Airteagal 8
Oibleagáidí eile le haghaidh ardáin cíosa ghearrthéarma ar líne
Tar éis d’ardáin cíosa ghearrthéarma ar líne an fhaisnéis dá dtagraítear in Airteagal 7(1), pointe (a), a fháil agus sula gceadófar don óstach lena mbaineann a sheirbhísí a úsáid, déanfaidh na hardáin a ndícheall trí úsáid a bhaint as na liostaí arna gcur ar fáil de bhun Airteagal 13(1), pointe (a), chun measúnú a dhéanamh i dtaobh an bhfuil an féindearbhú dá dtagraítear in Airteagal 7(1), pointe (a), arb iad na hóstaigh atá freagrach go hiomlán as a chruinneas, tugtha chun críche, ar choinníoll gur féidir an measúnú a dhéanamh ar bhealach comhréireach le huirlisí uathoibrithe dá bhforáiltear in Airteagal 10. Ní bheidh aon oibleagáid faireacháin ghinearálta mar thoradh ar chur i bhfeidhm an Airteagail seo.