Airteagal 18 Faisnéis maidir leis an bhfaireachán ar chur chun feidhme

(a)

tacar sonraí a bhunú faoin 12 Eanáir 2029, agus a thabhairt cothrom le dáta gach 6 bliana ina dhiaidh sin, ina bhfuil faisnéis faoi na bearta a glacadh chun rochtain ar uisce atá beartaithe lena thomhailt ag an duine a fheabhsú agus úsáid an uisce sin a chur chun cinn i gcomhréir le hAirteagal 16, agus faoin sciar den daonra a bhfuil rochtain aige ar uisce atá beartaithe lena thomhailt ag an duine; ní áirítear uisce a chuirtear i mbuidéil nó coimeádáin leis sin;

(b)

tacar sonraí a bhunú faoin 12 Iúil 2027, agus a thabhairt cothrom le dáta gach 6 bliana ina dhiaidh sin, ina bhfuil faisnéis a bhaineann leis an measúnú riosca agus an bainistiú riosca ar na dobharcheantair do phointí astarraingthe arna ndéanamh i gcomhréir le hAirteagal 8, agus tacar sonraí a bhunú faoin 12 Eanáir 2029, agus a thabhairt cothrom le dáta gach 6 bliana ina dhiaidh sin, ina bhfuil faisnéis a bhaineann leis an measúnú riosca ar na córais dáileacháin baile arna ndéanamh i gcomhréir le hAirteagal 10, lena n-áirítear na heilimintí seo a leanas:

(c)

tacar sonraí a bhunú, agus a thabhairt cothrom le dáta ar bhonn bliantúil ina dhiaidh sin, ina bhfuil na torthaí ar an bhfaireachán, i gcásanna sáruithe ar na luachanna paraiméadracha a leagtar amach i gCodanna A agus B d’Iarscríbhinn I, a bailíodh i gcomhréir le hAirteagail 9 agus 13 agus faisnéis faoi na gníomhaíochtaí feabhais a rinneadh i gcomhréir le hAirteagal 14;

(d)

tacar sonraí a bhunú, agus a thabhairt cothrom le dáta ar bhonn bliantúil ina dhiaidh sin, ina bhfuil faisnéis faoi theagmhais maidir le huisce atá beartaithe lena thomhailt ag an duine a bhí ina gcúis le riosca a d’fhéadfadh a bheith ann do shláinte an duine, gan beann ar aon mhainneachtain na luachanna paraiméadracha a chomhlíonadh, agus a mhair níos faide ná 10 lá i ndiaidh a chéile agus a rinne difear do 1 000 duine ar a laghad, lena n-áirítear na cúiseanna leis na teagmhais sin agus na gníomhaíochtaí feabhais a rinneadh i gcomhréir le hAirteagal 14; agus

(e)

tacar sonraí a bhunú, agus a thabhairt cothrom le dáta ar bhonn bliantúil ina dhiaidh sin, ina bhfuil faisnéis faoi gach maolú a deonaíodh i gcomhréir le hAirteagal 15(1), lena n-áirítear an fhaisnéis dá bhforáiltear in Airteagal 15(2).