Faoi réir chomhlíonadh dhlí iomaíochta an Aontais agus Rialacháin (AE) Uimh. 648/2012 (
7
) agus (AE) Uimh. 600/2014 (
8
) ó Pharlaimint na hEorpa agus ón gComhairle agus Threoir 2014/65/AE, féadfaidh oibreoirí margaidh táirgí fálaithe todhchaíochta a fhorbairt, lena n-áirítear táirgí fálaithe todhchaíochta fadtéarmacha, chun deiseanna iomchuí a sholáthar do rannpháirtithe sa mhargadh, lena n-áirítear úinéirí saoráidí giniúna cumhachta ina n-úsáidtear foinsí fuinnimh in-athnuaite, chun rioscaí airgeadais a eascraíonn as luaineachtaí ar phraghsanna a fhálú. Ní cheanglóidh na Ballstáit go bhféadfaidh na gníomhaíochtaí fálaithe sin a bheith teoranta do thrádálacha laistigh de Bhallstát nó laistigh de chrios tairisceana.