Airteagal 11 Faisnéis a bhaineann le faireachán a dhéanamh ar an gcur chun feidhme

1.   Gan dochar do Threoracha 2003/4/CE agus 2007/2/CE, i gcás na mBallstát ina n-úsáidtear uisce athshlánaithe le haghaidh uisciú talmhaíochta mar a shonraítear i Roinn 1 d’Iarscríbhinn I a ghabhann leis an Rialachán seo, déanfaidh siad an méid seo a leanas le cabhair ón nGníomhaireacht Eorpach Chomhshaoil:

2.   Áiritheoidh na Ballstáit go mbeidh rochtain ar na tacair sonraí dá dtagraítear i mír 1 ag an gCoimisiún, ag an nGníomhaireacht Eorpach Chomhshaoil agus ag an Lárionad Eorpach um Ghalair a Chosc agus a Rialú.

3.   Ar bhonn na dtacar sonraí dá dtagraítear i mír 1, déanfaidh an Ghníomhaireacht Eorpach Chomhshaoil, i gcomhairle leis na Ballstáit, ar bhonn rialta nó tar éis iarraidh a fháil ón gCoimisiún, forléargas uile-Aontais a tharraingt suas, a fhoilsiú agus a uasdátú. Áireofar san fhorléargas sin, de réir mar is iomchuí, táscairí d’aschuir, do thorthaí agus do thionchair an Rialacháin seo, léarscáileanna, agus tuarascálacha Ballstát.

4.   Féadfaidh an Coimisiún, trí bhíthin gníomhartha cur chun feidhme, rialacha mionsonraithe a leagan síos maidir le formáid agus cur i láthair na faisnéise atá le soláthar i gcomhréir le mír 1 chomh maith leis na rialacha mionsonraithe maidir le formáid agus cur i láthair an fhorléargais uile-Aontais dá dtagraítear i mír 3. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 14.

5.   Faoin 26 Meitheamh 2022, déanfaidh an Coimisiún, i gcomhairle leis na Ballstáit, treoirlínte a bhunú chun tacú le cur i bhfeidhm an Rialacháin seo.