Airteagal 22 Doiciméad comhlíontachta FuelEU

1.   Faoin 30 Meitheamh den tréimhse fíorúcháin, eiseoidh an fíoraitheoir doiciméad comhlíontachta FuelEU le haghaidh na loinge lena mbaineann, ar choinníoll nach bhfuil easnamh comhlíontachta ar an long, tar éis chur i bhfeidhm Airteagail 20 agus 21, nár thug an long cuairteanna neamhchomhlíontacha ar chalafoirt agus go gcomhlíonann sí an oibleagáid a leagtar amach in Airteagal 24.

2.   I gcás ina bhfuil pionóis FuelEU dá dtagraítear in Airteagal 23(2) nó 23(5) dlite, déanfaidh údarás inniúil an Stáit riaracháin, faoin 30 Meitheamh den tréimhse fíorúcháin, doiciméad comhlíontachta FuelEU a eisiúint don long lena mbaineann, ar choinníoll gur íocadh méid atá comhionann leis na pionóis FuelEU.

3.   Beidh an fhaisnéis seo a leanas sa doiciméad comhlíontachta FuelEU:

4.   Maidir leis an doiciméad comhlíontachta FuelEU, beidh sé bailí ar feadh thréimhse 18 mí i ndiaidh dheireadh na tréimhse tuairiscithe nó go dtí go n-eiseofar doiciméad comhlíontachta nua FuelEU, cibé acu a tharlaíonn is túisce.

5.   Déanfaidh an fíoraitheoir nó, i gcás inarb infheidhme, údarás inniúil an Stáit riaracháin an doiciméad comhlíontachta eisithe FuelEU a thaifeadadh i mbunachar sonraí FuelEU gan mhoill.

6.   Glacfaidh an Coimisiún gníomhartha cur chun feidhme lena mbunófar samhlacha le haghaidh an doiciméid comhlíontachta FuelEU, lena n-áirítear teimpléid leictreonacha. Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 29(2).