Airteagal 48 Ceapachán agus cúraimí

Déanfaidh Cathaoirleach, a bheidh ina ghairmí neamhspleách lánaimseartha, ionadaíocht thar ceann an Údaráis.

▼M3

Is é an Cathaoirleach a bheidh freagrach as obair an Bhoird Maoirseoirí a ullmhú, lena n-áirítear an clár oibre a bheidh le glacadh ag an mBord Maoirseoirí a shocrú, na cruinnithe a thionól agus na hítimí a bhfuiltear le cinneadh a dhéanamh fúthu a chur síos, agus beidh sé ina chathaoirleach ar chruinnithe an Bhoird Maoirseoirí.

Is é an Cathaoirleach a bheidh freagrach as clár oibre an Bhoird Bainistíochta a shocrú, ar clár oibre é a bheidh le glacadh ag an mBord Bainistíochta, agus beidh sé ina chathaoirleach ar chruinnithe an Bhoird Bainistíochta.

Féadfaidh an Cathaoirleach a iarraidh ar an mBord Bainistíochta féachaint ar ghrúpa comhordaithe i gcomhréir le hAirteagal 45b a bhunú.

Roghnófar an Cathaoirleach ar bhonn fiúntais, scileanna agus eolas ar institiúidí airgeadais agus ar mhargaí airgeadais agus ar bhonn taithí atá ábhartha maidir le maoirseacht agus rialáil airgeadais, tar éis nós imeachta roghnúcháin oscailte a urramóidh prionsabal na cothromaíochta inscne agus foilseofar in Iris Oifigiúil an Aontais Eorpaigh é. Déanfaidh an Bord Maoirseoirí gearrliosta a tharraingt suas de na hiarrthóirí atá cáilithe do phost an Chathaoirligh, le tabhairt don Bhord Maoirseoirí le cúnamh ón gCoimisiún. Glacfaidh an Chomhairle cinneadh, agus é bunaithe ar an ngearrliosta chun an Cathaoirleach a cheapadh, tar éis deimhniú ó Pharlaimint na hEorpa.

Cúig bliana a bheidh i dtéarma oifige an Chathaoirligh agus féadfar an téarma sin a fhadú uair amháin.

Le linn na naoi mí roimh dheireadh théarma oifige cúig bliana an Chathaoirligh, déanfaidh an Bord Maoirseoirí meastóireacht ar an méid seo a leanas:

▼M3

Chun críche na meastóireachta dá dtagraítear sa chéad fhomhír, is é an Leaschathaoirleach a dhéanfaidh cúraimí an Chathaoirligh.

Ag gníomhú di ar thogra ón mBord Maoirseoirí agus le cúnamh ón gCoimisiún, agus an mheastóireacht dá dtagraítear sa chéad fhomhír á cur san áireamh, féadfaidh an Chomhairle síneadh a chur le téarma oifige an Cathaoirligh uair amháin.

Ní fhéadfar an Cathaoirleach a chur as oifig ach amháin ar fhorais thromchúiseacha. Ní fhéadfaidh ach Parlaimint na hEorpa é nó í a chur as oifig tar éis cinneadh ón gComhairle arna ghlacadh tar éis dul i gcomhairle leis an mBord Maoirseoirí.