Article 104 1.

a chur de cheangal ar institiúidí cistí dílse breise a bheith acu os cionn na gceanglas a leagtar amach i Rialachán (AE) Uimh. 575/2013, faoi na coinníollacha a leagtar amach in Airteagal 104a den Treoir seo;

a chur de cheangal orthu socruithe, próisis, sásraí agus straitéisí a dhaingniú a chuirtear i bhfeidhm i gcomhréir le hAirteagail 73 agus 74;

ceanglaítear ar institiúidí plean a chur isteach chun comhlíonadh na gceanglas maoirseachta de bhun na Treorach seo agus Rialachán (AE) Uimh. 575/2013 a thabhairt ar ais agus spriocdháta a leagan síos chun an plean a chur chun feidhme, lena n-áirítear feabhsuithe ar an bplean sin maidir leis an raon feidhme agus an spriocdháta;

ceanglaítear ar institiúidí beartas soláthair ar leith nó láimhseáil sócmhainní i dtéarmaí ceanglas cistí dílse a chur i bhfeidhm;

an gnó a shrianadh nó a theorannú, lena n-áirítear maidir le taiscí a ghlacadh, na hoibríochtaí nó líonra na n-institiúidí nó chun dífheistiú a iarraidh maidir le gníomhaíochtaí lena ngabhann rioscaí iomarcacha d’fhóntacht na hinstitiúide;

ceanglaítear ar institiúidí laghdú a dhéanamh ar an riosca a bhaineann le gníomhaíochtaí, táirgí agus córais institiúidí, lena n-áirítear gníomhaíochtaí seachfhoinsithe;

ceanglaítear ar institiúidí luach saothair inathraitheach mar chéatadán de ghlanioncaim a shrianadh i gcás ina mbeidh sé ar neamhréir le bonn caipitil fónta a chaomhnú;

ceanglaítear ar institiúidí glanbhrabúis a úsáid chun na cistí dílse a threisiú;

dáileacháin nó íocaíochtaí úis arna ndéanamh ag institiúid do scairshealbhóirí, do chomhaltaí nó do shealbhóirí ionstraimí Breise Leibhéal 1 a shrianadh nó iad a thoirmeasc i gcás nach ionann an toirmeasc sin agus mainneachtain na hinstitiúide;

ceanglais maidir le tuairisciú breise nó tuairisciú níos minice a fhorchur, lena n-áirítear tuairisciú ar chistí dílse, ar leachtacht agus ar luamhánú;

ceanglais leachtachta shonracha a fhorchur, lena n-áirítear srianta ar neamhréireanna aibíochta idir sócmhainní agus dliteanais;

nochtaí breise a cheangal;

ceangal a chur ar institiúidí na rioscaí a thagann chun cinn sa ghearrthéarma, sa mheántéarma agus san fhadtéarma ó thosca CSR a laghdú, lena n-áirítear iad siúd a eascraíonn as próiseas an choigeartaithe agus as na treochtaí aistrithe i gcomhthéacs chuspóirí ábhartha dlíthiúla agus rialála an Aontais, na mBallstát nó tríú tíortha, trí choigeartuithe ar a straitéisí gnó, ar a rialachas agus ar a mbainistíocht riosca a bhféadfaí atreisiú ar na spriocanna, na bearta agus na gníomhaíochtaí a áirítear ina bpleananna atá le hullmhú i gcomhréir le hAirteagal 76(2) a iarraidh ina leith;

a cheangal ar institiúidí tástáil struis nó anailís cásanna a dhéanamh chun measúnú a dhéanamh ar rioscaí a eascraíonn as neamhchosaintí cripteashócmhainní agus as seirbhísí cripteashócmhainní a sholáthar.

a cheangal ar institiúidí, i gcás ina measann an t-údarás inniúil go bhfuil riosca comhchruinnithe iomarcach ag eascairt as neamhchosaintí i leith contrapháirtí lárnach, neamhchosaintí i leith an chontrapháirtí lárnaigh sin a laghdú nó neamhchosaintí a athailíniú ar fud a gcuntas imréitigh i gcomhréir le hAirteagal 7a de Rialachán (AE) Uimh. 648/2012.