Airteagal 27h Raon feidhme agus sainmhínithe

trína n-aistríonn cuideachta amháin nó níos mó, ar í nó iad a dhíscaoileadh gan dul faoi leachtú, a sócmhainní agus a ndliteanais uile nó codanna díobh chuig cuideachta eile atá ann cheana, an chuideachta éadála, mar mhalairt ar urrúis nó scaireanna a eisiúint chuig a gcomhaltaí arb ionann iad agus caipiteal na cuideachta éadála sin agus, i gcás inarb infheidhme, íocaíocht in airgead tirim nach mó ná 10 % den luach ainmniúil mura sonraítear a mhalairt sa dlí náisiúnta is infheidhme, nó, in éagmais luach ainmniúil, de pharluach cuntasaíochta na scaireanna nó na n-urrús sin;

trína n-aistríonn cuideachta amháin nó níos mó cuideachtaí, ar í nó iad a dhíscaoileadh gan dul faoi leachtú, a sócmhainní uile agus a dliteanais uile nó a ndliteanais uile nó codanna díobh chuig cuideachta eile atá ann cheana, an chuideachta éadála, gan eisiúint aon urrúis nua ná aon scaireanna nua ag an gcuideachta éadála, ar choinníoll go bhfuil seilbh go díreach nó go hindíreach ag duine amháin ar na hurrúis agus scaireanna uile sna cuideachtaí atá ag cumasc nó go bhfuil seilbh ag comhaltaí na gcuideachtaí atá ag cumasc de réir an chion chéanna i ngach ceann de na cuideachtaí atá ag cumasc;

trína n-aistríonn dhá chuideachta nó níos mó, ar iad a dhíscaoileadh gan dul faoi leachtú, a sócmhainní agus dliteanais uile nó codanna díobh chuig cuideachta a fhoirmíonn siad, an chuideachta nua, mar mhalairt ar urrúis nó scaireanna a eisiúint chuig a gcomhaltaí arb ionann iad agus caipiteal na cuideachta nua sin agus, i gcás inarb infheidhme, íocaíocht in airgead tirim nach mó ná 10 % den luach ainmniúil mura sonraítear a mhalairt sa dlí náisiúnta is infheidhme, nó, in éagmais luach ainmniúil, de pharluach cuntasaíochta na scaireanna nó na n-urrús sin;

trína n-aistríonn cuideachta, ar í a dhíscaoileadh gan dul faoi leachtú, a sócmhainní agus dliteanais uile nó codanna díobh chuig an gcuideachta a bhfuil na hurrúis nó na scaireanna uile ina seilbh aici arb ionann iad agus a caipiteal;

oibríocht trína n-aistríonn cuideachta, tar éis a foirceanta gan dul faoi leachtú, a sócmhainní agus a dliteanais uile chuig níos mó ná cuideachta amháin mar mhalairt ar urrúis nó scaireanna sna cuideachtaí a fhaigheann ranníocaíochtaí mar gheall ar an deighilt a leithdháileadh ar scairshealbhóirí na cuideachta atá á deighilt agus, i gcás inarb infheidhme, íocaíocht in airgead tirim nach mó ná 10 % den luach ainmniúil mura sonraítear a mhalairt sa dlí náisiúnta is infheidhme, nó, in éagmais luach ainmniúil, de pharluach cuntasaíochta na na n-urrús nó na scaireanna sin;

oibríocht trína n-aistríonn cuideachta, tar éis a foirceanta gan dul faoi leachtú, a sócmhainní agus dliteanais uile chuig níos mó ná cuideachta nua amháin, mar mhalairt ar urrúis nó scaireanna sna cuideachtaí is faighteoirí a dháileadh ar scairshealbhóirí na cuideachta atá á deighilt agus, i gcás inarb infheidhme, íocaíocht in airgead tirim nach mó ná 10 % den luach ainmniúil mura sonraítear a mhalairt sa dlí náisiúnta is infheidhme, nó, in éagmais luach ainmniúil, de pharluach cuntasaíochta na n-urrús nó na scaireanna sin;

oibríocht arb é atá inti meascán de na hoibríochtaí a dtugtar tuairisc orthu faoi phointí (a) agus (b);

oibríocht trína n-aistríonn cuideachta atá á deighilt cuid dá sócmhainní agus dá dliteanais chuig cuideachta is faighteoirí amháin nó níos mó mar mhalairt ar urrúis nó scaireanna sna cuideachtaí is faighteoirí, nó sa chuideachta atá á deighilt, nó sna cuideachtaí is faighteoirí agus sa chuideachta atá á deighilt araon, a eisiúint chuig comhaltaí na cuideachta atá á deighilt agus, i gcás inarb infheidhme, íocaíocht in airgead tirim nach mó ná 10 % den luach ainmniúil mura sonraítear a mhalairt sa dlí náisiúnta is infheidhme nó, in éagmais luach ainmniúil, de pharluach cuntasaíochta na n-urrús nó na scaireanna sin;

oibríocht trína n-aistríonn cuideachta atá á deighilt cuid dá sócmhainní agus dá dliteanais chuig cuideachta is faighteoir amháin nó níos mó mar mhalairt ar urrúis nó scaireanna sna cuideachtaí is faighteoirí a eisiúint chuig cuideachta atá á ndeighilt.