|
+IARSCRÍBHINN IV |
IARSCRÍBHINN IV
IARSCRÍBHINN IV CEANGLAIS FEIDHMÍOCHTA LEICTRICEIMICÍ AGUS MHARTHANACHTA MAIDIR LE CEALLRAÍ LMT, CEALLRAÍ TIONSCLAÍOCHA AG A BHFUIL TOILLEADH NÍOS MÓ NÁ 2 KWH AGUS CEALLRAÍ FEITHICLÍ LEICTREACHA Chun críocha na hIarscríbhinne seo, tá feidhm ag na sainmhínithe seo a leanas:
(1)
ciallaíonn “toilleadh rátaithe” líon iomlán na n-aimpéaruaireanta (Ah) is féidir a tharraingt siar ó cheallra lánluchtaithe faoi dhálaí tagartha.
(2)
ciallaíonn “meathlú toillte” an laghdú le himeacht aimsire agus de bharr úsáide a thagann ar an méid luchtaithe atá ceallra in ann a sheachadadh ag an voltas rátaithe, i dtaca leis an toilleadh rátaithe bunaidh.
(3)
ciallaíonn “cumhacht” an méid fuinnimh atá ceallra in ann a sholáthar thar thréimhse ar leith faoi dhálaí tagartha.
(4)
ciallaíonn “meathlú cumhachta” an laghdú le himeacht aimsire agus de bharr úsáide a thagann ar an méid cumhachta is féidir le ceallra a sholáthar ag an voltas rátaithe.
(5)
ciallaíonn “fritotaíocht inmheánach” mar a chuirtear in aghaidh sreabhadh srutha laistigh de cheall nó ceallra faoi dhálaí tagartha, arb é atá ann, suim na friotaíochta leictreonaice agus na friotaíochta ianaí leis an rannchuidiú don fhriotaíocht éifeachtach iomlán lena n-áirítear airíonna ionduchtacha/toilleasacha.
(6)
ciallaíonn “éifeachtúlacht fuinnimh dé-aistir” an cóimheas den ghlanfhuinneamh a sheachadann ceallra i rith tástáil díluchtaithe don fhuinneamh iomlán a éilítear chun an staid luchtaithe tosaigh a thabhairt ar ais trí ghnáthluchtú. Cuid A Paraiméadair a bhaineann le feidhmíocht leictriceimiceach agus marthanacht 1. Toilleadh rátaithe (in Ah) agus meathlú toillte (in %). 2. Cumhacht (in W) agus meathlú cumhachta (in %). 3. Friotaíocht inmheánach (in Ω) agus méadú sa fhriotaíocht inmheánach (in %). 4. I gcás inarb infheidhme, éifeachtúlacht fuinnimh dé-aistir agus a mheathlú (in %). 5. Saolré ionchasach an cheallra faoi na dálaí tagartha dar dearadh é, i dtéarmaí timthriallta, ach amháin i gcás feidhmeanna neamh-thimthriallacha agus blianta féilire. Cuid B Eilimintí chun míniú a thabhairt ar na tomhais le haghaidh na bparaiméadar a liostaítear i gCuid A 1. An ráta díluchtaithe agus an ráta luchtaithe atá i bhfeidhm. 2. An cóimheas idir an chumhacht ainmniúil ceallraí (W) agus fuinneamh ceallraí (Wh). 3. Doimhneacht an díluchtaithe sa tástáil saolré. 4. Toilleadh cumhachta ag staid luchtaithe 80 % agus 20 %. 5. Aon ríomhanna arna ndéanamh leis na paraiméadair thomhaiste, más infheidhme. 1. Forbhreathnú
1.1 Tagairtí1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|