Airteagal 8 4

(a)

bearta coisctheacha a shainiú agus a chur chun feidhme sna dobharcheantair do phointí astarraingthe de bhreis ar na bearta dá bhforáiltear nó a glacadh i gcomhréir le pointe (d) d’Airteagal 11(3) de Threoir 2000/60/CE, i gcás ina gceanglaítear sin chun cáilíocht an uisce atá beartaithe lena thomhailt ag an duine a chosaint; i gcás inarb iomchuí, cuirfear na bearta coisctheacha sin san áireamh sna cláir beart dá dtagraítear in Airteagal 11 den Treoir sin; i gcás inarb iomchuí, áiritheoidh na Ballstáit go nglacfaidh na truaillitheoirí, i gcomhar le soláthróirí uisce agus le geallsealbhóirí ábhartha eile, bearta coisctheacha den sórt sin i gcomhréir le Treoir 2000/60/CE;

(b)

bearta maolaitheacha a shainiú agus a chur chun feidhme sna dobharcheantair do phointí astarraingthe de bhreis ar na bearta dá bhforáiltear nó a glacadh i gcomhréir le pointe (d) d’Airteagal 11(3) de Threoir 2000/60/CE, i gcás ina gceanglaítear sin chun cáilíocht an uisce atá beartaithe lena thomhailt ag an duine a chosaint; i gcás inarb iomchuí, cuirfear na bearta maolaitheacha sin san áireamh sna cláir beart dá dtagraítear in Airteagal 11 den Treoir sin; i gcás inarb iomchuí, áiritheoidh na Ballstáit go nglacfaidh na truaillitheoirí, i gcomhar le soláthróirí uisce agus le geallsealbhóirí ábhartha eile, bearta maolaitheacha den sórt sin i gcomhréir le Treoir 2000/60/CE;

(c)

faireachán iomchuí ar pharaiméadair, substaintí nó truailleáin in uisce dromchla nó screamhuisce, nó sa dá rud, a áirithiú sna dobharcheantair do phointí astarraingthe, nó in amhuisce, a d’fhéadfadh a bheith ina riosca do shláinte an duine trí thomhaltas uisce nó a bhféadfadh meath doghlactha ar cháilíocht an uisce atá beartaithe lena thomhailt ag an duine teacht as agus nár cuireadh san áireamh san fhaireachán a rinneadh i gcomhréir le hAirteagail 7 agus 8 de Threoir 2000/60/CE; i gcás inarb iomchuí, cuirfear an faireachán sin san áireamh sna cláir faireacháin dá dtagraítear in Airteagal 8 den Treoir sin;

(d)

meastóireacht ar an ngá criosanna faoi choimirce a bhunú nó a oiriúnú do screamhuisce nó uisce dromchla, dá dtagraítear in Airteagal 7(3) de Threoir 2000/60/CE, chomh maith le haon chrios ábhartha eile.