Airteagal 2 Sainmhínithe

ciallaíonn ‘cuideachta’ eintiteas dlíthiúil, atá ionchorpraithe mar cheann de na cineálacha cuideachtaí a liostaítear in Iarscríbhinn II a ghabhann le Treoir (AE) 2017/1132, a fhéadfaidh, faoin dlí náisiúnta, scaireanna a eisiúint agus a iarraidh go ligfí isteach a scaireanna chun a dtrádála ar MTF;

ciallaíonn ‘scair ilvóta’ nó ‘MVS’ scair d’aicme scaireanna ar leith agus ar leithligh ina ngabhann níos mó vótaí in aghaidh na scaire leis na scaireanna ná a ghabhann le haicme eile scaireanna ag a bhfuil cearta vótála maidir le hábhair atá le cinneadh ag cruinniú ginearálta na scairshealbhóirí;

ciallaíonn ‘struchtúr scair ilvóta’ nó ‘struchtúr MVS’ an struchtúr scaireanna de chuid cuideachta ina bhfuil aon aicme amháin scaireanna ilvótaí ar a laghad;

ciallaíonn ‘margadh rialáilte’ margadh rialáilte mar a shainmhínítear in Airteagal 4(1), pointe (21), de Threoir 2014/65/AE;

ciallaíonn ‘saoráid trádála iltaobhach’ nó ‘MTF’ saoráid trádála iltaobhach mar a shainmhínítear in Airteagal 4(1) pointe (22), de Threoir 2014/65/AE;

ciallaíonn ‘margadh fáis FBManna’ margadh fáis FBManna mar a shainmhínítear in Airteagal 4(1), pointe (12), de Threoir 2014/65/AE.