Airteagal 75 2.

Faoin 19 Iúil 2030, agus gach 6 bliana ina dhiaidh sin, déanfaidh an Coimisiún meastóireacht ar an Rialachán seo agus ar a mhéid a chuireann sé le feidhmiú an mhargaidh inmheánaigh, lena n-áirítear a mhéid a bhaineann le hearnáil na hathúsáide agus an athchóirithe, na feithiclí dá dtagraítear in Airteagal 1(2), pointe (h), agus na hoibleagáidí a leagtar síos i gCaibidil VI, go háirithe na díolúintí d’fhiontair bheaga agus do mhicrifhiontair, agus le feabhas a chur ar inbhuanaitheacht comhshaoil táirgí. Mar chuid den mheastóireacht sin, déanfaidh an Coimisiún measúnú ar a indéanta a bheadh sé oiriúnú uathoibríoch ar cheanglais éicidhearthóireachta a áireamh ar bhonn feidhmíocht táirgí a fheabhsú sna táirgí atá á gcur ar an margadh. Déanfaidh an Coimisiún tuarascáil ar phríomhthorthaí a mheastóireachta a chur faoi bhráid Pharlaimint na hEorpa, na Comhairle, Choiste Eacnamaíoch agus Sóisialta na hEorpa agus Choiste na Réigiún, agus cuirfidh sé ar fáil go poiblí í.