM na hinstitiúidí sin a oibreoidh mar TLUanna faoin 16 Nollaig 2014.
Airteagal 69 2.
Féachfaidh TLUanna le gach údarú a bheidh riachtanach chun críocha an Rialacháin seo a fháil agus tabharfar fógra do naisc ábhartha taisclainne lárnaí urrús laistigh de shé mhí ón dáta a dtiocfaidh na dréachtchaighdeán teicniúil rialála go léir arna nglacadh faoi Airteagail 17, 26, 45, 47, 48, agus, i gcás inarb iomchuí, faoi Airteagal 55, agus faoi Airteagal 59, i bhfeidhm.
Airteagal 69 3.
Laistigh de shé mhí ón dáta is déanaí a dtiocfaidh na dréachtchaighdeáin theicniúla rialála arna nglacadh faoi Airteagail 12, 17, 25, 26, 45, 47, 48, agus, i gcás inarb iomchuí, faoi Airteagal 55 agus faoi Airteagal 59 nó an cinneadh cur chun feidhme dá dtagraítear in Airteagal 25(9) i bhfeidhm, déanfaidh TLU de chuid tríú tír iarratas ar aitheantas ó ÚEÚM ina mbeidh sé i gceist aici a seirbhísí a sholáthar ar bhonn Airteagal 25.
Airteagal 69 4.
Leanfaidh na rialacha náisiúnta maidir le húdarú TLUnna d’fheidhm a bheith acu go dtí an dáta a dhéanfar cinneadh faoin Rialachán seo maidir le húdarú TLUnna agus a gcuid gníomhaíochtaí, lena n-áirítear naisc idir TLUnna, nó go dtí an 17 Eanáir 2025, cibé acu is túisce.
Airteagal 69 4a.
Leanfaidh na rialacha náisiúnta maidir le haithint TLUnna tríú tír d’fheidhm a bheith acu go dtí an dáta a dhéanfar cinneadh faoin Rialachán seo maidir le haithint na TLUnna tríú tír agus a gcuid gníomhaíochtaí, nó go dtí an 17 Eanáir 2027, cibé acu is túisce.

Maidir le TLU tríú tír a sholáthraíonn na croísheirbhísí dá dtagraítear i Roinn A, pointí 1 agus 2, den Iarscríbhinn i ndáil le hionstraimí airgeadais a bhunaítear faoi dhlí Ballstáit dá dtagraítear in Airteagal 49(1), an dara fomhír, de bhun na rialacha náisiúnta is infheidhme maidir le haithint TLUnna tríú tír, tabharfaidh sé fógra do ÚEUM faoi sin laistigh de 2 bhliain ón 16 Eanáir 2024.

Forbróidh ÚEUM dréachtchaighdeáin theicniúla rialála chun an fhaisnéis a shonrú a cheanglaítear ar TLU tríú tír a sholáthar do ÚEUM san fhógra dá dtagraítear sa dara fomhír. Beidh faisnéis den sórt sin teoranta don mhéid atá fíor-riachtanach lena n-áirítear, i gcás inarb infheidhme agus ina bhfuil sé ar fáil, an méid seo a leanas:

(a) 

líon na rannpháirtithe dá soláthraíonn an TLU tríú tír na seirbhísí dá dtagraítear sa dara fomhír nó a bhfuil sé beartaithe ag an TLU tríú tír na seirbhísí sin a sholáthar dóibh;

(b) 

na catagóirí d’ionstraimí airgeadais ar ina leith a sholáthraíonn an TLU tríú tír seirbhísí den sórt sin; agus

(c) 

méid iomlán agus luach iomlán ionstraimí airgeadais den sórt sin.

Cuirfidh ÚEUM na dréachtchaighdeáin theicniúla rialála sin faoi bhráid an Choimisiúin faoin 17 Eanáir 2025.

Tarmligtear an chumhacht chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.
Airteagal 69 4b.
Maidir le TLU tríú tír a sholáthair an chroísheirbhís dá dtagraítear i Roinn A, pointe 3, den Iarscríbhinn i ndáil le hionstraimí airgeadais a bhunaítear faoi dhlí Ballstáit dá dtagraítear in Airteagal 49(1), an dara fomhír, roimh an 17 Eanáir 2026, tíolacfaidh sé an fógra dá dtagraítear in Airteagal 25(2a) faoin 17 Eanáir 2026.
Airteagal 69 4c.
I gcás ina bhfuil TLU tar éis iarratas iomlán ar aitheantas a thíolacadh i gcomhréir le hAirteagal 25(4), (5) agus (6) roimh an 16 Eanáir 2024 ach nach bhfuil ÚEUM tar éis cinneadh a eisiúint i gcomhréir le hAirteagal 25(6) faoin dáta sin, leanfaidh na rialacha náisiúnta maidir le haithint TLUnna d’fheidhm a bheith acu go dtí go n-eiseofar an cinneadh ó ÚEUM.
Airteagal 69 5.
Comhlíonfaidh na TLUanna a oibreoidh na heintitis dá dtagraítear in Airteagal 1(4) ceanglais an Rialacháin seo laistigh de bhliain amháin ón dáta a dtiocfaidh na caighdeáin theicniúla rialála dá dtagraítear i mír 2 i bhfeidhm.
Airteagal 69 6.
Leanfaidh an gníomh tarmligthe a ghlactar de bhun Airteagal 7(14) de réir mar is infheidhme roimh an 16 Eanáir 2024 d’fheidhm a bheith aige go dtí dáta chur i bhfeidhm an ghnímh tharmligthe a ghlactar de bhun Airteagal 7(5).

Leanfaidh an gníomh tarmligthe a ghlactar de bhun Airteagal 7(15), pointí (a), (b) agus (g), de réir mar is infheidhme roimh an 16 Eanáir 2024 d’fheidhm a bheith aige go dtí dáta chur i bhfeidhm an ghnímh tharmligthe a ghlactar de bhun Airteagal 7(10).
Airteagal 69 7.
Bunóidh na húdaráis inniúla coláistí de bhun Airteagal 24a laistigh de 1 mhí amháin ó dháta theacht i bhfeidhm na gcaighdeán teicniúil rialála a ghlactar faoi Airteagal 24a(13).
Airteagal 69 8.

Ní bheidh TLU, i mBallstát eile, a sholáthair croísheirbhísí dá dtagraítear i Roinn A, pointí 1 agus 2, den Iarscríbhinn, nó a chuir brainse ar bun i gcomhréir le hAirteagal 23 de réir mar is infheidhme roimh an 16 Eanáir 2024 faoi réir an nós imeachta a leagtar amach in Airteagal 23(3) go (6) ach amháin i ndáil leis na nithe seo a leanas:

(a) 

brainse nua a chur ar bun;

(b) 

athrú ar raon na seirbhísí sin.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 17.01.2026 00:00:00 -Doknr: CELEX:32014R0909
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.