Airteagal 27da 2.

cumas teicniúil an iarratasóra teilitéip chomhdhlúite athléimneach a sholáthar ar fud an Aontais;

cumas an iarratasóra na ceanglais eagraíochtúla a leagtar síos in Airteagal 27h a chomhlíonadh;

cumas an iarratasóra sonraí an méid seo a leanas a fháil, a chomhdhlúthú agus a scaipeadh, de réir mar is infheidhme:

leordhóthanacht struchtúr rialachais an iarratasóra;

an luas ar ar féidir leis an iarratasóir croí-shonraí margaidh agus sonraí rialála a scaipeadh;

oiriúnacht mhodhanna agus shocruithe an iarratasóra chun cáilíocht sonraí a áirithiú;

an caiteachas iomlán a theastaíonn ón iarratasóir chun an teilitéip chomhdhlúite a fhorbairt agus na costais a bhaineann leis an teilitéip chomhdhlúite a oibriú ar bhonn leanúnach;

leibhéal na dtáillí a bheartaíonn an t-iarratasóir a ghearradh ar chineálacha éagsúla úsáideoirí na teilitéipe comhdhlúite, simplíocht a tháillí agus a shamhlacha ceadúnaithe, agus comhlíonadh Airteagal 13;

maidir leis an teilitéip chomhdhlúite le haghaidh bannaí, socruithe a bheith ann maidir le hathdháileadh ioncaim i gcomhréir le hAirteagal 27h(5);

an úsáid a bhaineann an t-iarratasóir as teicneolaíochtaí comhéadain nua-aimseartha le haghaidh scaipeadh croí-shonraí margaidh agus sonraí rialála agus le haghaidh nascachta;

oiriúnacht na socruithe a chuir an t-iarratasóir i bhfeidhm chun taifid a choimeád i gcomhréir le hAirteagal 27 ha(3);

cumas an iarratasóra athléimneacht agus leanúnachas gnó a áirithiú, agus na socruithe a bhfuil sé beartaithe ag an iarratasóir iad a chur i bhfeidhm chun éarthaí agus cibir-riosca a mhaolú agus aghaidh a thabhairt orthu;

na socruithe a bhfuil sé beartaithe ag an iarratasóir iad a chur i bhfeidhm chun an tomhaltas fuinnimh a ghintear trí bhailiú, próiseáil agus stóráil sonraí a mhaolú;

i gcás ina gcuireann comhiarratasóirí iarratas isteach, an gá atá ann, ó thaobh na hacmhainneachta teicniúla agus lóistíochta de, go ndéanfadh gach iarratasóir iarratas go comhpháirteach.